Isaya 33:16 - MUMA MALER 2015

¹⁶ Ng’at ma kamano nodag kama oting’ore mokue. Got mabor motimo lwendni ema nobed kare mar geng’ruok, kendo enobed koyudo chiemo gi pi morome.

Motingʼo Loko Manyien

¹⁶ ma e ngʼama nodagi kuonde motingʼore gi malo, ma kare mar pondo nobedi got mochiel gohinga motegno. Chiembe ibiro chiw, kendo pi ok nodwon-ne.

Isaya 33:16 ပူးပေါင်းရင်းမြစ်များ

1 Ruodhi 19:6

Kane oting’o wang’e, nopo koneno makati kod puga mar pi yo ka wiye. Nochiemo kendo nomodho, eka nochako oriere piny.

Zaburi 107:41

Oreso jochan kuom chandruokgi, kendo omiyo ginya mang’eny.

Zaburi 111:5

Ji duto moluore, omiyo chiemo, bende wiye ok wil gi singruokne.

Zaburi 15:1

A Ruoth Nyasaye, ere ng’ama onego odag e Hekalu mari? Koso en ng’a monego bed e godi maler?

Zaburi 18:33

En ema omiyo tienda bedo mayot ka tiend mwanda, kendo orita gi kue e gode.

Zaburi 33:18

To Ruoth Nyasaye ema rango joma oluore, kendo ma ogeno kuom herane mosiko.

Zaburi 34:10

Kata mana sibuoche bende chando gik ma gicham, mi kech hew, to joma oluoro Ruoth Nyasaye ok chand gimoro amora maber.

Zaburi 37:3

Gen kuom Ruoth Nyasaye mondo itim maber, eka idag e piny gi kue.

Zaburi 62:7

Warruokna gi nyinga maber wuok mana kuom Nyasaye. En lwandana ma ageng’orae, kendo en e kar konyruokna.

Zaburi 90:1

A Ruoth Nyasaye, nyaka nene isebedonwa kar dak.

Zaburi 91:14

Nyasaye owacho niya, “Anawar joma ohera, kendo nakony jogo mong’eya.

Ngeche 1:33

To ng’ato ang’ata mowinjo wachna nodag gi kue ka onge gima oluoro.”

Ngeche 10:9

Timbe makare kelo ni ng’ato kue, to ng’at ma timbene obam, chieng’ moro nomaki.

Ngeche 18:10

Nying Ruoth Nyasaye chal gi dala mochiel motegno, ma ng’at makare nyalo ringo resoree.

Isaya 25:4

nikech isebedo kar konyruok ni ng’at modhier machandore. Ee, in e kar bwogo koth, kendo e tipo ma geng’o chieng’ e ndalo ma joma ger monjowa ka koth machwe maduong’ e ndalo chiri,

Isaya 30:20

Kata obedo ni omiyo chiembu gi piu doko matin, mi uthagru, to en, ma en japuonju, ok nochak opondnu kendo, to unubed kunene gi wang’u pile.

Isaya 32:18

Kamano joga nobed e piny mokue, ka gidak gi mor, ma onge koko.

Isaya 49:10

Kech ok nokagi, kendo riyo ok nologi, bende chieng’ marieny makech ok nomigi olo, nimar Jal ma oherogi ema notelnigi, ka terogi modho e soko ma pi bubnie.

Isaya 58:14

to unubed moil kuom Ruoth Nyasaye, kendo enoteru ewi piny kama oting’ore, ka ulocho, bende enomiu mwandu mane osingore ni nomi Jakobo kwaru. Ruoth Nyasaye ema owacho kamano.

Jeremia 37:21

Omiyo ruoth Zedekia nogolo chik mondo otue Jeremia e laru mar od jorit. Ne imiye makati achiel odiechieng’ kodiechieng’ mogol kuom jolos makati, nyaka makati duto norumo Jerusalem. Kamano Jeremia nosiko asika kotue e laruno.

Joel 3:16

Dwond Ruoth Nyasaye mor gi ewi got Sayun. Ee, omor Jerusalem, kendo polo gi piny yiengni. To Ruoth Nyasaye nores joge Israel, kobedonigi kama ginyalo geng’oree.

Habakuk 3:19

Ruoth Nyasaye e tekra. En ema omiyo tienda bedo mayot ka tiend mwanda, mondo awuothgo kuonde moting’ore.

Mathayo 6:11

Miwa chiemo moromowa kawuono,

Rapar mar Chik 33:29

Ere joma mor ka un, un jo-Israel ma Ruoth Nyasaye owaro! Ruoth Nyasaye e kuot mogeng’ou, kendo en e liganglau mar duong’. Wasiku mondo obolrenu, kendo unyon hembko maggi gi tiendu.”