Isaya 33:20 - MUMA MALER 2015

²⁰ Ka orango Sayun, dala mwatimoe sewni, to enone ni en dala man gi kue. Ee, kong’iyo Jerusalem, to enone ni ochalo gi hema ma ok tungni, ma loyene ogur motegno kendo ma kata tonde achiel ok ochot.

Motingʼo Loko Manyien

²⁰ Ka irango Sayun, dala maduongʼ mar sewniwa moyier; ibiro neno Jerusalem kama kwe nitie, hema ma ok bi muki; loje mage ok nopudhi, kata tondene ok nochodi.

Isaya 33:20 ပူးပေါင်းရင်းမြစ်များ

Zaburi 128:5

Onego Ruoth Nyasaye guedhi gie Sayun, e kinde duto mag ngimani.

Zaburi 46:5

Nyasaye odak e dalano, omiyo dalano ok nyal lo. Ee, Nyasaye biro konye gokinyi mang’ich.

Zaburi 46:6

Ogendini luor, kendo pinje yiengni, to piny bende leny ka Nyasaye rogo matek.

Isaya 32:18

Kamano joga nobed e piny mokue, ka gidak gi mor, ma onge koko.

Isaya 33:6

kendo ubiro yiengoru kuome e ndalou duto. Rieko gi ng’eyo ema kelo resruok, kendo luor ma oluorgo Ruoth Nyasaye e mwandune!

Isaya 37:33

Kuom mano, Ruoth Nyasaye owuoyo kuom ruodh Asuria kama: “Ok nodonj e dala Jerusalem, kendo ok nobaye gi asere, kata monjogo koting’o kuot ok nomonje. Bende ok nong’ing pith mondo oidhgo ohingane.

Isaya 4:5

Bang’e Ruoth Nyasaye nohon rumbi mar iro godiechieng’, kod ligek mach mang’ang’ni gotieno e wi udi man e got Sayun, kod kuonde chokruok, nikech duong’ nolandore kuonde duto

Isaya 54:2

Med odi, obed maduong’. Adier, yar rageng’ mag hembi malach, bende tud tondene obed maboyo, kendo igur loyene obed motegno,

Isaya 66:14

Ubiro neno kamano, mi chunyu bed mamor. Dendu nobed maber, mana ka lumb chwiri. An Ruoth Nyasaye ema nami jotichna ong’e tekona; Wasika to nanyis mirimba.”

Ezekiel 48:35

Kamano bor ohingano duto nobed mita alufu ochiko. To nying dalano mosiko nobed, ‘Ruoth Nyasaye ni ka.’

Ezekiel 48:8

To yo milambo mar lop Juda lowo mowal ni Nyasaye nobedie. Enochakre e tung’ piny ma yo wuokchieng’ nyaka yo podhochieng’, kendo borne nobed kilomita apar gariyo gi nus, mana machalre gi lowo mopog ni dhoudi duto. E dier lowono tir e kama nogerie Hekalu.

Mathayo 16:18

To bende awachoni niya, In Petro, tiende ni lwanda. Ewi lwandani ema anagerie kanisana ma en kanyakla mar joma oyie kuoma, kendo kata mana tho ok noloye.

Rapar mar Chik 12:5

Ruoth Nyasaye ma Nyasachu owuon biro yiero kamoro e piny dhoodu moro mondo oketie nyinge. Kanyo kende ema unuchokrue kuom lamo Ruoth Nyasaye ma Nyasachu.

Rapar mar Chik 16:16

“Jou machwo duto nyaka bi e nyim Ruoth Nyasaye didek e higa ka higa, mondo otim sewni adekgo kama Ruoth Nyasaye biro yiero. Gin Sap Makati ma ok ketie Thowi, gi Sap Jumbe, kod Sap Kiche. Onge ng’at ma nobi e nyim Nyasaye gi lwete nono.

Fweny 3:12

To ng’at molocho anami bed siro e Hekalu mar Nyasacha, mi ok nochak owuog kanyo kendo nyaka chieng’. Anandik nying Nyasacha kuome, kod nying dala mar Nyasacha, ma en Jerusalem manyien, mabiro lor kaa e polo kuom Nyasacha. Nyinga maler bende nandik kuome.