Isaya 30:20 - MUMA MALER 2015

²⁰ Kata obedo ni omiyo chiembu gi piu doko matin, mi uthagru, to en, ma en japuonju, ok nochak opondnu kendo, to unubed kunene gi wang’u pile.

Motingʼo Loko Manyien

²⁰ Kata Jehova Nyasaye miyou chiemo mar chandruok kod pi mar masira, to jopuonju ok nochak opondnu kendo, to ununegi gi wengeu uwegi.

Isaya 30:20 ပူးပေါင်းရင်းမြစ်များ

1 Ruodhi 22:27

Wachnigiuru niya, ‘Ruoth owacho ni mondo uket ng’atni e od tuech, kendo umiye mana kuon abang’a gi pi kende, nyaka aduog ka angima.’ ”

2 Weche mag Ndalo 18:26

Wachnigiuru niya, ‘Ruoth owacho ni mondo uket ng’atni e od tuech, kendo umiye mana kuon abang’a gi pi kende nyaka aduog kangima.’ ”

Zaburi 102:9

Buru e chiemba, kendo pi wang’a ton kuom gima amadho,

Zaburi 127:2

Bende onge tiende tiyo matek mondo uyud chiemo, kuchiew gokinyi mang’ich, kendo kudhi nindo molewo, nimar Ruoth Nyasaye ema miyo nindo tero ng’at mohero.

Zaburi 30:5

Mirimbe rumo piyopiyo, to ng’wonone osiko mochwere. Kamoro inyalo bedo gi kuyo gotieno, to kochopo okinyi, to iyudo mor.

Zaburi 74:9

Ok wanyal neno gik maler mane watiyogo e lemo, bende koro waonge jonabi. Waonge gi ng’at mong’eyo ni gima osetimoreni biro siko nyaka karang’o.

Zaburi 80:5

Isemiyowa pi wang’ mondo obed chiembwa. Adier, isemiyowa agwata maduong’ ma pi wang’ opong’o, mondo wamodhi.

Isaya 28:9

Giwacho niya, “Koro ere ng’ama Janabi paro ni biro puonjo? Koso ere joma biro winjo tiend gima opuonjo? Mit koparo ni wan nyithindo ma tinde eka oweyo dhoth?

Isaya 33:16

Ng’at ma kamano nodag kama oting’ore mokue. Got mabor motimo lwendni ema nobed kare mar geng’ruok, kendo enobed koyudo chiemo gi pi morome.

Isaya 51:14

Misumba ma tich turo ibiro gonyo machiegni. Ok enotho, mi odhi e Piny Joma Otho, kata mana chiemo bende ok nochandi.

Mathayo 9:38

Emomiyo kwauru wuon puodho mondo oor jotich odhi okane cham.”

Tich Joote 14:22

Ne gitego chuny jopuonjre ka gijiwogi mondo gisik gibed gi yie motegno, ka giwachonigi niya, “Nyaka wane masiche mang’eny, eka wadonj e Piny Ruodh Nyasaye.”

Jo-Efeso 4:11

En ema nopogo mich ni ji, koyiero ji moko mondo obed joote, to moko johul wach moa kuom Nyasaye, kendo moko joland Wach Maber, to moko jotend jo-Kristo, to moko jopuonj.

Rapar mar Chik 16:3

Kik ucham sawono gi makati moketie thowi, to kuom ndalo abiriyo unucham mana makati ma ok ketie thowi, ma en ranyisi mar sandruoku, nikech nuwuok Misri kurikni. Mano nobednu rapar mochwere muparogo chieng’ mane uwuokie Misri.