Isaya 34:13 - MUMA MALER 2015

¹³ Kudho ema noyugno e udi madongodongo man kuno, kendo aila kod pedo nogawre e mier mage mochiel gi ohinga. Enobed piny marach ma ondiegi ema nitie, kendo ma tula ema odakie.

Motingʼo Loko Manyien

¹³ Kuthe ema noyugno e utege madongo, aila kod pedo nobed ohingane. Enobed piny mojwangʼ ma ondiegi ema odakie kendo kuonde ma tula odakie.

Isaya 34:13 ပူးပေါင်းရင်းမြစ်များ

Zaburi 44:19

To kata kamano, ne ibolowa e kind ondiegi! Ee, ne ijwang’owa e mudho mandiwa mar tho.

Isaya 25:2

Iseketho mier, mi udi momukore odhurore pidhe pidhe. Adier, iseloko mier mochiel motegno pidhe mag kite, mi udi mabeyo mag jopinje mamoko osekethore chuth, kendo ok nochak oger.

Isaya 35:7

Lop kuoyo ma yande chieng’ oowo gi liet nolokre dago mar pi, kendo sokni nowuog e lowo motwo, mi kuonde ma yande ondiegi ema odakie bed kuonde ma lum gi odundu gi togo dongoe.

Jeremia 10:22

Winjuru! Wach osebiro! Koko maduong’ timore e piny moro yo nyandwat. Gin jolweny mabiro ketho miech Juda, mi lokre thim ma ondiegi ema dakie.

Jeremia 49:33

Hazor nolokre thim nyaka chieng’, kama ondiegi ema dakie. Onge ng’ama nodag kuno, kata mana ma nobuorie.”

Jeremia 51:37

Babulon nodong’ gunda ma ondiegi ema dakie. Nobed kama bwogo ji ma onge ng’ama odakie, kendo kibaji nogo ji duto moneno gima osetimorene.

Jeremia 51:43

Miech jo-Babulon osedoko gik mabwogo ji, kendo chalo mana gi thim ma pi ongee. Ng’ato ok dagie kata wuothie.

Jeremia 9:11

Ruoth Nyasaye owacho niya, “Abiro loko miech Jerusalem gundni kama ondiegi ema odakie, kendo miech Juda abiro loko thim.”

Ywagruok 4:3

Kata mana ondieg otoyo bende dhodho nyithindgi, joga to osedoko makwiny mana ka udo ma e thim.

Hosea 9:6

Ka masira obiro, mi ji oringo, jo-Misri norwakgi, to noyikgi mana Memfis! Mwandugi kod miechgi ma giseweyo to yugi kod kudho ema nopong’.

Zefania 2:9

“Kuom mano, an Ruoth Nyasaye ma Nyasach Israel, akuong’ora gi nyinga awuon, ni Moab biro chalo gi Sodom, to Amon nochal gi Gomora, mi gibed kuonde ma aila gi bugni mag pundo ema opong’o, kendo mokethore nyaka chieng’. Joga modong’ noyakgi mi kaw pinygi.”

Malaki 1:3

Esau gi nyikwaye to asin-go. Aseketho piny gode mag Esau, mi aloko obedo thim ma ondiegi dakie.”

Fweny 18:2

Nokok matek niya, “Yaye! Babulon dala maduong’ osepodho! Osepodho! Osedoko kar dak mar jochiende, kendo odoko gunda ma chuny duto mochido odakie, kaachiel gi winy duto ma ok ler kendo makuero.