Isaya 31:6 - MUMA MALER 2015

⁶ Yaye, jo-Israel, duoguru ir Nyasaye ma useweyo chuth,

Motingʼo Loko Manyien

⁶ Dwoguru ire, yaye un jo-Israel mosengʼanyo mabor kode.

Isaya 31:6 ပူးပေါင်းရင်းမြစ်များ

2 Weche mag Ndalo 36:14

Jodolo madongo duto bende kaachiel gi ji, noweyo Ruoth Nyasaye chuth, ka giluwo timbe makuero mag jopinje mamoko. Ne gidwanyo Od Ruoth Nyasaye, mane oseguedho mondo obed mare e Jerusalem.

Ayub 22:23

Adier, nyaka iduog ir Nyasaye kibolori, kendo itiek timbe maricho manie dalani.

Isaya 1:2

Winjuru un polo gi piny, kendo chikuru itu, nikech Ruoth Nyasaye osewuoyo, ka wacho niya, “An gi nyithindo ma asepidho modoko madongo, to koro gisepiem koda.

Isaya 29:15

Yaye, unune malit, un joma temo pando parogi ni Nyasaye, kendo ma, kosetimo timbegi e mudho, to wacho niya, “Ere ng’ama nenowa, koso ere ng’ama ong’eyo gima watimo?”

Isaya 44:22

Aserucho richou, mi oduono mana ka ong’ueng’o. Ee, asekeyo timbeu mamono mana ka boche polo. Duoguru ira, nikech asewarou.”

Isaya 48:8

Chutho ne ok ung’eyogi, bende ne ok uwinjogi, nikech ne ok uyawo itu chon, nimar ne ang’eyo ni un joma andhoga ma ok nyal gen, kendo ma jopiem nyaka ne a e ich.

Isaya 55:7

Joma timbegi mono mondo owe timbegi maricho kod paro mochido. Onego giduog ir Ruoth Nyasaye mondo okechgi. Adier, onego giduogi ir Nyasachwa, nimar nong’wonnigi richogi duto.

Jeremia 3:10

To kata bang’ mago duto jo-Juda ma andhoke ma owete jo-Israel nowuondore ni duogo ira, to ok ne gidwogo gi chunygi duto.”

Jeremia 3:12

Omiyo dhiyo e piny man yo nyandwat mondo iwach ni jo-Israel kama: ‘Duoguru ira un jo-Israel ma andhokegi. Aherou gi hera mosiko, omiyo ok nasik ka akecho kodu nyaka chieng’.

Jeremia 3:14

“Duoguru ira un nyithinda moseweya, nimar an ruodhu. Abiro golo ji manok kuomu e miechu kendo e dhoutu, mi adwoku e got Sayun.

Jeremia 3:22

Duoguru un nyithinda moseweya, mondo aloku joma kare. Udwoka niya, ‘Ee, waduogo iri, nimar in e Ruoth Nyasaye ma Nyasachwa.

Jeremia 5:23

To un wiu tek, kendo uhero piem. Usepiem koda adier, muweya!

Ezekiel 18:31

Adier, weuru richo duto ma usebedo ka utimo mondo ubed gi chuny manyien kod paro malong’o. Ere gima omiyo udwaro tho, un jo-Israel?

Ezekiel 18:32

Ok adwar ni mondo ng’ato otho. Omiyo an Ruoth Nyasaye awacho kama: Weuru timo richo mondo ubed mangima.”

Hosea 9:9

Usedonjo matut e richo mana kaka notimore Gibea. Nyasaye nopar richou, mi nokumu.

Zekaria 1:3

Emomiyo wach ni ji ni Ruoth Nyasaye Manyalo Gik Moko Duto owacho kama: Duoguru ira mondo an bende aduog iru.

Tich Joote 26:20

Mokwongo nanyiso joma odak Damaski kendo modak Jerusalem kod joma odak e piny Judea duto, ni nyaka gilokre giwe richogi giduog ir Nyasaye, kendo gitim gik manyiso ni giselokore. Eka ne anyiso joma ok jo-Yahudi bende kamano.

Tich Joote 3:19

Mano omiyo, lokreuru uduog ir Nyasaye mondo richou oruchi,