Isaya 36:13 - MUMA MALER 2015

¹³ Bang’ mano nochung’ mokok gi dwol maduong’ gi dho Hibrania niya, “Winjuru wach ruoth maduong’ ma ruodh Asuria!

Motingʼo Loko Manyien

¹³ Eka jatend lweny nochungʼ moluongo matek gi dho jo-Hibrania niya, “Winjuru weche moa kuom ruoth maduongʼ ma en ruodh Asuria!

Isaya 36:13 ပူးပေါင်းရင်းမြစ်များ

2 Weche mag Ndalo 32:18

Jootego nowacho kamano ni jo-Jerusalem mane ni ewi ohinga, ka gikok gi duol maduong’ gi dho jo-Juda mondo obwoggi kendo omigi luoro, eka mondo gikaw dalano.

Isaya 36:11

Eka Eliakim gi Shebna kod Joa nowacho ni Rabshake niya, “Wasayi, yie iwuo kodwa gi dho Aram, nikech en dhok mwang’eyo, to we wuoyo kodwa gi dho Hibrania kae, nimar joma ni ewi ohinga nyalo winjowa.”

Isaya 36:12

To Rabshake ne odwokogi, ka penjogi niya, “Uparo ni un kod ruodhu kende ema ne ruodha oora iru mondo awachnu wechegi? Ooyo, oora ir joma nie wi ohinga, ma ochunore ni nyaka cham chiethgi, kendo madh lachgi giwegi, mana kaka un bende unutim!”

Isaya 36:4

Eka Rabshake nowachonigi niya, “Nyisuru Hezekia ni ruoth maduong’ ma ruodh Asuria owacho kama: ‘Ere gima omiyo idhialori kamano?

Isaya 37:4

Nyalo bet ni Ruoth Nyasaye ma Nyasachi osewinjo weche Rabshake, ma ruodh Asuria oseoro, mondo oyany Nyasaye Mangima. Omiyo koro obiro kumo Rabshake nikech weche ma osewinjo ka Rabshake wachogo. Kuom mano, in Isaya, lem ni jowa mapod odong’.”

Isaya 8:7

kendo gitetni e nyim Resin kod wuod Remalia, emomiyo abiro kelo kuomgi ruodh Asuria gi joge mag lweny, mabiro pong’o pinygi chuth, mana kaka aora Yufrate maduong’ kendo matut pong’o wang’e kendo mwomo genge, mi o oko.

Daniel 4:37

To koro, an Nebukadnezar apako Ruodh Polo kendo amiye duong’, nimar gimoro amora motimo ni kare. Pile ong’ado bura kare, kendo odwoko joma sungore piny.