Isaya 32:3 - MUMA MALER 2015

³ Wenge joma neno onge gima nomon neno, bende it joma winjo nowinj awinja.

Motingʼo Loko Manyien

³ Eka wenge joma neno ok nochak ogengʼ, kendo joma ochiko itgi nowinj wach.

Isaya 32:3 ပူးပေါင်းရင်းမြစ်များ

Isaya 29:18

Chieng’no, joma itgi odino nowinj wach, ka isomo kitabu, kendo joma wengegi osebedo kotimo mudho mandiwa, nonen.

Isaya 29:24

Joma parogi bayo noyud rieko, kendo joma wigi tek bende nopuonji!”

Isaya 30:26

Chieng’no due nobed karieny maler ka wang’chieng’ kendo wang’ chieng’ nobed ka rieny maler nyadibiriyo moloyo kaka orieny pile. Nochal mana gi ler mar ndalo abiriyo moriw e odiechieng’ achiel! En chieng’ ma Ruoth Nyasaye nochomie tiende joge kod bedegi motur, kendo ochangie adhondegi.

Isaya 42:16

Bang’e anatel ni muofni e wuodhgi, ka amiyo giluwo yore ma ok ging’eyo. Mudho ma giwuothoe analoknigi ler, kendo anarie yore mobam ma giluwo. Mago duto natim mak ok aweyo moro mak atimo.

Isaya 54:13

Ruoth Nyasaye ema nopuonj joma geri duto, kendo nyithindi nodhi nyime maber ahinya.

Jeremia 31:34

Onge ng’ama nopuonj wadgi kata ma nopuonj omin mare, kawachone ni, ‘Ng’e Ruoth Nyasaye,’ nikechh giduto gining’eya, chakre ng’at matinie moloyo nyaka ng’at maduong’ie moloyo. Anawenigi richogi, kendo ok nachak apar timbe maricho mane gisetimo. An Ruoth Nyasaye ema awacho kamano.”

Mathayo 13:11

Yesu nodwokogi niya, “Un osemiu ng’eyo weche mopondo mag Loch Polo; ji mamoko to ok omi,

Mariko 7:37

Kendo ji duto mane owinjo, nodhier nono, kawacho niya, “Mano kaka otimo gik moko duto maber! Kata mana joma itgi odino omiyo winjo wach, kendo joma momo omiyo wuoyo!”

Tich Joote 26:18

Iniyaw wang’gi, mi igolgi gia e mudho gidhi e ler, kendo gia e teko Satan, gidhi ir Nyasaye, mondo ka giyie kuoma to owenigi richogi, kendo gibed kaachiel gi joma Nyasaye oseyiero obed joge.’

2 Jo-Korintho 4:6

Watimo kamano nimar Nyasaye achiel mane owacho ni mondo ler orieny e chunywa mondo okelnwa ler mar ng’eyo duong’ mar Nyasaye mineno e wang’ Yesu Kristo.