Isaya 32:15 - MUMA MALER 2015

¹⁵ nyaka chop roho moa e polo malo lor kuomwa. Eka piny motwo nolokre puothe momew, mi yien mabeyo dongie.

Motingʼo Loko Manyien

¹⁵ nyaka chop Roho ol kuomwa koa malo, kendo piny motwo nolokre kuonde mamiyo, mi kuonde mamiyo nonenre ka bungu.

Isaya 32:15 ပူးပေါင်းရင်းမြစ်များ

Zaburi 104:30

To ka imiyogi muya, to gibedo mangima. Kamano imiyo gibedo gi ngima manyien.

Zaburi 107:33

Nyasaye miyo piny ma aora molie doko ongoro, kendo omiyo sokni duono, mi pinje mokiewo kodgi doko motwo.

Zaburi 107:35

To bende omiyo piny motimo ongoro bedo gi pi, kendo piny motwo bedo gi sokni.

Ngeche 1:23

Chikuru itu ka akwerou gimoro. Abiro ng’adonu rieko, kendo abiro puonjou wechena,

Isaya 28:6

Enomi jong’ad bura mau bed gi chuny mar ng’ado bura gi adiera, kendo enomi jolwenju ma kedo matek gi wasigu e dhorangeyeu bed gi chir mathoth.

Isaya 29:17

Bang’ kinde matin, Lebanon biro lokore puodho momew, mi yien mabeyo nodongie.

Isaya 35:7

Lop kuoyo ma yande chieng’ oowo gi liet nolokre dago mar pi, kendo sokni nowuog e lowo motwo, mi kuonde ma yande ondiegi ema odakie bed kuonde ma lum gi odundu gi togo dongoe.

Isaya 44:3

nikech abiro kelo koth mang’eny e lowo motwo mobaro okak. Bende abiro olo rohona kuom kothu, ka aguedhogi.

Isaya 45:8

Un polo, lwaruru piny, mondo tim makare ochwe ka koth, mi piny nyag olemb warruok, kendo tim makare bende omedre. Mago duto, an Ruoth Nyasaye ema achueyo.

Isaya 59:19

Kamano ji man yo podho chieng’ gi joma ni yo wuok chieng’ noluor nying Ruoth Nyasaye, kod duong’ne maler, nimar enobi ka aora ma mwomore, ma much Ruoth Nyasaye ema tero.

Isaya 59:21

To bende Ruoth Nyasaye wacho niya, “Singruok ma abiro timo kodgi e ma: Roho mara man kuomu, kod wechena ma aseketo e dhou, nosik kodu chakre kawuono, nyaka kuom tienge duto mabiro mag nyikwau. An Ruoth Nyasaye ema awacho kamano.”

Isaya 63:11

Bang’e ne giparo ndalo machon mi gipenjore niya, “Ere Nyasaye mane ogolo joge e aora Nael, ka Musa otelonigi? Adier, ere Jal mane oketo Roho mare kuomgi,

Ezekiel 37:14

Anaket Roho mara kuomu, mi ubed mangima, kendo anami udag e pinyu uwegi. Eka unung’e ni an e Ruoth Nyasaye. Asesingora ni anatim kamano, kendo abiro time mak orem. An Ruoth Nyasaye ema awacho kamano.’ ”

Ezekiel 39:29

Anapong’ jo-Israel gi Roho mara, mi ok nachak awegi kendo. An Ruoth Nyasaye ema awacho kamano.”

Zekaria 12:10

Anami joka Daudi gi jo-Jerusalem chuny mang’won, kendo mohero lemo. Eka bange giniteg wang’gi kuom jal mane gichwowo, mi otho, kendo giniywage mana ka joma ywago nyathi ma miderma. Adier, giniywag malit mana ka joma ywago wuodgi makayo.

Luka 24:49

To bende ng’euru ni abiro oronu mich mane Wuora osingore ni nomiu, to beduru abeda Jerusalem nyaka chop uyud teko moa malo.”

Johana 7:39

To Yesu ne oloso kuom Roho, ma ji duto moyie kuome ne biro yudo. To e kindeno Roho ne pok obiro, nikech Yesu ne pok oyudo duong’ne.

Tich Joote 2:33

Osechier mobet e bat korachwich mar Nyasaye, kendo oseyudo Roho Maler mane Wuoro osingore ni nomiye. To gik makoro uneno kendo uwinjogi gin mich mogundho momiyowa.

2 Jo-Korintho 3:8

Koro gima Roho kelo donge nyaka bed gi ler maduong’ moloyo koso?