Isaya 35:9 - MUMA MALER 2015

⁹ Sibuoche ok nodhi kuno, kendo onge kata mana ondiek mager ma nosud machiegni kode. To yorno ema joma Ruoth Nyasaye osewaro nowuothie.

Motingʼo Loko Manyien

⁹ Onge sibuor manoyud kuno kata mana ondieg bungu mager manade, ok nosud machiegni kanyo. To mana joma Nyasaye osewaro ema nowuothie,

Isaya 35:9 ပူးပေါင်းရင်းမြစ်များ

Zaburi 107:2

Konyauru pako Ruoth Nyasaye un duto ma osewaro. Osekonyou e teko wasiku,

Wuok 15:13

Kuom herani mosiko isetelo ni joma niwaro. Kuom tekoni maduong’ isetelonigi nyaka kar dakni maler.

Isaya 1:27

Ka jo-Sayun olokore moweyo richogi, kendo oluwo yo makare, to anawargi.

Isaya 30:21

To kubaro koracham kata korachwich, mi uweyo yo, to unuwinj gi itu uwegi ka dwol moro wachonu gi kang’eu niya, “Ma e yo, luweuru.”

Isaya 30:6

Wach mane Nyasaye onyiso e fweny kuom ondiegi manie piny milambo ema: “Jooteugo kadho e piny ma masira gi parruok malit opong’o, kama sibuoche mamon nitie, kendo sibuoche machwo rutoe, bende kama thuonde mager mahuyo odakie. Kenje gi ngamia oting’o mwandugi, ka gitero ni oganda ma ok nyal konyou.

Isaya 43:19

Koro adwaro timo gima nyien. Neuru, asechako time. Donge unene? Abiro loso yo e piny motwo. Adier, abiro loso yore e piny motimo ongoro.

Isaya 5:29

Giywak mana ka sibuor maruto komako le, kendo dhigo ma onge ng’ama nyalo maye.

Isaya 51:10

Donge in ema ne idwono pi ataro, mi iloko kuonde matut mag nam obedo yo, mondo joma owar okadhie?

Isaya 62:10

Wuoguru! Wuoguru e dhorangach mondo ulos ni joga yo. Buguru yo. Bugeuru maber, kendo goluru kite. Bang’e ting’uru bandera mondo ji one.

Isaya 62:12

Noluonggi ni, ‘Joma owal’, kendo ni, ‘Joma Ruoth Nyasaye osewaro’, kendo ni, ‘Dala ma ok ojwang’.’ ”

Isaya 63:4

Ne asechano chieng’ ma achuloe kuor, kendo higa ma aresoe joga osechopo.

Isaya 65:25

Ondiek kod rombo nokwa kaachiel kendo sibuor nocham lum mana ka dhiang’ Thuol to nocham mana lowo. Onge gima nohiny ng’ato kata ma noketh gimoro e gode maler duto. An Ruoth Nyasaye ema awacho kamano.”

Jeremia 30:10

“Un nyikwa Jakobo jatichna, kik ubed maluor. Ee, un jo-Israel, kik chunyu parre, nikech abiro resou mi agolu e piny mabor motueueno. Nyikwa Jakobo noduogi kendo ginidag gi kue, maonge ng’ama bwogogi. An Ruoth Nyasaye ema awacho kamano.

Ezekiel 34:25

Anatim kodgi singruok makelonigi kue, bende anatiek ondiegi duto e piny, mondo romba obed gi kue, ka kwayo e thim, kendo nindo aninda e bungu.

Ezekiel 34:27

Yiendgi nonyag olembe, kendo puothegi nochieg cham, bende ng’ato ka ng’ato nodag gi kue e lope owuon. Ka achodo nyororo mane otuego joga, mi aresogi e teko mar joma ne olokogi wasumbni, to eka gining’e ni an e Ruoth Nyasaye.

Hosea 2:18

“Bang’ mano anatim singruok gi le mae thim gi winy mae kor polo kod gik mamol e lowo ni kik gihiny joga. Eka natur atung’ gi ligangla kod gimoro amora mar lweny, mi aywegi oko e piny mondo joga odag gi kue.

Tim jo-Lawi 26:6

“Anakel kue e pinyu, mi ununind maonge luoro. Anatiek ondiegi e pinyu, kendo lweny ok nomi pinyu kethre.

Jo-Galatia 3:13

To Kristo nowarowa kuom kuong’ ma Chik kelo, kane odoko ng’ama okuong’ nikech wan, nimar Muma wacho niya, “Okuong’ ng’ato ang’ata ma olier e yath.”

Tito 2:14

En ema ne ochiwore owuon nikech wan, mondo oreswa e richo duto, kendo opuodhwa wabed joge moyiero, mondo watim timbe mabeyo.

1 Petro 1:18

Ung’eyo ni kane owaru kuom timbeu manono mane uyudo kuom kwereu, to ne ok owaru gi gik matow kaka fedha kata dhahabu,

Fweny 5:9

Ne giwero wer manyien niya “In ema iwinjori kawo kitabuni, mi iketh kido modinego, nikech in ema ne onegi kendo rembi ema ne ing’iewogo ni Nyasaye ji moa e dhoudi duto kendo mawacho dhok duto, kendo moa e ogendini duto kod pinje duto.