Isaya 33:14 - MUMA MALER 2015

¹⁴ Joricho modak Sayun biro tetni ka luoro omako. Adier, joma ok dew Nyasaye kihondko nomaki, mi ginipenjre niya, “Bende nitie ng’ato kuomwa manyalo dak gi mach mawang’o gik moko duto? Koso en ng’a ma didag gi mach maliel nyaka chieng’?”

Motingʼo Loko Manyien

¹⁴ Joricho man Sayun, kihondko osemako; kibaji ogoyo joma okia nyasaye, mi gisepenjore kendgi niya, “En ngʼa kuomwa manyalo dak kod mach mawengʼo magerni? Koso en ngʼa kuomwa manyalo dak kod mach maliel maonge gikone?”

Isaya 33:14 ပူးပေါင်းရင်းမြစ်များ

Ayub 18:11

Masira bwoge koni gi koni, kendo lawe sa duto.

Zaburi 11:6

Olwaro kite motimo mach maliel kuom joricho, kendo okumogi gi mach mang’ang’ni.

Zaburi 21:9

Ka othinyore, to obiro tiekogi mana ka mach mang’ang’ni. A Ruoth Nyasaye, in bende ibiro tiekogi gi mirimbi, mi mach nowang’gi pep.

Zaburi 50:3

Nyasachwa biro, to ok obi ling’ aling’a. Mach mang’ang’ni nie nyime, kendo yamb koth maratipo kudho kolwore.

Zaburi 53:5

To kihondko ma pok ginenoe nyaka nene biro makogi, nikech Nyasaye keyo choke joma kwede. Nologi chuth, mi giyud wichkuot, nikech Nyasaye osedagigi.

Ngeche 28:1

Jaricho ringo kata ka onge ng’ama lawe. Ng’at makare to jachir ka sibuor.

Isaya 1:28

Joricho duto gi joma piem koda to norum chuth, nimar gidagi biro ira.

Isaya 10:16

Kuom mano, Ruoth Nyasaye Manyalo Gik Moko Duto biro kelo tuo kuom jolwej Asuria marateke, chakre e wigi nyaka lith tiendgi, kendo tuo noliel ka mach ei ringregi.

Isaya 10:6

En ema aore mondo odhi oked gi oganda moweyo Nyasaye Adier, achike mondo omonj joma miya mirimago. Mi oketh mwandu, kendo oyakgi kaka en ema odwaro, konyonogi piny, mana ka chuodho minyono e wang’ yore.

Isaya 29:13

Bang’ mano, Ruoth Nyasaye nowacho niya, “Jogi lama mana gi dhogi kende, kendo gimiya luor mana gi dhogi ma oko, to chunygi bor koda, kendo luor ma giluorago en mana chik mar dhano, momak gi wich.

Isaya 29:6

Piyopiyo nono, Ruoth Nyasaye manyalo Gik Moko Duto biro biro mondo okonyi. Polo nomor, kendo piny noyiengni gi koko maduong’. Kodh yamo bende nobedie, gi kalausi, kod polo ma goyo gik moko.

Isaya 32:11

Un mon ma sani odak e ngima maber, parreuru! Weuru dhil mudhilgono! Lonyreuru duk mondo utue piende gugru e nungou,

Isaya 34:9

Aore mag Edom nolokre lam, kendo lowo man kuno nolokre mach lilo,

Isaya 47:14

To winji, gichalo tiang’ ma mach wang’o. Ok ginyal kata mana resore gin giwegi e mach, kendo majno ok nobed mach maberber, minyalo bet bute kioyo.

Isaya 5:24

Emomiyo kaka ligek mach wang’o yugi, mi tieki, kendo kaka tiang’ wang’ mi rum e mach mager, e kaka un bende unulal nono mana ka buru, nimar usechayo chik Ruoth Nyasaye Manyalo Gik Moko Duto, kendo usedagi wach Ng’ama Ler mar Israel.

