Isaya 35:8 - MUMA MALER 2015

⁸ Wang’yo maduong’ nobed e thimno, kendo noluonge ni, ‘Wang’yo Maler’ Joma ok ler gi joma ofuwo ok nowuothie.

Motingʼo Loko Manyien

⁸ Kendo wangʼ yo nobedi kanyo, mi noluonge ni Wangʼ Yo Maler. Joma ok ler ok nowuothie, to nobedi wangʼ yo ma joma kare ema luwo, joma ofuwo ma joricho ok nowuothie.

Isaya 35:8 ပူးပေါင်းရင်းမြစ်များ

Zaburi 118:20

Ma e dhoranga Ruoth Nyasaye. Joma kare kende ema donjoe.

Zaburi 119:130

Tiend wachni koel, to kelo ler, kendo omiyo weche donjo kata ni ng’ama riekone tin.

Zaburi 19:7

Chik Nyasaye long’o kendo chiwo ngima manyien. Weche mag Nyasaye gin weche mogen. Gichiwo rieko ni joma ongego.

Zaburi 23:4

A Nyasacha, kata obedo ni akadho e hoho mar tipo mar tho, to ok analuor gimoro, nikech in koda. Ludhi gi odungani ema hoya.

Ngeche 16:17

Yo ma joma beyo luwo bor gi richo, omiyo rang kama iluwo mondo ires ngimani.

Ngeche 4:18

Wang’yo ma joma kare luwo, chalo chieng’ mapilore gokinyi, kendo medore ameda nyaka nyango tegno.

Ngeche 8:20

An atimo timbe makare, kendo ang’ado bura kare,

Ngeche 9:4

“Biuru un joma onge gi rieko.” Ng’at ma ofuwo, bende rieko wachone niya,

Isaya 11:16

Kamano ndara nobedie ni jo-Ruoth Nyasaye manok, modong’ kuom joma ne oter Asuria mana kaka ndara nobetie ni jo-Israel kawuok Misri.

Isaya 19:23

E kindego ndara maduong’ nobedie moa Misri kadhi Asuria. Jo-Asuria nobi Misri, kendo jo-Misri bende nodhi Asuria. Kamano jo-Misri gi jo-Asuria nolam Nyasaye kaachiel.

Isaya 30:21

To kubaro koracham kata korachwich, mi uweyo yo, to unuwinj gi itu uwegi ka dwol moro wachonu gi kang’eu niya, “Ma e yo, luweuru.”

Isaya 33:8

Yore madongo odong’ nono; jowuoth ok luwgi. Singruok duto okethi, kendo winjruok motim ok dew. Dhano bende ok kwan ka gimoro.

Isaya 4:3

Eka jogo ma odong’ Jerusalem ma moro ka moro ondik nyinge e kitap ngima, noluong ni joma ler.

Isaya 42:16

Bang’e anatel ni muofni e wuodhgi, ka amiyo giluwo yore ma ok ging’eyo. Mudho ma giwuothoe analoknigi ler, kendo anarie yore mobam ma giluwo. Mago duto natim mak ok aweyo moro mak atimo.

Isaya 43:19

Koro adwaro timo gima nyien. Neuru, asechako time. Donge unene? Abiro loso yo e piny motwo. Adier, abiro loso yore e piny motimo ongoro.

Isaya 51:10

Donge in ema ne idwono pi ataro, mi iloko kuonde matut mag nam obedo yo, mondo joma owar okadhie?

Isaya 52:1

A malo! A malo, mondo ibed motegno, in dala Sayun. Rwak lepi mabeyoe moloyo, yaye Jerusalem, dala maler, nimar chakre kawuono, joma ok oter nyangu, kaachiel gi joma ogak, ok nochak odonj kuomi.

Isaya 52:11

Wuoguru! Wuoguru ua Babulon, ka ok umulo gimoro mogak. Adier, un muting’o gik lemo, wuoguru Babulon chuth, kusepwodhoru maler.

