Isaya 33:6 - MUMA MALER 2015

⁶ kendo ubiro yiengoru kuome e ndalou duto. Rieko gi ng’eyo ema kelo resruok, kendo luor ma oluorgo Ruoth Nyasaye e mwandune!

Motingʼo Loko Manyien

⁶ Enobed mise mar adier e ndalou, kar mwandu mar resruok gi rieko kod ngʼeyo; luoro Jehova Nyasaye e rayaw mar mwanduni.

Isaya 33:6 ပူးပေါင်းရင်းမြစ်များ

2 Ruodhi 18:7

Kuom mano, Ruoth Nyasaye ne ni kode, kendo noguedho gik moko duto mane otimo. Nodagi bet e bwo loch Asuria,

Ayub 4:6

Donge yie ma in go kuom Nyasaye kueyo chunyi? Koso donge igeno kuom timni makare?

Zaburi 140:7

Ruoth Nyasaye ma Nyasacha kendo ma jawarna, isebedo kirita e lweny.

Zaburi 28:8

Ruoth Nyasaye e teko joge, orito ruoth ma oyiero kendo orese.

Zaburi 45:4

Dhi adhiya kiidho farasi, kirwakori gi lep duong’, mondo ilo, kendo ikel adiera gi muolo kod bura makare. Tekoni maduong’ biro miyo itimo timbe madongo!

Ngeche 14:24

Osimb joma riek en mwandu. To gima joma ofuwo sidho gin mana fupgi.

Ngeche 14:26

Ng’at moluoro Ruoth Nyasaye nodag gi kue kaachiel gi joode.

Ngeche 14:27

Luoro Ruoth Nyasaye chalo gi soko mar ngima nikech oreso ji e tho.

Ngeche 15:16

Ber bedo jachan moluoro Ruoth Nyasaye moloyoo bedo gi mwandu makelo chandruok.

Ngeche 19:23

Luor Ruoth Nyasaye mondo idag aming’a gi kue maonge gima thagi.

Ngeche 2:5

Ka itimo kamano, to ining’e tiend luoro Ruoth Nyasaye, kendo iniyud rieko ming’eyogo Nyasaye,

Ngeche 28:2

Piny nyalo bedo mogurore kendo motegno ka nitie jotelo mariek. To ka richo nie piny, to jotelo ok ti aming’a.

Ngeche 29:4

Ka ruoth orito pinye gi adiera, to piny dhi maber, to ka obembo ji gi osuru mathoth, to oketho piny.

Eklesiastes 7:12

Emomiyo ber bedo gi rieko moloyo bedo gi mwandu, nimar rieko kelo ngima ni jogo man kode.

Eklesiastes 7:19

Gima rieko timo ni ng’ato duong’ moloyo gima ruodhi apar nyalo timo ni dala ma gidakie.

Isaya 11:9

Onge gima nohiny ng’ato, kata ma noketh gimoro e gode maler duto, nimar joma ong’eyo Ruoth Nyasaye nopong’ piny, mana ka pi mopong’o nam.

Isaya 26:1

Wer ma nower e piny Juda chieng’no e ma: “Wan gi dala mochiel motegno, kendo resruok ma Ruoth Nyasaye osekelonwa ema obedo ohinga mwageng’orego.

Isaya 32:17

mi kue nosik nyaka chieng’, kendo luoro ok nobedie.

Isaya 32:18

Kamano joga nobed e piny mokue, ka gidak gi mor, ma onge koko.

Isaya 33:20

Ka orango Sayun, dala mwatimoe sewni, to enone ni en dala man gi kue. Ee, kong’iyo Jerusalem, to enone ni ochalo gi hema ma ok tungni, ma loyene ogur motegno kendo ma kata tonde achiel ok ochot.

Isaya 45:17

Jo-Israel to Ruoth Nyasaye noresi gi resruok mosiko. Piny ok nochak ochamgi, kata ok ginichak gigore nyang’eng’o kendo nyaka chieng’.

Isaya 51:14

Misumba ma tich turo ibiro gonyo machiegni. Ok enotho, mi odhi e Piny Joma Otho, kata mana chiemo bende ok nochandi.

Isaya 51:6

Ting’uru wang’u urang polo, nikech polo biro lal ka iro. Piny bende ranguru, nimar piny biro ti ka law, ka ji modakie tho ka lwang’ni, to resruok ma akelo nosiki, kendo teko ma awarogo ji ok norum.

Jeremia 31:34

Onge ng’ama nopuonj wadgi kata ma nopuonj omin mare, kawachone ni, ‘Ng’e Ruoth Nyasaye,’ nikechh giduto gining’eya, chakre ng’at matinie moloyo nyaka ng’at maduong’ie moloyo. Anawenigi richogi, kendo ok nachak apar timbe maricho mane gisetimo. An Ruoth Nyasaye ema awacho kamano.”

Habakuk 2:14

Kinde biro chopo ma joma ong’eyo duong’ mar Ruoth Nyasaye nopong’ie piny ka, mana ka pi mopong’o nam.

Mathayo 6:33

To mokwongo dwaruru mondo Loch Nyasaye obedie, kendo utim gik ma Nyasaye dwaro, eka gigo duto nomednu.

2 Jo-Korintho 6:10

Kata obedo ni wan gi kuyo maduong’, to wamor pile, kendo kata obedo ni wan kaka jochan, to wamiyo ji mathoth mwandu. Bende wan kaka joma onge gimoro, to kara wan gi gik moko duto.

1 Timotheo 4:8

Ing’eyo ni ka ng’ato oketo chunye kuom tuke mag rieyo del, to mano konye mana e yore moko kende, to ka ng’ato oketo chunye kuom luoro Nyasaye, to mano konye e yore duto nikech okelone gueth e ngima ma sani, kendo e ngima mabiro bende.

1 Timotheo 6:6

To chutho, lamo Nyasaye nyalo keloni ng’ato ohala, to mana ka gik ma en-go orome.