Isaya 35:6 - MUMA MALER 2015

⁶ Rang’onde bende nochikre ka nyidiek, kendo momni nower gi mor, nimar pi nobubni e piny motwo, kendo aore nobed ka molie.

Motingʼo Loko Manyien

⁶ Eka rongʼonde nolengʼre ka nyakech kendo momni nokog gi mor. Pi nobubni kowuok e thim, kendo oula nomol kar ongoro.

Isaya 35:6 ပူးပေါင်းရင်းမြစ်များ

Nehemia 9:15

Nimiyogi chiemo moa e polo mondo otieknigi kech, kendo nigolonigi pi e lwanda mondo gineg godo riyo; bende nichikogi mondo gidonj kendo gikaw piny mane ikuong’ori ni nimigi.

Zaburi 107:35

To bende omiyo piny motimo ongoro bedo gi pi, kendo piny motwo bedo gi sokni.

Zaburi 46:4

Nitie aora makelo mor e dala mar Nyasaye, ma Ng’ama Duong’ Moloyo oseloko kar dakne.

Zaburi 51:15

Yaw dhoga mondo awuo, to abiro paki.

Wuok 17:6

Anachung’ e nyimi kanyo, but lwanda man Horeb. Inichwad lwandano, mi pi nowuogie mondo ji omodhi.” Musa notimo kamano e nyim jodong Israel.

Isaya 30:25

Chieng’ nek maduong’no, ma ikethoe kuonde mochiel motegno, aore kod sokni mamol nobed ewi gode madongo kod pidhe maboyo duto.

Isaya 32:2

Adier, ng’at moro nobed ni ji ka kama gibwogoe koth gi yamo, bende noduog chuny ji mana ka aore mamol e piny motwo, kata ka tipo mang’ich mar lwanda maduong’, man e piny maliet ma chieng’ kechie.

Isaya 32:4

Chuny ng’at mamwomore nobed gi rieko, kendo ng’at ma radwal nolos maber.

Isaya 33:23

Bang’e ng’ama muofu kod ng’ama rang’ol bende noyud pok kuom gik moyaki.

Isaya 35:1

Thimbe kod pinje motwo nobed mamor, kendo maupe mabeyo nothiew kuondego.

Isaya 42:11

Thim, kod mier man kuno, mondo obed mamor, kaachiel gi kuonde dak mag jo-Arabu ma Kedar. Un joma odak Sela, koguru gi mor ewi gode.

Isaya 44:3

nikech abiro kelo koth mang’eny e lowo motwo mobaro okak. Bende abiro olo rohona kuom kothu, ka aguedhogi.

Isaya 48:21

Kane otelonigi e thim, to riyo ne ok oloyogi, nikech ne omiyo pi owuok e lwanda. Ee, nobaro lwanda, mi pi obubnie.

Isaya 51:3

An Ruoth Nyasaye naho chuny Sayun. Adier, anaguedh kuonde modong’ gundni, mi alok kuonde motimo ongoro bed ka Eden, puoth Nyasaye. Mor gi ilo, kaachiel gi erokamano kod wer mamit nopong’ Sayun.

Joel 3:18

Kindeno yiend mzabibu manyak ahinya nopong’ gode, kendo jamni mathoth noyud e got ka got. Soko nomol kawuok e Hekalu mar Ruoth Nyasaye, mi nomi holo Shitim bedo mang’ich.

Zekaria 14:8

Chakre chieng’no, pi maliw nomol kawuok Jerusalem. Moko nochik Nam Kado, man yo wuok chieng’ to moko nochik Nam Mediterenia, man yo podho chieng’. Enosik komol e ndalo chwiri kendo e ndalo oro mana machalre.

Malaki 4:2

To un joma oluoro nyinga tekona nopilre kuomu ka wang’chieng’ ma kelo ler, mi noresu, kendo ler mare nobed gima changou. Unubed joma ni thuolo kendo mail ka nyiroye moyawnigi abila.

Kwan 20:11

Eka noting’o bade mogoyo lwandano diriyo gi ludhe. Pi nobubni mang’eny, mi oganda nomodho kaachiel gi jambgi.

Mathayo 11:5

Nyiseuru ni muofni neno, pudhe wuotho, jodhoho ichango, joma itgi odino winjo wach, joma otho ichiero, kendo joma odhier ilandonigi Wach Maber.

Mathayo 12:22

Ji moko nokelo ni Yesu ng’ato ma jachien oloko muofu kendo momo. Yesu nochange mi koro ne onyalo wuoyo kendo neno.

Mathayo 21:14

Muofni kod rang’onde nobiro ire e Hekalu, mochangogi.

Luka 1:64

Gikanyono dho Zekaria noyawore, kendo lewe nogonyore mi ochako wuoyo kodendo Nyasaye.

Luka 11:14

Ne oyudo Yesu golo jachien kuom ng’ato mane jachien oloko momo, kendo kane jachiendno osewuok, ng’atno nowuoyo mi ji mane ni kanyo nowuoro.

Tich Joote 3:2

To e ‘Dhorangach Malong’o’, ne nitie ng’at moro mane osebedo puth nyaka a nyuolne. Ne itere e dhorangach kanyo pilepile, mondo okwa pesa kuom joma donjo e Hekalu.

Tich Joote 8:7

Jochiende maricho nowuok kaywak matek kuom ji mang’eny, kendo joathany kod pudhe bende ne ochango,

Jo-Kolosai 3:16

Wach Kristo, gi gueth duto mokelo, mondo odag e chunyu. Puonjreuru kendo jiwreuru gi rieko duto. Weruru mamit e chunyu ni Nyasaye, kugoyone erokamano gi wende Zaburi gi wende pak kod wende mag chuny.

Fweny 22:1

Bang’ mano, malaikano nonyisa aora mar pi ngima marieny ahinya, kendo mamol kaa e kom duong, mar Nyasaye gi mar Nyarombo.

Fweny 22:17

Roho gi Miaha wacho ni, “Bi!” Ng’ama owinjo, bende mondo owach ni, “Bi!” To ng’ama riyo oloyo, mondo obi oyud pi mar ngima nono, mak ochulo gimoro.