Isaya 30:19 - MUMA MALER 2015

¹⁹ Un jo-Sayun modak Jerusalem, ok unuchak uywagi. Ruoth Nyasaye biro ng’wononu, kendo obiro dwokou ka owinjo ywaku.

Motingʼo Loko Manyien

¹⁹ Yaye un oganda mag Sayun, modak Jerusalem, ok unuchak uywag kendo. Mano kaka notimnu ngʼwono e kinde ma unuywagne mondo okonyu! E sa moro amora mowinjo ywaku, to nokonyu.

Isaya 30:19 ပူးပေါင်းရင်းမြစ်များ

Zaburi 50:15

Luongauru e kinde ma unie chandruok, mi anaresu, kendo unumiya duong’.

Isaya 10:24

Mano emomiyo owacho kama: “Un joga modak Sayun, kik uluor jo-Asuria, kata obedo ni gisandou kaka ne jo-Misri otimonu chon,

Isaya 25:8

Enotiek tho nyaka chieng’. Bang’e enoywe pi wang’ ng’ato ka ng’ato, kendo nogol achaye man kuom joge e piny duto. Ruoth Nyasaye ema owacho kamano.

Isaya 33:2

A Ruoth Nyasaye, wan to kechwa nimar wageno kuomi. Yie imiwa teko okinyi kokinyi, kendo reswa e kinde mar masira.

Isaya 35:10

Adier, joma Ruoth Nyasaye osereso noluw yorno, ka duogo dala. Ginidonj Sayun ka gikok gi mor kendo ka giil, to kuyo gi parruok nolal nono.

Isaya 41:17

Joma odhier kod joma chandore manyo pi, to ok ginwang’, omiyo dwondgi otwo nikech riyo, to an Ruoth Nyasaye abiro dwoko kwayogi. Adier, an Nyasach Israel ok najwang’gi.

Isaya 46:13

Akelo resruok mara machiegni. Ok en mabor ngang’! Adier, kony ma akelo ok bi deko. Anares ji Sayun, mondo jo-Israel mamiya duong’ oyud konyruok.

Isaya 58:9

Bang’e ka uluongo, to Ruoth Nyasaye nodwoku. Adier, ka uywakne, to nodwoku niya, ‘An ka,’ Ka uweyo sando ji, kendo uweyo achaya kod hango ji kayiem,

Isaya 60:20

Wang’chieng’ ok nochak opodhi, kendo dueyi bende ok notho, nikech Ruoth Nyasaye ema nobedni ler mosiko, mi ndaloni mar ywak norum.

Isaya 65:18

Emomiyo beduru mamor kendo moil nyaka chieng’ gi gik ma achueyo, nimar achueyo Jerusalem obed dala makelo mor, kendo achueyo joma odakie mondo obed joma oil.

Isaya 65:19

Abiro bedo mamor gi Jerusalem, kendo abiro bedo moil nikech joga. “Ywak kod ywagruok ok nochak owinji e Jerusalem,

Isaya 65:24

Anadwokgi kapok giluonga, kendo anawinjgi kapok gitieko wuoyo.

Isaya 65:9

Anami Jakobo nyikwayo ma noluw bang’e, kendo anami Juda jocham gikeni ma nikaw godena. Ee, joga moyier ma jotichna nokaw pinyno mi dagie.

Jeremia 30:12

Ruoth Nyasaye wacho ni joge niya, “Adhondeu ok nyal chango, nikech nuhinyoru marach,

Jeremia 31:12

Gibiro duogo, mi giwer gi ilo e got Sayun, ka gimor gi gik ma achiwonigi, kaka cham gi divai gi mo kod jamni. Ginichal gi puodho ma koth oromo, mi ok ginichak gichand gimoro kendo.

Jeremia 31:16

Ling’ iwe ywak, kendo ywe pi wang’i, nimar niyud pok nikech gik misetimo ni nyithindi. Gibiro duogo ka gia e piny wasigu. An Ruoth Nyasaye ema awacho kamano.

Jeremia 31:6

Adier, kinde biro ma jorito noluong ji gie gode mag Efraim niya, ‘Biuru wadhi Sayun ir Ruoth Nyasachwa!’

Jeremia 31:9

Joga noduog kaywak, to anakue chunygi ka atelonigi e yo. Anatergi e aore mabeyo mamol, kendo ok ginichwanyre nimar giniwuoth e yo maber. An wuon jo-Israel, kendo Efraim e wuoda makayo.

Jeremia 33:3

In Jeremia awachoni niya, ‘Luonga, to abiro dwoki, kendo ananyisi gik madongo kendo malich ma ok ing’eyo.’

Jeremia 50:28

(Joma noringo motony koa Babulon nobiro Sayun monyisowa kaka Ruoth Nyasachwa nochulo ni jo-Babulon kuor kuom gima ne gitimo ni Hekalune.)

Jeremia 51:10

Jo-Israel owacho ni Ruoth Nyasaye osenyiso ni gin joma kare. Omiyo giwacho niya, ‘Wadhiuru Sayun mondo walandie gik ma Ruoth Nyasachwa osetimo.’ ”

Ezekiel 20:40

Ruoth Nyasaye nochako owacho niya, “Un jo-Israel duto, unudog e pinyu, mi ulama ewi god Israel marabora ma en goda maler. Anabed mamor kodu, kendo anadwar mondo ukelna misengni mau kod chiwo mabeyo mosewalna.

Ezekiel 36:37

“An Ruoth Nyasaye amedo wacho niya, ‘Abiro timo gik moko madongo kata moloyo mago. Abiroo yie jo-Israel okwaya mondo akonygi, mi ami ginya mathoth mana ka kueth rombe.

Mika 4:9

Ere gima omiyo iywak matek? Ionge gi ruoth koso? Koso ionge gi joma ding’adni rieko, momiyo rem chami malit ka dhako ma muoch kayo?.

Luka 6:21

“Un johawi, un joma kech kayo ndalogi, nikech unuyieng’! “Un joma ywak ndalogi, un johawi, nikech ununyier!

Jo-Rumi 11:26

Mano e kaka jo-Israel duto nokwo, mana kaka Muma wacho niya, “Jawar nobi koa Sayun. Enogol richo duto mag nyikwa Jakobo.

Jo-Efeso 3:20

Duong’ obed ni Nyasaye, manyalo timonwa gik moko duto moloyo kaka wakwayo kata kaka waparo, kuom tekone matiyo kuomwa.

Fweny 5:4

Ne aywak malit kane aneno ni onge ng’ama ne nyalo elo kitabuno kata ng’iyo iye!

Fweny 7:17

nikech Nyarombo manie dier kom duong’ tir nobed jakwadhgi. Notelnigi e sokni mag pi ngima, kendo Nyasaye noywe pi wang’gi duto.”