Isaya 33:18 - MUMA MALER 2015

¹⁸ Chunye nonyise gik machon, kendo nopar kaka ne oluoro wasigu mane ochung’ e tok ohinga mar dalagi, ka chano kaka dimwom ohingano, mi yakgi.

Motingʼo Loko Manyien

¹⁸ E pachi inipar masiche machon: “Ere jatelo maduongʼ cha? Ere ngʼatno mane okawo osuru? Ere jatelo mochungʼne kuonde ngʼicho man malo?”

Isaya 33:18 ပူးပေါင်းရင်းမြစ်များ

Chakruok 23:16

Ibrahim noyie gi nengo mane Efron osegoyo e nyim jo-Hiti, mi nomiye nus kilo mar fedha. Nopimogi gi rapim mane jolok ohala tiyogo.

2 Ruodhi 15:19

Ndalogo ema Pul ruodh Asuria nomonjoe e piny Israel, to Menahem nomiyo Pul fedha moromo kilo alufu mia adek, mondo Pul okonye jiwo lochne obed motegno.

2 Ruodhi 18:14

Eka Hezekia ruodh Juda nooro wach ni ruodh Asuria mane oyudo ni Lakish niya, “Aseketho to we kedo koda kendo, nikech ayie chulo gimoro amora midwaro.” Kamano ruodh Asuria nodwaro kuome fedha ma romo kilo alufu apar, kod dhahabu moromo kilo alufu achiel.

2 Ruodhi 18:31

Kik uwinj wach Hezekia, nimar ruodh Asuria owacho niya, ‘Winjreuru koda mondo ubi ira, mi ng’ato ka ng’ato kuomu nocham olemb mzabipe kod ng’ope, bende nomodh pi e sokone owuon,

Zaburi 31:22

Luoro ne omaka, kaparo ni isewita oko, to kata kamano kane aluongi mondo ikonya, to niwinjo ywakna.

Zaburi 71:20

Isemiyo aneno chandruok gi rem malit, to ang’eyo ni ibiro meda teko, kendo ibiro gola e liel.

Isaya 17:14

Kihondko nomak jo-Israel godhiambo, gokinyi to wasikgi norum pep! Mano e pok mowinjore gi joma yakowa.

Isaya 54:14

Enogeri e mise mar tim makare, kendo inibed mabor gi kuonde mithiroe ji, omiyo ok nibed maluor, bende nibed mabor gi masiche, mi ok ginisud machiegni kodi.

1 Jo-Korintho 1:20

Koro ere ng’at mariek? Ere japuonj Chik? Koso ere jatwak mariek mar pinyni? Donge Nyasaye osenyiso ji ni rieko mar pinyni en mana fuwo koso?

2 Timotheo 3:11

gi sand misandago, kod masiche ma aneno. Ing’eyo gik moko duto mane otimorena Antiokia gi Ikonio kod Lustra, kendo ing’eyo kaka ne adhil e sandgo duto. To Ruoth ne oresa e mago te.

1 Samuel 30:6

Daudi nodhier nono, nikech joge ne wacho ni mondo ogoye gi kite, nimar chunygi ne lit ahinya, ka ng’ato ka ng’ato paro yawuote gi nyige. To kata kamano Daudi noyudo teko kuom Ruoth Nyasaye.