Isaya 33:12 - MUMA MALER 2015

¹² Ogendini nokethi chuth, mi lokre pidhe mag choka, kendo ginichal gi kudho mobeti, mi owang’ e mach.

Motingʼo Loko Manyien

¹² Ogendini nowangʼ, mi lokre pidhe mag buru, kendo mana kaka kudho mobet e bungu enowangʼ gi mach!”

Isaya 33:12 ပူးပေါင်းရင်းမြစ်များ

Zaburi 118:12

Ne ginur kuoma ka kich, to piyopiyo nono ne girumo ka mach mawang’o kudho!

Isaya 10:17

Ler mar Israel nolokre mach. Adier, Ng’ama Ler nolokre mach mang’ang’ni, ma chieng’ moro nomuochi, mi wang’gi pep odiechieng’ achiel mana ka kudho.

Isaya 27:4

to ok onyagna olemo ma anyalo losogo divai. Omiyo ochalo mana gi puodho ma kudho gi pedo ema opong’o. Kuom mano, abiro monje, mi awang’e pep,

Isaya 37:36

Malaika mar Ruoth Nyasaye nodhi monego jo-Asuria alufu mia achiel gi piero aboro gabich (185,000) e kambigi, kendo kane ji ochiew gokinyi, to ringre joma otho ema ne ginwang’o kopie piny.

Isaya 9:17

Mano, emomiyo Ruoth Nyasaye ok nokech yawuotgi, bende ok nobed mamuol gi nyithi kiye kata gi mond liete, nikech giduto gin joricho, kendo gikia Nyasaye, bende ng’ato ka ng’ato kuomgi wacho mana weche mofuwo. Kata kamano, mirimb Ruoth Nyasaye ok norum, kendo pod nosik kokumogi akuma.

Isaya 9:18

Richo liel mana ka mach mager mobolie kudho, kendo wang’o koda ka bungu ka iro dhuolore.

Amos 2:1

Ruoth Nyasaye owacho niya, “Jo-Moab osetimo richo mang’eny, omiyo abiro kumogi mak orem, nikech ne giwango choke ruodh Edom mi giloko buru.