Isaya 36:18 - MUMA MALER 2015

¹⁸ Tang’uru, nono to Hezekia owitou, kowuondou ni Ruoth Nyasaye biro konyou. Bende nitie nyasach piny moro mosereso pinye e lwet ruodh Asuria?

Motingʼo Loko Manyien

¹⁸ “Kik uwe Hezekia wuondu kowachonu ni, ‘Jehova Nyasaye biro resowa.’ Bende nyaka nene nyasach piny moro amora osereso ogandane e lwet ruodh Asuria?

Isaya 36:18 ပူးပေါင်းရင်းမြစ်များ

Zaburi 12:4

Giwacho niya, “Wabiro loso kaka wan ema wahero, kendo onge ng’ama nyalo nyisowa gima onego wawachi?”

Isaya 10:11

donge abiro timo ni Jerusalem kod nyisechene manono, mana kaka asetimo ni Samaria kod kido mage manono?”

Isaya 10:7

To ruodh Asuriani ok ong’eyo ni an ema ne aore. Oparo mana in en omonjo amonja ji, kodwaro ni mondo olo piny duto.

Isaya 36:10

Koso iparo ni asebiro mana ni mondo amonj amonja Jerusalem, akethi, ka ok Ruoth Nyasaye ema oyiena? Ng’eni Ruoth Nyasaye ema nowachona ni mondo abi amonj pinyni akethi.”

Isaya 36:15

Bende kik uwe ohou ni mondo ugen kuom Ruoth Nyasaye, kowachonu ni, adier Ruoth Nyasaye ema noresu, kendo ni ruodh Asuria ok nokaw dala maduong’ni.

Isaya 36:17

nyaka chop abi mi agolu kendo ateru e piny machal gi pinyuni. En piny ma cham gi mzabibu chiekie maber, kendo ma makati gi divai ng’enyie.

Isaya 36:7

To kuwachona ni ugeno kuom Ruoth Nyasaye ma Nyasachu, to donge en e Nyasaye ma Hezekia oseketho hembkone gi kuonde mitimonee misengni, kochiko jo-Juda gi jo-Jerusalem ni nyaka lem mana e nyim kendo-mar-misango man Jerusalem kende?

Isaya 37:10

“Kik iyie Nyasachi migeno kuomeno wuondi ni ruodh Asuria ok nokaw Jerusalem.

Isaya 37:11

Chutho, isewinjo kaka ruodhi mag Asuria oseketho pinje mane gikedogo chuth. To koro iparo ni in ema dikwo?

Isaya 37:4

Nyalo bet ni Ruoth Nyasaye ma Nyasachi osewinjo weche Rabshake, ma ruodh Asuria oseoro, mondo oyany Nyasaye Mangima. Omiyo koro obiro kumo Rabshake nikech weche ma osewinjo ka Rabshake wachogo. Kuom mano, in Isaya, lem ni jowa mapod odong’.”

Ezekiel 31:5

Yadhno ne odongo marabora moyombo yien duto, kendo bedene ne boyo mokar madongodongo, nikech ne oyudo pi morome.

Daniel 3:15

Koro sani ka uwinjo tung’ gi thum nyatiti gi asili kod thumbe mamoko ka ywak, to nyaka ukulru piny kendo ulam kidono. To kudagi timo kamano, to ibiro witu e mach makakni, piyopiyo ma ok odeko. Koso uparo ni nitie Nyasaye moro manyalo resou?”