Isaya 32:1 - MUMA MALER 2015

¹ Winjuru! Ruoth moro biro biro ma norit piny e yo makare, kendo jotende noti gi adiera.

Motingʼo Loko Manyien

¹ Winjuru, Ruoth nobed gi loch makare kendo jotelo nobed gi telo mar adier.

Isaya 32:1 ပူးပေါင်းရင်းမြစ်များ

2 Samuel 23:3

Nyasach Jakobo, lwanda mar Israel, oseloso, kowacho niya, ‘Ka ruoth rito ji gi bura makare, nikech oluoro Nyasaye,

Zaburi 45:1

Weche mamit opong’o chunya e sa ma achungoe wendni ni ruoth, kendo lewa chalo kalamb jondiko molony.

Zaburi 99:4

En Ruoth maduong’ mohero gik makare. Osekelo adiera e Israel, ma piny nyikwa Jakobo. Ee, osekelo tim maber gi bura makare.

Isaya 11:4

To nong’ad bura gi adiera ni joma odhier, kendo nochwak joma muol kaka owinjore. Dhoge ema nobed luth mogoyogo joma timbegi mono. Ee, wachne ema noneggo joricho.

Isaya 11:5

Tim makare kod adiera nobed ka okanda motueyo e nungone, kendo adiera e misip ma notuego dende.

Isaya 16:5

to kom loch nogur kuom ng’wono mar Nyasaye, kendo jang’ad bura mar adier ma nyakwar Daudi ema nobed e komno. Enobed ng’at madwaro mana adiera, kendo ma timo gik makare mak odeko.

Isaya 28:6

Enomi jong’ad bura mau bed gi chuny mar ng’ado bura gi adiera, kendo enomi jolwenju ma kedo matek gi wasigu e dhorangeyeu bed gi chir mathoth.

Isaya 33:5

Ruoth Nyasaye duong’ moloyo, nikech odak e polo malo. Opong’o Sayun gi adiera kod tim makare,

Isaya 4:6

mana ka tado makelo tipo ka chieng’ rieny kendo ka kama ji ringo tonyie, kendo bwogoe koth gi yamo maduong’.

Jeremia 33:14

Ruoth Nyasaye nowacho niya, “Kinde biro ma anachopie singruok mane atimo ni jo-Israel gi jo-Juda ni anaguedhgi.

Jeremia 33:15

E kindeno anakel nyakwar Daudi hie, mi enotim gik malong’o kendo makare.

Ezekiel 37:24

Jatichna Daudi ema nobed ruodhgi. Kamano giduto giniriwre e bwo ruoth achiel, mi gimak chikena.

Hosea 3:5

To achien jo-Israel noduog ir ruoth Nyasachgi, kendo ir Daudi ruodhgi, kendo ka ndalogo ochopo, to giniluor Ruoth Nyasachgi, mi giyud michne mabeyo.

Zekaria 9:9

Un jo-Sayun, beduru mamor! Koguru matek, yaye jo-Jerusalem, nimar ruodhu biro iru, kolocho. Obiro komuol, kendo koidho kanyna. Chutho oidho kanyna matin. Adier, en mana nyathi kanyna.

Jo-Rumi 5:21

ni mondo kaka richo nolocho kamiyo ji duto tho, e kaka mondo ng’wono olochi, ka Nyasaye miyo ji bedo e winjruok kode, kendo miyogi ngima ma nyaka chieng’ kuom Yesu Kristo Ruodhwa.

Fweny 17:14

Giniked gi Nyarombo, to Nyarombo nologi, nimar en Jaduong’ mar jodongo, kendo Ruodh ruodhi, kendo nikech joma luwe gin joma oluongi kendo ma oyier, kendo moyie kuome.

Fweny 19:11

Eka ne aneno polo ka oyawore, kendo ne aneno faras marachar ka ni kanyo, to Jal mane oidhe iluongo ni Ng’ama Igeno, kendo Jaadiera. Iluonge kamano nikech ong’ado bura kare, kendo okedo e yo makare.