Isaya 33:9 - MUMA MALER 2015

⁹ Piny ywak, kendo dok chien. Lebanon two, kendo kethore. Sharon bende olokore thim, kendo Bashan gi Karmel oyaki modong’ nono.

Motingʼo Loko Manyien

⁹ Piny ywak kendo dok chien, Lebanon ni e wichkuot kendo okethore, Sharon olokore ongoro ka Araba, kendo Bashan gi Karmel oyaki modongʼ nono.

Isaya 33:9 ပူးပေါင်းရင်းမြစ်များ

Ayub 15:33

Enochal gi yadh mzabibu ma olembe lwar ka pok ochiek, kendo mana ka yadh zeituni ma ok nyag olemo.

Wer Mamit 2:1

An to, an mana maup thim mar Sharon, kata ondanyo madongo e pap.”

Isaya 10:34

Ee, Nyasaye Maratego biro goyo jo-Asuria piny, mana ka ng’at ma tong’o yiend Lebanon.

Isaya 14:8

Yiend saipras gi yiend sida mag Lebanon bende mor, kendo giwacho niya, ‘Kaka osetieki, koro onge ng’at ma biro tong’owa.’

Isaya 2:13

Chieng’no yiend sida maboyo duto man Lebanon, kod yien madongo duto man Bashan nokul piny

Isaya 24:1

Winjuru! Ruoth Nyasaye biro teng’o piny, mi dong’ nono. Obiro bare, mi oloke ataro, kendo oke joma odakie.

Isaya 29:2

to bang’e anakelni masira, mi ywagruok gi nduru nobedie, kendo inichal gi kendo-mar-misango ma remo ochuerie!

Isaya 3:26

Ywak kod dengo nopong’ dhorangeye mag Sayun, kendo dalano nodong’ nono kokethore.

Isaya 35:2

Ee, ginithiew mang’eny, kendo piny nopong’ gi wende mor. Kuonde ma yande otwo nobed mang’ich mana ka gode mag Lebanon, kata ka lege mabeyo mag Sharon kod mag got Karmel, kendo jo-Israel none duong’ maler mar Ruoth Nyasachgi.

Isaya 37:24

Isejaro Ruoth Nyasaye gi dho jooteni, kiwacho niya, ‘Aseidho gode maboyo mag Lebanon, mi achopo midimidi, ka an gi gechena mag lweny mang’eny mokadho akwana. Bende asetong’o yiend sida madongo, kod yiend saipras mabeyo man kuno. Asechopo nyaka e chuny bungu, kama ni iye mogik, kendo ma yien odichie.

Isaya 65:10

Joga ma osebedo ka lama nokwa jambgi e geng’ Sharon, kendo holo mar Akor nobed leg dhogi.

Jeremia 50:19

Abiro dwoko jo-Israel e pinygi, mi ginichal rombe ma kwayo e lek maber, ka gichamo cham manyak e got Karmel kendo e piny Bashan, kendo ka gichamo gik manyak e piny Efraim gi piny Gilead, mi giyieng’.

Hosea 4:3

Omiyo pinyni biro two kendo gik moko duto modakie biro tho. Adier, le duto gi winy koda ka rech biro tho.”

Amos 1:2

Nowacho niya, “Ruoth Nyasaye ruto Sayun! Ee, dwonde mor Jerusalem! Kuom mano lege jamni two, kendo wi got Karmel mang’ich ner.”

Mika 7:14

A Ruoth Nyasaye, rit jogi miseyiero, kaka jakwath kawo luth, kendo kwayogo jambe. Gidak mana kendgi e thim, ka piny momew olworogi koni gi koni. To we mondo gikwa e lege mag Bashan gi mag Gilead, kaka ne gitimo chon.

Nahum 1:4

Kogolo chik, to nembe gi aore duono, mi lokre lowo motwo. Lege mabeyo mag Bashan gi Karmel two, kendo bunge mang’ich man Lebanon wang’.

Tich Joote 9:35

Ji duto modak Luda gi Sharon nonene, mi olokore oyie kuom Ruoth.

Rapar mar Chik 3:4

E kindeno bende ne wakawoe gweng’ Argob duto, man e piny Og ruodh Bashan. Ne wakawo mier mage duto, ma onge kata achiel mane odong’.