Isaya 33:5 - MUMA MALER 2015

⁵ Ruoth Nyasaye duong’ moloyo, nikech odak e polo malo. Opong’o Sayun gi adiera kod tim makare,

Motingʼo Loko Manyien

⁵ Nying Jehova Nyasaye otingʼ malo, nimar odak e polo; obiro pongʼo Sayun gi tim makare kod adiera.

Isaya 33:5 ပူးပေါင်းရင်းမြစ်များ

Zaburi 118:16

Chutho, tekone e lweny osemiyo walocho.

Zaburi 123:1

A Ruoth Nyasaye in ema arangi, kating’o wang’a e polo kuma kom duong’ni nitie.

Wuok 15:1

Bang’e Musa gi jo-Israel nowero ni Ruoth Nyasaye wendni: “Abiro wer ni Ruoth Nyasaye nikech oseyudo duong’ mipako ahinya. Osewito farese kod joithgi e nam.

Wuok 15:6

“A Ruoth Nyasaye, badi ma korachwich nigi teko maduong! Oturo wasiki matindotindo.

Wuok 18:11

Koro ang’eyo ni Ruoth Nyasaye duong’ moloyo nyiseche duto, nikech osereso jo-Israel e loch mar jo-Misri, kuma ne iritogie gi achaye.”

Isaya 12:4

Chieng’no un duto unuwach niya, “Gouru erokamano ni Ruoth Nyasaye, kendo lameuru. Landuru ni ji duto gik mosetimo. Ka uhulo ni nyinge nigi duong’ moloyo.

Isaya 2:11

nimar ndalo biro ma sunga ma dhano sungorego nodwok piny, to Ruoth Nyasaye kende ema noting’ malo.

Isaya 2:17

Duong’ duto ma dhano nigo noduog piny. Sunga mar dhano bende noruchre e buru.

Isaya 26:1

Wer ma nower e piny Juda chieng’no e ma: “Wan gi dala mochiel motegno, kendo resruok ma Ruoth Nyasaye osekelonwa ema obedo ohinga mwageng’orego.

Isaya 28:6

Enomi jong’ad bura mau bed gi chuny mar ng’ado bura gi adiera, kendo enomi jolwenju ma kedo matek gi wasigu e dhorangeyeu bed gi chir mathoth.

Isaya 30:18

To kata kamano, Ruoth Nyasaye pod dwaro ng’wononu, kendo ogombo ahinya mondo okechu, nimar en Nyasaye ma jaadiera. Mano kaka jogo duto mogeno kuome gin johawi!

Isaya 32:1

Winjuru! Ruoth moro biro biro ma norit piny e yo makare, kendo jotende noti gi adiera.

Isaya 33:10

Ruoth Nyasaye wacho ni jo-Asuria niya, “Koro abiro a malo mondo anyis duong’na maler.

Isaya 33:4

Mwandugi noyaki, mi tieki, mana kaka bonyo nang’o lum, mi tieki. Adier, ji nopot kuomgi mana ka det bonyo.

Isaya 37:20

To koro Ruoth Nyasaye ma Nyasachwa, reswa e lwet Senakerib, mondo ogendini duto mae piny ong’e ni in kendi e Nyasaye.”

Isaya 5:16

Yo ma Ruoth Nyasaye Manyalo Gik Moko Duto ng’adoe bura biro miye duong’, kendo timne makare biro nyiso ni en Ng’ama Ler.

Isaya 52:1

A malo! A malo, mondo ibed motegno, in dala Sayun. Rwak lepi mabeyoe moloyo, yaye Jerusalem, dala maler, nimar chakre kawuono, joma ok oter nyangu, kaachiel gi joma ogak, ok nochak odonj kuomi.

Isaya 56:1

Ruoth Nyasaye wacho niya, “Rituru chik, kendo beduru gi timbe makare, nimar piyopiyo nono resruok ma akelo biro, mi timna makare nonere ratiro kolocho.

Isaya 57:15

Ng’ama Duong’ Moloyo, ma nyinge Ng’ama Ler, kendo mosiko nyaka chieng’ wacho kama: “Adak kama ler kendo man malo, gi joma chunygi obolore kendo muol, mondo aduog chuny joma muol, kendo ajiw teko mar joma obolore.

Isaya 60:21

Jogi duto nobed joma kare, kendo piny nobed margi nyaka chieng’. Ginichal gi bad yath ma an ema apidho gi lweta awuon, mondo okelna duong’.

Isaya 61:11

Kaka lowo miyo cham twi, kendo kaka cham mae puodho thiewo, e kaka Ruoth Nyasaye bende nomi tim makare kod pak thiew e nyim ogendini duto.

Isaya 61:3

Abiro hoyo chuny ji duto man gi lit, kendo gik ma abiro miyogi e magi: Maua mabeyo, kar buru ma gibukorego; kendo mor, kar lit ma gin go, kod pak, kar bedo gi chuny mool. Enoluonggi ni, yien mag tim makare, ma Ruoth Nyasaye opidho mondo oyudgo duong’.

Isaya 66:1

Ruoth Nyasaye wacho niya, “Polo e koma mar duong’, to piny e raten tienda. Kuom mano, ere kama dugernae ot? Koso ere kama dayueye?

Jeremia 23:5

“Ndalo biro ma nayierie nyakwar Daudi hie mondo obed ruoth. Enorit piny gi rieko, kotimo gik ma owinjore kendo makare e piny.

Jeremia 23:6

E ndalo lochne, jo-Juda nodag gi kue, kendo jo-Israel bende nodag maonge ng’ama chandogi. Ginichak ruodhno ni ‘Ruoth Nyasaye ma resowa.’ ”

Jeremia 31:23

Ruoth Nyasaye ma Nyasach Israel wacho niya, “Ka asedwoko jo-Israel e pinygi, to ginichak giwach e piny Juda gi mier mage kama: ‘Mad Ruoth Nyasaye guedh got maler mar Jerusalem ma en kama ler modakie.’

Daniel 4:37

To koro, an Nebukadnezar apako Ruodh Polo kendo amiye duong’, nimar gimoro amora motimo ni kare. Pile ong’ado bura kare, kendo odwoko joma sungore piny.

Jo-Rumi 11:26

Mano e kaka jo-Israel duto nokwo, mana kaka Muma wacho niya, “Jawar nobi koa Sayun. Enogol richo duto mag nyikwa Jakobo.

Jo-Rumi 3:26

To bende notimo kamano mondo onyisgo ni pod otimo gima kare ndalogi, kendo ni ng’ato ka ng’ato moyie kuom Yesu, to omiyo bet e winjruok kode.