Isaya 31:8 - MUMA MALER 2015

⁸ to noneg jo-Asuria gi ligangla, to ok gi ligangla ma dhano kedogo. Giniring lweny, mi yawuotgi ma jolweny nolok wasumbni.

Motingʼo Loko Manyien

⁸ Jehova Nyasaye wacho niya, “Jo-Asuria ibiro tieki gi ligangla ma ok oa e lwet dhano; nimar ligangla ma ok oa e lwedo biro tiekogi. Giniring lweny nikech ligangla, mi yawuotgi ma jolweny nolokgi wasumbini maketgi e tij achuna.

Isaya 31:8 ပူးပေါင်းရင်းမြစ်များ

Chakruok 49:15

Noneno ni bedo gi dala en gima ber, kendo oneno bende kaka pinyno ber, omiyo noyie ting’o misigo, modoko misumba matiyo tich matek.

2 Weche mag Ndalo 32:21

Eka Ruoth Nyasaye nooro malaika e kambi mar ruodh Asuria, motieko thuondi gi jodongo kod jotend jolweny duto. Omiyo nodok e pinye ka en gi wichkuot. To kane odonjo e od nyasache, yawuote moko nonege kanyo.

Isaya 10:12

Ka Ruoth Nyasaye osetieko kumo jo-Jerusalem kaka nochano to enokum ruodh Asuria kuom timbene mag sunga kod ng’ayi,

Isaya 10:25

nimar piyopiyo nono mirima ma koro omaka kodu biro rumo, to gin ema abiro kecho kodgi mi atiekgi.

Isaya 14:2

Ogendini nodwuok jo-Israel thurgi, kuma ne giaye, mi jo-Israel nolok ogendnigo wasumbgi e piny Israel, ma Ruoth Nyasaye oseyiero. Jo-Israel nomak joma nomakogi, mi giti joma notiyogi.

Isaya 14:25

Ananeg jo-Asuria manie piny, kendo nanyon-gi piny gi tienda e godena. Eka nagol jok mane ruodh Asuria oketo kuom joga, kendo nagony ting’ mapek mane omiyogi.

Isaya 17:13

To Nyasaye biro kwerogi, mi giring gidhi mabor, mana ka mihudhi mipiedho e gode, kendo ma yamo tero, kata ka buru ma kalausi keyo.

Isaya 21:15

nikech giseringo lweny mager, minegoe ji gi ligangla kod asere mabith.

Isaya 27:7

To bende Nyasaye osekumo jo-Israel matek, kaka nokumo joma nosesandogi? Koso bende osenego jo-Israel matek, kaka nonego wasigu mane onegogi?

Isaya 29:5

To oganda maduong’ ma kedo kodi nochal gi buru. Adier, oganda magerno nochal gi mihudhi ma yamo tero.

Isaya 33:1

Yaye unune malit un jo-Asuria! Useketho gik moko, to un pok okethu. Bende usendhogo ji, to un pok ondhogu. To koro ka usetieko ketho gik moko, to un ema ibiro kethu, kendo ka utieko ndhogo ji, to un ema ibiro ndhogu.

Isaya 37:7

nikech abiro miye chuny man gi kibaji, ma kowinjo wach moro marach, to noring odog e pinye, kuma nami onegee.’ ”

Isaya 66:16

Ruoth Nyasaye noyal buch ji duto gi mach kod ligangla! Kamano joma Ruoth Nyasaye onego nobed mang’eny.

Jeremia 46:10

Kawuono en chieng’ Ruoth Nyasaye Manyalo Gik Moko Duto. En chieng’ mochuloe kuor ni wasike. Ligangla biro chamogi mi yieng’, kendo madh rembgi mi mer, nimar kawuono Ruoth Nyasaye Manyalo Gik Moko Duto, timo misango yo nyandwat but aora Yufrate.

Ezekiel 21:28

“Wuod dhano, kor wach, kinyiso gima Ruoth Nyasaye owacho kuom jo-Amon, ma yanyo jo-Israelgo. Nyisgi ni ligangla osewuodhi mondo oneki. Oseyweye maler mondo oneki komil ka polo.

Hosea 1:7

to anaher jo-Juda. An Ruoth Nyasaye anaresgi, to ok naresgi gi lweny, kata gi gilweny.”