Isaya 33:11 - MUMA MALER 2015

¹¹ Gik ma uchano timo gin gik manono, kendo yamo maliet ka mach biro tiekou pep.

Motingʼo Loko Manyien

¹¹ Ubiro mako ich to unywolo yamo; muya muyweyo en mach ma tiekou.

Isaya 33:11 ပူးပေါင်းရင်းမြစ်များ

Ayub 15:35

Mago e joma kelo chandruok, kendo timo timbe maricho. Chunygi opong’ gi miriambo kinde duto.”

Zaburi 2:1

Ere gimomiyo ogendini timo koko? Ang’o momiyo gichano timo gik manono?

Zaburi 7:14

Neye kaka muoch mar richo kayo joricho! Oyach mana gi timbe mamono, kendo miriasia ema onywolo.

Zaburi 7:15

Okunyo bur matut e lowo, to bang’e en ema onyumore e burno.

Isaya 1:31

Ng’at ma rategoe moloyo nochal oswekle, kendo timbeu mamono ema nodok pilni mach, mi un uwang’ kaachiel gi timbeu, ma onge ng’ama nego majno!”

Isaya 17:13

To Nyasaye biro kwerogi, mi giring gidhi mabor, mana ka mihudhi mipiedho e gode, kendo ma yamo tero, kata ka buru ma kalausi keyo.

Isaya 26:18

Wasebedo kwanegore gi tich, to onge gima wasetimo, mana ka dhako mosebedo ka muoch kayo, to onywolo mana yamo! Kata obedo ni wasechandore kamano, to ok wasekelo resruok ni pinywa.

Isaya 5:24

Emomiyo kaka ligek mach wang’o yugi, mi tieki, kendo kaka tiang’ wang’ mi rum e mach mager, e kaka un bende unulal nono mana ka buru, nimar usechayo chik Ruoth Nyasaye Manyalo Gik Moko Duto, kendo usedagi wach Ng’ama Ler mar Israel.

Isaya 59:4

Onge ng’ama donjo ni wadgi e yo makare, kata ma yalo bura gi adiera, to ji duto ogeno kuom weche manono kod miriambo. Gichano weche maricho e chunygi, ma bang’e nywolo mana chandruok.

Isaya 9:17

Mano, emomiyo Ruoth Nyasaye ok nokech yawuotgi, bende ok nobed mamuol gi nyithi kiye kata gi mond liete, nikech giduto gin joricho, kendo gikia Nyasaye, bende ng’ato ka ng’ato kuomgi wacho mana weche mofuwo. Kata kamano, mirimb Ruoth Nyasaye ok norum, kendo pod nosik kokumogi akuma.

Tich Joote 5:4

Ka ne pok ing’iewo puodhono, donge ne en mari? Koso kane iseng’iewe, to donge pesa ne meki, minyalo timogo gimoro amora mihero? Koro ere gima ne omiyo iparo mondo itim gima kama? Dhano ok ema iseriambone, to iseriambo mana ni Nyasaye!”

Jakobo 1:15

Eka ka gombo osemako ich, to onywolo richo, to richo kosedongo mogik to kelo tho.