Isaya 36:10 - MUMA MALER 2015

¹⁰ Koso iparo ni asebiro mana ni mondo amonj amonja Jerusalem, akethi, ka ok Ruoth Nyasaye ema oyiena? Ng’eni Ruoth Nyasaye ema nowachona ni mondo abi amonj pinyni akethi.”

Motingʼo Loko Manyien

¹⁰ To moloyo mano iparo ni asebiro monjo pinyni mana gi pacha awuon ka ok en wach moa kuom Jehova Nyasaye? Jehova Nyasaye owuon ema osenyisa mondo abi amonj pinyni kendo akethe.’ ”

Isaya 36:10 ပူးပေါင်းရင်းမြစ်များ

1 Ruodhi 13:18

Janabi motino nowuonde, kawachone niya, “An bende an janabi kaka in, kendo malaika osekelona wach Ruoth Nyasaye ni mondo abi aomi, wadhi e oda, ichiem.”

1 Ruodhi 22:12

Jonabi duto bende nokoro mana wach machal kamano, ka giwacho niya, “Dhi Ramoth-gilead mondo ilo. Ruoth Nyasaye biro chiwe e lweti.”

1 Ruodhi 22:6

Omiyo ruodh Israel nochoko jonabi ma dirom mia ang’wen, mopenjogi niya, “Adhi aked gi jo-Ramoth-gilead, koso awe?” Ne gidwoke niya, “Dhiyo, nikech Ruoth Nyasaye biro miyi dalano.”

2 Ruodhi 18:25

Koso iparo ni asebiro mana ni mondo amonj amonja Jerusalem, akethi, ka ok Ruoth Nyasaye ema ne owachona ni mondo abi amonj pinyni, akethi!”

2 Weche mag Ndalo 35:21

To Neko noorone joote gi wach niya, “Walar ang’o kodi, ruodh Juda? In ok ema abiro monji kawuono, to abiro mana monjo dhoot ma an go gi lweny, kendo Nyasaye osechika mondo atim piyo. Kik ipiem gi Nyasaye man kora, nono to abiro tieki.”

Isaya 37:28

To ang’eyo timbeni duto: ang’eyo kata ka ichung’, kata ka ibet piny, kata kiwuok, kata kiduogo dala.

Amos 3:6

“Bende tung’ mar lweny nyalo ywak e dala mak omiyo ji luoro? Koso gimoro nyalo timore e dala ka ok Ruoth Nyasaye ema okelo?