Isaya 32:10 - MUMA MALER 2015

¹⁰ E sani pod onge gima badhou, to bang’ higa achiel gi ndalo moko manok, unubed gi kibaji, nikech cham ok nochiegi, omiyo ok nuyud gima ukayo.

Motingʼo Loko Manyien

¹⁰ Bangʼ higa achiel, un ma uparo nudak mokwe, kibaji nogou; cham ok nochiegi, kendo keyo mar mzabibu ok nobedie.

Isaya 32:10 ပူးပေါင်းရင်းမြစ်များ

Isaya 16:10

Mor kod ilo norum chuth e puotheu mabeyo, kendo onge wer ma nower e puotheu mag olembe, bende onge ng’ama nogo koko gi mor. Ok unuchak ubi mzabibu kuonde bicho, kendo mahu mag mor mugoyo e ndalo keyo biro rumo.

Isaya 7:23

E ndalogo puothe ma yande nitie mzabibu mang’eny ma nengogi tek nolokre bunge mogawore gi kuthe kod pedo.

Jeremia 8:13

“Abiro tieko joga chutho, nikech gichalo yiend mzabibu kata ng’owo maonge olemo, ma kata potgi bende osener.”

Hosea 2:12

Anaketh yiende mag mzabibu gi ng’opene, ma owacho ni gin chudo mane chodene omiye. Anami yiende mag mzabibu kod yiende mamoko lokre bungu, kendo le ma e thim nokethgi.

Hosea 3:4

Mano nyiso ni jo-Israel biro bet maonge ruodhi kata jotelo kendo maonge misengni kata sirni milamo, bende maonge kido mag nyiseche, kata gik mikorogo wach.

Joel 1:12

Yien duto osetwo. Adier, komamanga gi othidhe kod yiend olemo mamoko, osetwo, kendo mor mar ji bende oserumo.

Joel 1:5

Auru malo mondo uywagi, un jomergi! Ywaguru un jomadh divai, nikech mzabibu milosogo divai mamit osekethi!

Joel 1:7

Giseketho yiendwa mag mzabibu, kendo giselwaro it ng’opewa. Gisechamo opoko chuth, mi bede odong’ ka rachere.

Habakuk 3:17

Kata obedo ni ng’owo ok thiew, kendo mzabibu gi zeituni ok nyagi, bende puothe ok chieg cham, kendo rombe gi dhok onge dala,

Zefania 1:13

Mwandugi noyaki, kendo miechgi nokethi. Giniger udi, to ok ginidagie, kendo ginipidh mzabibu, to ok ginimadh divachgi.”