Isaya 30:24 - MUMA MALER 2015

²⁴ kendo ruethu kod kenjeu mupurogo nocham mana ngano mopidhi maber, kendo mokirie kado.

Motingʼo Loko Manyien

²⁴ Rwethu kod pundeu mapuro lowo nocham lumb ogada kod chiembgi moregi, mi keyo gi uma kod opawo.

Isaya 30:24 ပူးပေါင်းရင်းမြစ်များ

Chakruok 24:25

kendo wan gi chiemb ngamia kod lum mang’eny ma ginyalo nindoe, kaachiel gi ot bende ma unyalo nindoe.”

Chakruok 45:6

Ma eri en mana higa mar ariyo ma kech osebetgo e piny, to higni abich moko pod odong’ ma pur kata keyo ok nobedie.

Wuok 34:21

“Unuti kuom ndalo auchiel, to chieng’ mar abiriyo nyaka uyue, kata obedo ni en kinde mag pur kata mag keyo.

Isaya 32:20

Koro mano kaka unubed mamor, ka ng’ato ka ng’ato kuomu chwoyo chambe e bath aora, kendo weyo jambe wuotho awuotha kaka ohero!

Mathayo 3:12

En gi rapiedhi e lwete, ma obiro piedhogo cham duto maler. Enochok chambe e dero, to mihudhi nowang’ gi mach mak tho!”

Luka 3:17

Bende en gi rapiedhi e lwete mondo opiedhgo cham duto maler, kokano cham e deche, to mihudhi owang’o e mach ma ok tho.”

Rapar mar Chik 21:4

Ginikele e holo moro ma ok pur man gi aora ma ok dwon, kendo ginitur ng’ute kanyo.

Rapar mar Chik 25:4

“Kik itue dho dhiang’ ka ywayo lodi madiemo cham.

1 Samuel 8:12

Enoketgi jodong lweny madongo gi matindo, kendo noket jomoko mondo opur puothene, mi gika chambe, kendo moko nolos gige mag lweny gi gik moko mag gechene.