Isaya 66:24

Giniwuogi, mi gine ringre joma otho mosepiem koda. Kudni machamogi ok notho, kata mach mawang’ogi bende ok notho, kendo ginibed gik ma ji duto osin-go.

Isaya 7:2

Kane joka Daudi owinjo ni jo-Aram osewinjore gi jo Efraim, ne gitetni kaachiel gi Ahaz ma ruodhgi, mana ka yien manie bungu ma yamo uko.

Isaya 9:17

Mano, emomiyo Ruoth Nyasaye ok nokech yawuotgi, bende ok nobed mamuol gi nyithi kiye kata gi mond liete, nikech giduto gin joricho, kendo gikia Nyasaye, bende ng’ato ka ng’ato kuomgi wacho mana weche mofuwo. Kata kamano, mirimb Ruoth Nyasaye ok norum, kendo pod nosik kokumogi akuma.

Isaya 9:18

Richo liel mana ka mach mager mobolie kudho, kendo wang’o koda ka bungu ka iro dhuolore.

Isaya 9:19

Omiyo mirimb Ruoth Nyasaye Manyalo Gik Moko Duto biro wang’o piny Israel, kendo ji ema nobed yien michwakogo mach.

Amos 9:10

Joga duto ma joketho ibiro negi e lweny kata mana mago duto mawacho niya, ‘Nyasaye ok nowe masira chop kuomwa.’

Nahum 1:6

En ng’a manyalo chomo mirimb Ruoth Nyasaye tir? Koso ere ng’ama nyalo siro gero ma en-go? Mirimbe o oko mana ka aora mar mach, kendo lwendni barore abara e nyime.

Malaki 3:2

To chieng’ mobiroeno, ere ng’ama nosir? Koso chieng’ ma othinyoree, ere ng’ama noting’ wiye? Enochal gi mach malenyo mula mondo obed maler, kendo enochal sabun ma luoko maler.

Mathayo 18:8

“Ka lueti kata tiendi ema teri e richo, to ng’ade oko, iwite kucha, nikech ber donjo e ngima king’ol kata ka in puth, moloyo witi e mach mak rum, ka in gi lwedo ariyo kata tielo ariyo.

Mathayo 22:12

mi owachone ni, ‘Omera, ere kaka idonjo ka, to ionge gi law kisera?’ To dho ng’atno nomoko.

Mathayo 24:51

mi nong’ade sirunde sirunde. Kamano notere kama ywagruok gi muodo lak nitie, mondo okume kaachiel gi joma wuondore ni beyo!”

Mathayo 25:41

“Bang’ mano enowach ni joma nie bade koracham ni, ‘Un joma okuong’! Ayeuru kuoma, udhi e mach mak tho, moseiki ni Satan kod malaikane,

Mathayo 25:46

Eka Yesu notieko, ka wacho niya, “Jogi noter e kum mochwere, to joma kare nodhi e ngima mosiko.”

Rapar mar Chik 4:24

nimar Ruoth Nyasaye ma Nyasachu en mach matieko gik mowang’o, kendo en Nyasaye ma janyiego.

2 Jo-Thesalonika 1:8

e mach maliel mondo ochul kuor ni joma ok oyie Nyasaye, kendo ni joma odagi winjo Wach Maber man kuom Ruodhwa Yesu.

Jo-Hibrania 12:29

nikech Nyasachwa en mach ma tieko gik mowang’o duto.

Fweny 14:10

nyaka madh divai mar mirimb Nyasaye moruw makech e kikombe mar mirimbe. Noyud sand mar mach makakni e nyim malaika maler, kendo e nyim Nyarombo.

Fweny 20:10

kendo Satan mane owuondogi ne owit e ataro mar ligek mach, kama Ondiek kod Janabi mar Miriambo bende nitie. Kuno ginisandre odiechieng’ gotieno nyaka chieng’.