Isaya 57:14

Bang’e unuwinj dwol ka wacho niya, “Buguru ndara. Bugeuru, kendo loseuru maber, kugolo gik moko duto ma dichwany joga.”

Isaya 60:21

Jogi duto nobed joma kare, kendo piny nobed margi nyaka chieng’. Ginichal gi bad yath ma an ema apidho gi lweta awuon, mondo okelna duong’.

Isaya 62:10

Wuoguru! Wuoguru e dhorangach mondo ulos ni joga yo. Buguru yo. Bugeuru maber, kendo goluru kite. Bang’e ting’uru bandera mondo ji one.

Isaya 62:12

Noluonggi ni, ‘Joma owal’, kendo ni, ‘Joma Ruoth Nyasaye osewaro’, kendo ni, ‘Dala ma ok ojwang’.’ ”

Jeremia 31:21

Un jo-Israel, keturu ranyisi ma nyiso wang’ yo, mondo yo ma onego uluw kik ruenyu, to uduog e miechu mane uweyo.

Ezekiel 43:12

To chik Hekalu chalo kama: Kuonde duto molworo wi godni gin kuonde maler moloyo.”

Ezekiel 44:9

“An Ruoth Nyasaye awacho kama: Japiny moro amora ma ok ter nyangu kendo mochaya ok nochak odonj e Hekaluna kata obed mana japiny moro modak e Israel.

Joel 3:17

“Bang’e un jo-Israel unung’e ni an, Ruoth Nyasaye ma Nyasachu, adak Sayun, goda maler, kendo jopinje mamoko ok nonyone kendo.

Tim jo-Lawi 26:6

“Anakel kue e pinyu, mi ununind maonge luoro. Anatiek ondiegi e pinyu, kendo lweny ok nomi pinyu kethre.

Mathayo 1:23

“Nyako nomak ich, mi nonywol wuowi, kendo nochake ni Emanuel, tiende ni, Nyasaye ni kodwa.”

Johana 14:6

Yesu nodwoke niya, “An e yo, kendo an e adiera. Onge ng’ama dhi ka Wuora mak okadho kuoma.

Johana 7:17

Ng’at moyie timo gima Nyasaye dwaro, to biro ng’eyo kata ka weche ma apuonjo oa ka Nyasaye, kata ka apuonjo mana wechena awuon.

Jo-Efeso 2:10

Wan chuech manyien mar Nyasaye. Nochueyowa kuom Kristo Yesu mondo wabed joma timo timbe mabeyo, mane Nyasaye owuon oikonwa mondo watim.

1 Jo-Thesalonika 4:7

Nyasaye ok oseluongowa mondo wadag e dwanyruok, to oseluongowa mondo wabed joma ler.

2 Timotheo 1:9

Nyasaye nowarowa kendo oluongowa mondo wabed joge owuon, ok nikech gimoro maber ma wasetimo, to mana nikech mano ema nodwaro kuom ng’wonone. Nyaka nene ne omiyowa ng’wononeno kuom Kristo Yesu.

Jo-Hibrania 12:14

Temuru mondo ubed gi kue kod ji duto, kendo beduru gi ngima maler, nikech ka ng’ato ok ler, to ok none Ruoth.

1 Petro 1:16

Paruru gima Nyasaye wacho e Muma ni, “Nyaka ubed joma ler, nikech an aler.”

2 Petro 3:13

To wan warito polo manyien kod piny manyien, kuma tim makare nitie, kaka ne Nyasaye osingorenwa.

1 Johana 2:20

Un ema Ng’ama Ler osewirou, omiyo un duto ung’eyo adiera.

1 Johana 2:27

Un to, Roho mane Kristo omiyou osiko kuomu, omiyo ok uchando ng’at mapuonjou gik moko duto, kendo puonj mare en adier, ma ok miriambo. Kuom mano, sikuru kuom Kristo mana kaka Roho osepuonjou.

Fweny 21:27

To gimoro amora ma ok ler, kata ng’at matimo gik mamono, kata mariambo, ok nodonjie ngang’ to mak mana jogo ma nyinggi ondiki e kitap Nyarombo mar ngima.