Isaya 30:4 - MUMA MALER 2015

⁴ nimar kata obedo ni jotelo mage ni Zoan, kendo jootene chopo nyaka Hanes,

Motingʼo Loko Manyien

⁴ Kata obedo ni gin gi jotelo Zoan kendo jootene osechopo Hanes,

Isaya 30:4 ပူးပေါင်းရင်းမြစ်များ

2 Ruodhi 17:4

To ruodh Asuria noyudo ni Hoshea ndhoge, nikech Hoshea noseoro joote ir So ruodh Misri, bende noweyo chulo osuru kaka nosebedo kotimo higa ka higa. Kuom mano, ruodh Asuria nomake, mokete e od tuech.

Zaburi 78:12

Nyasaye notimo honni e thim mar Zoan e piny Misri, mana ka kweregi neno.

Isaya 19:11

Mano kaka ufuwo, un jotelo mag Zoan. Adier, unyalo bedo jong’ad rieko mag Farao mabeyo moloyo. Omiyo ere kaka unyalo wacho ni Farao niya, “Wan yawuot joma riek ma nyikwa ruodhi machon”?

Isaya 57:9

Ne iwirori gi modhi mondo ilomb nyasaye manono miluongo ni Molek, kendo ne ibukori gi poda mang’eny mang’ue ng’ar, mi ioro jooteni kuonde maboyo, koda ka e Pinje Joma Otho.

Jeremia 43:7

Ne gitamore winjo chik Ruoth Nyasaye, mi giduto gidhi Tapanhes e piny Misri.

Jeremia 49:14

Jeremia nowacho niya, “Aseyudo wach moa kuom Ruoth Nyasaye ni oseoro jaote mondo onyis ogendini kama: ‘Chokuru ogendu mag lweny, kendo uikru monjo Edom.’

Ezekiel 30:14

Yo milambo mar piny Misri abiro loko thim, to dala Zoan man yo nyandwat abiro wang’o gi mach. Anakum dala maduong’ mar Misri miluongo ni Thebes,

Ezekiel 30:18

Ka atieko teko ma jo-Misri sungorego, to mudho noim Tapanhes. Adier, rumbi noim piny Misri, mi ji duto manie mieche nomaki mi ter e tuech.

Hosea 7:16

Gisiko ka giweya, kendo gidok ni nyiseche maonge teko. Ok nyal gen-gi, nikech gichalo gi atung’ mobam. Ibiro nego jotendgi e lweny nikech gisungore, mi jo-Misri nonyiergi.”

Obadia 1:1

Magi e weche mane Ruoth Nyasaye owacho ni Obadia e fweny kuom jo-Edom. Ruoth Nyasaye oseoro jaotene ir ogendini, kowacho niya, “Biuru mondo wadhi waked gi jo-Edom.” Kendo wasewinjo wachne.

Kwan 13:22

Ne giidho ka ging’ado piny milambo, mi gichopo Hebron, kuma ne Ahiman gi Sheshai kod Talmai ma nyikwa Anak odakie. (Hebron noger higni abiriyo kapok oger Zoan man e piny Misri.)