Isaya 30:32 - MUMA MALER 2015

³² Un to nubed mamor kugoyo thumbe, kendo uwer e kinde duto ma ruoth Nyasaye goyogie.

Motingʼo Loko Manyien

³² Chwat ka chwat ma Jehova Nyasaye nochwadgigo gi ludhe mar kum kokedo kodgi malit, nomi jo-Nyasaye bed mamor ka gigoyo oyieke kod nyatiti.

Isaya 30:32 ပူးပေါင်းရင်းမြစ်များ

Chakruok 31:27

Ere gimomiyo nia ling’ling’ ka akia? Dine inyisa ni idwaro dhi, dine akowi gi mor, kiwerni kendo igoyoni thum.

2 Weche mag Ndalo 32:8

Teko mar dhano ema en go, to wan, Ruoth Nyasaye ma Nyasachwa ema konyowa, kendo kedo lwenjewa.” Kane ji owinjo weche Hezekia ruodh Juda, ne gitimo chir.

Ayub 16:12

Chon ne adak gi kue, to Nyasaye ne omaka gi ng’uta, mi owita piny, kendo otura. An ema Nyasaye onena,

Isaya 10:24

Mano emomiyo owacho kama: “Un joga modak Sayun, kik uluor jo-Asuria, kata obedo ni gisandou kaka ne jo-Misri otimonu chon,

Isaya 10:26

Abiro chwadogi gi del, mana kaka ne achwado jo-Midian kane atiekogi e lwanda Oreb, kendo kaka ne achwado jo-Misri e Nam Makwar.

Isaya 11:15

Ruoth Nyasaye nomi Nam Makwar duon, eka norie lwete e aora Yufrate, mi okel yamo maliet ma opoggo aorano dibiriyo, mondo ji ong’ade ka otwo.

Isaya 19:16

E ndalogo jo-Misri nobed manyap ka mon. Ginibed maluor, kendo ginikirni ka Ruoth Nyasaye Manyalo Gik Moko Duto orieyo lwete kuomgi mondo okumgi.

Isaya 2:19

Ka Ruoth Nyasaye oa malo mondo oyieng piny, to ji nodonj e buche manie lwendni, kata manie lowo, ka giluoro duong’ malich mar Ruoth Nyasaye kod tekone.

Isaya 24:1

Winjuru! Ruoth Nyasaye biro teng’o piny, mi dong’ nono. Obiro bare, mi oloke ataro, kendo oke joma odakie.

Isaya 24:8

Nyiduonge noling’ thi, bende mahu ma joma mor goyo norum, kendo thumbe ok noywagi.

Isaya 30:29

To un, unuwer wende mor, mana ka wende miwero e otieno mitimoe sawo maler. Unubed mamor e chunyu, mana kaka jolemo bedo mamor e kinde ma jago asili otelonigi ka gidhi e god Ruoth Nyasaye ma en lwanda mar Israel.

Isaya 31:4

Ruoth Nyasaye osewachona niya, “Kaka sibuor kata nyathi sibuor ng’ur, kachamo chiayo mosemako, to ok odew, bende ok oluor kata ka jokwath mang’eny ochokore ka goyo koko, mondo oriembe, e kaka Ruoth Nyasaye Manyalo Gik Moko Duto nolor piny mondo oked ewi got Sayun.

Jeremia 31:4

Jo-Israel, abiro chako gerou, kendo ubiro tueyo gara, mi umiel gi ilo.

Ezekiel 28:13

Ne idak Eden, puoth Nyasaye, kendo ne ilichori gi gik molos gi dhahabu, kod kite mopogore opogore ma nengogi tek, kaka sardius gi topaz gi diamond gi berul gi oniks gi jasper gi safir gi emerald kod karbunkel. Ne olosnigi mana chieng’ mane ochueyie.

Ezekiel 32:10

Gima biro timoreni nobwog ogendini mang’eny, kendo ka amilo ligangla e nyim ruodhigi, to remb ringregi noo. Chieng’ ma ipodhoe, to giduto ginibed ka gitetni, ka giparo ni gin bende gibiro tho.”

Jo-Hibrania 12:26

Adier, dwonde noyiengo piny e ndalono, to koro osesingore niya, “Pod abiro yiengo piny nyadichiel kendo. To ok piny kende ema abiro yiengo, to koda ka polo bende abiro yiengo.”

1 Samuel 10:5

Bang’ mano, kichopo e Gibea-elohim, kama jolweny mag jo-Filistia nitie, to inirom gi oganda jonabi, kalor a e hembko, ka joma goyo thumbe gi nyigwerni kod asili, otelonigi, kendo iniyud ka gidhumore.

1 Samuel 18:6

Kane Daudi dok dala koa nego ja-Filistia, mon nowuok e miech Israel duto, mondo orom ni ruoth Saulo. Ne giwero wende geto, kendo ne gimiel ka gigoyo thum gi bul.