Isaya 34:5 - MUMA MALER 2015

⁵ To ka ligangla mar Ruoth Nyasaye osetieko tichne e polo, to obiro lwar kuom jo-Edom, ma en oganda ma osekuong’o mondo otieki.

Motingʼo Loko Manyien

⁵ Liganglana osetieko tichne e kor lwasi, neuru, olor mondo ongʼad bura ne Edom, oganda ma asetieko chuth.

Isaya 34:5 ပူးပေါင်းရင်းမြစ်များ

Zaburi 137:7

A Ruoth Nyasaye, parie gima ne jo-Edom otimo, chieng’ mane okaw Jerusalem! Adier, ne gisiko giwacho niya, “Mukeuru mondo oruombre piny!”

Zaburi 17:13

A Ruoth Nyasaye, bi mondo iked gi wasika kod ilogi. Resa gi liganglani e lwet joricho.

Isaya 21:11

Ma e wach mane Nyasaye onyiso e fweny kuom Duma: Ne awinjo ng’ato ka luonga Seir. Ne openjo niya, “In jang’icho koro en sa adi mar otieno?”

Isaya 24:6

Mano emomiyo kuong’ biro mwonyo piny, kendo joma odakie none chandruok nikech richogi, bende ginilal nono, mak mana ji manok kende ema nodong’.

Isaya 43:28

Jodongu bende ne omiyo Hekalu mara odoko mogak. Mano omiyo ne ajwang’o jo-Israel ma nyikwa Jakobo mondo otieki, mi yud wichkuot.

Isaya 63:1

Mano ng’a, mabiro koa Bozra e piny Edom, ka lepe otimo remono? Orwakore gi lep duong’, kendo owuotho gi tekone duto. “An Ruoth Nyasaye ema abiro, ka ahulo ni Jerusalem oseresi, kendo an ema an gi teko mar waro ji.”

Isaya 65:12

aseng’adonu buch tho, kendo uduto ibiro negu, nikech ne aluongou, to ne ok udwoka, bende ne alosonu, to ne udagi winja. To ne utimo timbe mamono ma ok ayiego, kuyiero mana gik ma adagi.

Jeremia 46:10

Kawuono en chieng’ Ruoth Nyasaye Manyalo Gik Moko Duto. En chieng’ mochuloe kuor ni wasike. Ligangla biro chamogi mi yieng’, kendo madh rembgi mi mer, nimar kawuono Ruoth Nyasaye Manyalo Gik Moko Duto, timo misango yo nyandwat but aora Yufrate.

Jeremia 47:6

Giywak niya, ‘Yaye! Ligangla mar Ruoth Nyasaye biro chadho ji nyaka karang’o? Onego odog e olalo mondo oyue kanyo!’

Ezekiel 32:29

“Jo-Edom gi ruodhigi kod jotendgi bende ni kuno. Chon ne gin jolweny marateke, to koro giriere e Piny Joma Otho, kaachiel gi joma ok ter nyangu, mane onegi e lweny.

Ezekiel 35:1

Ruoth Nyasaye nowuoyo koda, mowachona niya,

Ezekiel 35:15

mana kaka ne ugoyo siboi kane masira omako jo-Israel, ma gin mwanduna awuon. Kuom mano gode mag Seir nowe kokethore. Adier, piny Edom duto nodong’ mana gunda. Bang’e ji duto nong’e ni an e Ruoth Nyasaye.”

Ezekiel 35:8

Anaum gode gi ringre joma otho, nikech joma oneg e lweny nopodh e gode gi holni kod hohni.

Ezekiel 36:5

“Ruoth Nyasaye ohero jo-Israel ahinya, omiyo asewuoyo ka an gi mirima mager kuom ogendini mokiewo kodgi, to moloyo asewuoyo kuom jo-Edom. Ne gimako piny ka gin gi siboi kod sunga marach e chunygi, mi gikawo legene.

Zefania 1:7

Ling’uru thi e nyim Ruoth Nyasaye, nimar odiechienge chiegni. Ruoth Nyasaye oseloso misango, kendo osepwodho wende.

Zefania 2:12

Un jo-Ethiopia bende ligangla mar Ruoth Nyasaye nonegu,

Malaki 1:4

Ka nyikwa Esau ma jo-Edom owacho ni kata obedo ni miechgi osekethi kamano, to gibiro gerogi kendo, to Ruoth Nyasaye Manyalo Gik Moko Duto dwoko niya, “We mondo gigergi, to abiro kethogi kendo, mi ji noluong jogo ni oganda mar kethruok ma Ruoth Nyasaye okechogo nyaka chieng’.

Mathayo 25:41

“Bang’ mano enowach ni joma nie bade koracham ni, ‘Un joma okuong’! Ayeuru kuoma, udhi e mach mak tho, moseiki ni Satan kod malaikane,

1 Jo-Korintho 16:22

Ka ng’ato ok ohero Ruoth, to mondo okuong’re! Ruodhwa bi!

Jo-Galatia 3:10

To jogo moyiengore kuom rito Chik kaka gima miyo gibedo e winjruok gi Nyasaye nie bwo kuong’, nikech Muma wacho niya, “Okuong’ ng’ato ang’ata ma ok osiko omako weche duto mondiki e kitap Chik!”

Rapar mar Chik 32:14

Ne gin gi cha adila gi cha rombe, kod nyirombe gi imbe mabeyo moloyo gi dhok moa Bashan, kod nyuogi, kaachiel gi ngano maber. Ne gimadho mana divai makwar maber.

2 Petro 2:14

Wengegi rango mon mana gi gombo maricho, kendo gombo ma gin-go mar dwaro timo richo ok rum. Giywayo joma yiegi yomyom, gitero e richo, bende chunygi ong’iyo gi gombo gik moko. Gin joma okuong!

Fweny 1:16

Ne en gi sulue abiriyo e lwete ma korachwich, kendo ligangla mabith ma dhoge abiriyo ne wuok e dhoge. Pat wang’e ne nenore ka wang’chieng’ mang’angni gi tekone duto.