Isaya 30:3 - MUMA MALER 2015

³ Gen mugenogo kuom Farao ok nokonyu, kendo geng’ruok mugeng’orugo e tipo Misri, nokelnu mana wichkuot,

Motingʼo Loko Manyien

³ To gengʼruok mawuok kuom Farao nobednu wichkuot, kendo tipo mar Misri nokelnu masira.

Isaya 30:3 ပူးပေါင်းရင်းမြစ်များ

2 Ruodhi 18:21

Ang’eyo ni idhialori nikech jo-Misri, to nyaka ing’e ni Farao ruodh Misri chalo gi odundu mobarore, ma ka ng’ato oyiengoree, to pilore, kendo chwowo lwete. Mano e kaka Farao ruodh Misri chalo ni ji duto mogeno kuome.

Zaburi 108:12

Konywa kedo gi wasikwa, nikech kony mar dhano ok nyal gimoro.

Ngeche 25:19

Geno kuom ng’at ma mibadhi ka in e chandruok chalo gi muodo gimoro gi lak malit, kata wuotho gi tielo mowil,

Isaya 20:5

Ji duto nogore nyang’eng’a ka geno ma gigenogo kuom jo-Ethiopia, kendo sunga ma gisungorego ni jo-Misri dikonygi, nolal nono.

Isaya 20:6

Chieng’no joma odak a dhonam nowach niya, ‘Neuru gima osetimore ni joma ne wageno kuomgi, mi waringo irgi mondo oreswa kuom ruodh Asuria! To koro wan to dwatony nadi?’ ”

Isaya 36:6

Ang’eyo ni idhialori nikech jo-Misri, to nyaka ing’e ni jo-Misri chalo gi odundu mobarore, ma ka ng’ato oyiengoree, to pilore kendo chwowo lwete. Mano e kaka Farao, ruodh Misri, chalo, ni jogo duto mogeno kuome!’

Jeremia 2:36

Ere gima omiyo uloko parou ka ok udewo? Jo-Misri mugeno kuomgi ok nokonyu, mana kaka jo-Asuria bende ne ok okonyou.

Jeremia 42:18

“Ruoth Nyasaye ma Nyasach Israel wacho niya, ‘Kapo ni udhi e piny Misri, to abiro olo mirimba kuomu, mana kaka ne aolo mirimba kuom jo-Jerusalem. Unulokru gima bwogo ji, kendo ji nobed kajarou, mi giluong nyingu ka gima okuong’. Bende ok nuchak une kaeri kendo.’ ”

Jeremia 42:22

Kuom mano nyaka ung’e ni lweny kata kech kata tuoche biro negou e piny ma udwaro dhi dakieno!”

Jeremia 46:25

Ruoth Nyasaye Manyalo Gik Moko Duto kendo ma Nyasach Israel wacho niya, “Abiro kumo Amon nyasach Thebes, kaachiel gi jo-Misri kod nyisechegi mamoko kod ruodhigi. Bende abiro kumo Farao gi ji duto mogeno kuome,

Ezekiel 29:7

Ne gimakou mi utur, mi umiyo onding’gi owil.

Hosea 10:6

mondo ochiw ni ruodh Asuria ka osuru. Wi jo-Israel nokuodi nikech richogi giwegi.

Jo-Rumi 10:11

Muma wacho niya, “Ng’at moyie kuome ok noywag ang’e.”

Jo-Rumi 5:5

To geno ma kamano ok kuod wiwa, nikech Roho Maler ma Nyasaye osemiyowa osepong’o chunywa gi hera mar Nyasaye.