Isaya 34:7 - MUMA MALER 2015

⁷ To kar nego jope, to ruodhi ema obiro nego, kendo kar nego ruedhi, to oganda mar joma rateke ema nonegi, mi remo pong’ piny, kendo piny leny nikech boche,

Motingʼo Loko Manyien

⁷ Kendo jope, gi nyirwedhi kod rwedhi madongo nopodh kodgi. Pinygi nopongʼ gi remo, kendo boche noum buru.

Isaya 34:7 ပူးပေါင်းရင်းမြစ်များ

Zaburi 68:30

To kwer piny Misri, machalo gi le mager modak e odunduno, kendo kwer ogendini mamoko, machalo kweth ruedhi gi nyiroye. Giduto mondo gikulreni, ka gikeloni fedha. Ka ogendini duto mohero lweny.

Zaburi 92:10

Isemiyo abedo maratego ka jowi, kendo iseguedha kimiya mor.

Isaya 63:6

Ne anyono ogendini piny ka akecho. Ee, ne atong’ogi atong’ogi, mi rembgi obubni piny.”

Jeremia 25:34

“Ywaguru un jotelo! Ywaguru matek! Ywaguru kendo bukreuru gi buru, nikech kinde minegoue osechopo, kendo ibiro negou ka imbe machwe.

Jeremia 46:21

Jolweny ma jo Misri ondiko, bende omemore mana ka nyiroye mitueyo dala. Ne ok ginyono piny mondo gikedi, to giduto ne giwichore mi giringo, nikech ndalo ming’adonigie bura nosechopo, momiyo masira omakogi.

Jeremia 50:11

“Un jo-Babulon ne uyako ogandana. To kata umor kendo uil ka nyaroya matugo e lek, kata ka faras manyiero,

Jeremia 50:27

Neguru jolwenje duto ka rwedhi miyang’o. Ywaguru jo-Babulon, nikech sa osechopo monego kumgie.”

Ezekiel 32:6

kendo anami rembi mol, mi pong’ piny, koda ka gode gi holni.

Ezekiel 39:17

Ruoth Nyasaye nochako owacho niya, “Wuod dhano, nyis winy duto kod ondiegi duto man kuonde duto ni awachonigi kama: Biuru mondo ucham misango ma adwaro timonu. Obiro bet sawo maduong’ ahinya ewi gode mag Israel, kuma ubiro chamoe ring’o kendo madhoe remo.

Ezekiel 39:18

Adier, ubiro chamo ringre jolweny, kendo ubiro madho remb ruodhi mag piny. Giduto ginibednu ka imbe gi nyirombe gi diek gi ruedhi machwe mag Bashan mitimogo misango.

Kwan 23:22

Nyasaye, ma nogologi e piny Misri, tekone chalonigi gi teko jowi.

Kwan 24:8

Nyasaye mane ogolou e piny Misri, tekone chalo gi teko jowi. Uchamo ringre ogendini ma wasiku bende urado chokegi, kendo uturo lembgi matindo tindo.

Rapar mar Chik 33:17

Dhoode nochal gi nyarwath makayo, ma tungene chalo gi tung jowi, ma obiro chwowogo ogendini, moriembgi nyaka tung piny gi tung’ piny. Tungego gin gi ji tara gi tara ma jo-Efraim, kod ji gana gi gana ma jo-Manase.”