Isaya 36:1 - MUMA MALER 2015

¹ E higa mar apar gang’wen, mar loch Hezekia, Senakerib ruodh Asuria nomonjo miech Juda mochiel motegno duto, mokawo.

Motingʼo Loko Manyien

¹ E higa mar apar gangʼwen mar loch Ruoth Hezekia, Senakerib ruodh Asuria nomonjo mier madongo duto mochiel motegno mag Juda mokawogi.

Isaya 36:1 ပူးပေါင်းရင်းမြစ်များ

2 Ruodhi 18:13

E higa mar apar gabich mar loch Hezekia, Senakerib ruodh Asuria nomonjo miech Juda duto mochiel gi ohinga, mokawo.

2 Ruodhi 18:17

Ruodh Asuria nooro Tartan gi Rabsaris kod Rabshake, ma jodonge, kaachiel gi oganda lweny maduong’, ir Hezekia, mi ne giwuok Lakish ka gidhi Jerusalem. Kane gichopo kuno, ne gichung’ but fereji mane golo pi e Yawo Mamalo, e yo maduong’ madhi e puodho miluongo ni Puoth Jalwok Lewni.

2 Weche mag Ndalo 12:4

Nokawo miech Juda mochiel gi ohinga nyaka nochopo Jerusalem.

2 Weche mag Ndalo 32:1

Kata obedo ni Hezekia nosetiyo ni Nyasaye maber kamano, Senakerib ruodh Asuria, nobiro momonjo jo-Juda, kendo nolworo miechgi mochiel gi ohinga ni mondo okaw.

Isaya 7:17

To in Ahaz, Ruoth Nyasaye biro keloni kaachiel gi jogi kod joodi masira ma pok oneye nyaka ne jo-Israel pogre kuom jo-Juda. Ruodh Asuria ema nokel masirano.

Isaya 7:20

E ndalogo Ruoth Nyasaye nokel ruodh Asuria mondo oyaku mi weu nono, mana ka gima wembe ema olielo dendu duto koda ka tiku bende.

Mika 1:9

nimar adhonde Samaria ok nyal chango. Kata mana Juda bende osebedo gi adhondego, nikech masira osechopo e dhoranga Jerusalem hie koma jowa odakie.”