Isaya 30:9 - MUMA MALER 2015

⁹ Jogo gin joma jopiem. Gin yawuowi ma jomriambo, ma odagi winjo chike ma Ruoth Nyasaye ogolo.

Motingʼo Loko Manyien

⁹ Magi gin oganda mongʼanyo nyithindo ma jo-miriambo, ma ok oikore winjo puonj Jehova Nyasaye.

Isaya 30:9 ပူးပေါင်းရင်းမြစ်များ

2 Weche mag Ndalo 33:10

Ruoth Nyasaye nowuoyoo gi Manase kod joge, to ne ok gidewe.

Zaburi 78:8

Ok onego gichal gi kweregi mane wigi tek, kendo mane odagi luoro Nyasaye. Ne gin joma chunygi yomyom, kendo ma ok ogeno kuom Nyasaye.

Zaburi 81:12

Kuom mano, ne aweyogi mondo gidhi, ka wigi tek kamano, mondo gitim mana gik ma gin giwegi ema gidwaro.

Ngeche 28:9

Ka ng’ato ok orito chik, to kata mana lemone Nyasaye mon-go.

Isaya 1:10

Un ruodhi mag Jerusalem, kaachiel gi jou, winjuru wach Ruoth Nyasaye. Ee, un muchalo gi jo-Sodom gi jo-Gomora, chikuru itu ni puonjne.

Isaya 1:2

Winjuru un polo gi piny, kendo chikuru itu, nikech Ruoth Nyasaye osewuoyo, ka wacho niya, “An gi nyithindo ma asepidho modoko madongo, to koro gisepiem koda.

Isaya 1:4

A yaye oganda ma joricho ma opong’ gi timbe mamono, kendo ma joge joketho ma acheje! Useweyo Ruoth Nyasaye, Ng’ama Ler mar Israel kuchaye kendo ulokone ng’eu.

Isaya 10:5

Ruodh Asuria e luth ma agoyogo ji ka akecho. Ee, en e luth ma akumogo ji ka mirima omaka.

Isaya 10:6

En ema aore mondo odhi oked gi oganda moweyo Nyasaye Adier, achike mondo omonj joma miya mirimago. Mi oketh mwandu, kendo oyakgi kaka en ema odwaro, konyonogi piny, mana ka chuodho minyono e wang’ yore.

Isaya 24:5

Ji modak e piny osedwanyo piny, nikech gidagi rito chike, mi giketho muma mochwere.

Isaya 28:15

Uwacho niya, “Wasetimo winjruok gi tho. Adier, wasetimo singruok gi Piny Joma Otho. Omiyo ka ohula miwachono biro, to ok obi ywoyowa, nikech waseloso miriambo ka kar konyruokwa, kendo wuondruok e okumba ma wageng’orego.”

Isaya 30:1

Ruoth Nyasaye wacho niya, “Yaye, unune malit, un nyithinda ma jopiem! Uchano timo gik moko ma ok meka, bende utimo winjruok gi ogendini mamoko, to an ok ahero. Kamano umedo mana richo ewi richo!

Isaya 48:4

Ne ang’eyo ni wiu tek ta, ka rwath ma ng’ute opong’, kendo ma pat wang’e tek ka lwanda.

Isaya 5:24

Emomiyo kaka ligek mach wang’o yugi, mi tieki, kendo kaka tiang’ wang’ mi rum e mach mager, e kaka un bende unulal nono mana ka buru, nimar usechayo chik Ruoth Nyasaye Manyalo Gik Moko Duto, kendo usedagi wach Ng’ama Ler mar Israel.

Isaya 63:8

Ruoth Nyasaye nowacho niya, “Jogi gin joga adier. Gin yawuota ma ok nyal wuonda.”

Isaya 65:2

Ne arieyo bada odiechieng’ duto, ka ahombo joma wigi tek, mane luwo mana yoregi maricho, katimo dwarogi giwegi.

Jeremia 35:14

Nyikwa Jonadab oserito chik mane kwargi omiyogi mi ok gimadh divai, kendo kata nyaka sani onge ng’ato kuomgi mametho, nikech girito chik mane kwargi ogolo. To an asebedo ka awuoyonu pile, to utamoru.

Jeremia 7:13

To koro usetimo richogo duto! Kata obedo ni ne akawo chandruok, mi aloso kodu, to ne ok udewa, bende kane aluongou, to ne ok uyiena.

Jeremia 7:28

Eka bang’e ininyisgi niya, ‘Ogandani odagi winjo wach Ruoth Nyasaye ma Nyasachgi, kendo ok giyie mondo opuonjgi. Ok ginyal wacho adiera, nikech adiera oselalnigi.’

Jeremia 9:3

Lewni chalo gi atung’ moywa, kendo diro miriambo mana kaka atung’ diro asere, bende timbe miganga ema opong’o piny.” Ruoth Nyasaye owacho niya, “Joga timo richo kinde duto, kendo ok gidewa.

Ezekiel 24:3

Nyis joga ma jopiem ni an Ruoth Nyasaye agoyonigi ngero kama: Keturu agulu e mach, kendo olieuru pi.

Hosea 4:2

Ji ketho singruok ma gisetimo, bende giriambo, gineko, gikuelo, kendo giterore. Timbegi maricho medore ameda, kendo gichuero remo kinde duto.

Zefania 3:2

Ne ok onyal yie kwer mane ikwerego, kendo ne odagi winjo puonj. Bende ne ok oyie kuom Ruoth Nyasaye, kata mana sudo machiegni kode ne ok osudo.

Tich Joote 7:51

“Mano kaka un joma wigi tek, ma chunygi bor gi Nyasaye, kendo modagi winjo wachne! Uchalo mana gi kwereu, nikech ndalo duto usegeng’o tich Roho Maler, mana kaka gin bende ne gitimo!

Rapar mar Chik 32:20

Nowacho niya, ‘Ok named kwanogi ka joga, to abiro neno gikogi, nimar gin tieng’ ma wigi tek, nyithindo ma ok nyal gen.

Fweny 21:8

To ngoche, gi joma ok oyie, kod jomriambo duto, kargi nobed mana ataro maliel gi ligek mach, ma en tho mar ariyo!”

Fweny 22:15

To guogi gi jojuogi, gi joma terore, gi jonek, gi joma lamo nyiseche manono, kod ji duto ma ohero miriambo kendo matimo gik ma ok adiera, nobed oko.