Isaya 30:12 - MUMA MALER 2015

¹² To Ng’ama Ler mar Israel wacho kama, “Ok usewinjo wachnano, bende usando ji, kendo utimo timbe mag miganga, kuparo ni gik ma kamago nyalo konyou,

Motingʼo Loko Manyien

¹² Kuom mano, ma e wach ma Jal Maler mar Israel wacho: “Nikech isedagi winjo oteni, mi iserwako chuny mar sando ji kendo iseyiengori e timbe mag miganga,

Isaya 30:12 ပူးပေါင်းရင်းမြစ်များ

Zaburi 52:7

“Neyeuru ng’at mane ok ogeno kuom Nyasaye, to ogeno mana kuom mwandune mathoth, kendo pakore gi richone!”

Zaburi 62:10

Kik uket genou kuom timbe mahundu, kendo kik ugen yudo gimoro e yor mecho. Kata ka mwandu omedore, to kik ugen kuomgi.

Ngeche 24:2

Nimar gik makelo chandruok ema giketo e chunygi, kendo wechegi duto hinyo ji.

Isaya 26:21

nikech Ruoth Nyasaye biro biro, koa kar dakne, mondo okum joma odak e piny nikech richogi. Piny noel remo mosechuer kuome, kendo ok nopand joma osenegi.

Isaya 28:15

Uwacho niya, “Wasetimo winjruok gi tho. Adier, wasetimo singruok gi Piny Joma Otho. Omiyo ka ohula miwachono biro, to ok obi ywoyowa, nikech waseloso miriambo ka kar konyruokwa, kendo wuondruok e okumba ma wageng’orego.”

Isaya 3:14

Ee, oyalo jodong joge gi jotendgi, kowacho niya, “Useketho puotha mar mzabibu, kendo gik moko ma useyako kuom joma odhier opong’o uteu.

Isaya 3:15

Ere kaka unyalo hedhoru nyono joga kendo thiro joma odhier?” Mano en wach mar adier, ma Ruoth Nyasaye Manyalo Gik Moko Duto ema owacho.

Isaya 30:1

Ruoth Nyasaye wacho niya, “Yaye, unune malit, un nyithinda ma jopiem! Uchano timo gik moko ma ok meka, bende utimo winjruok gi ogendini mamoko, to an ok ahero. Kamano umedo mana richo ewi richo!

Isaya 30:7

Adier, kata ka gitero mwandugi ni jo-Misri kamano, to kony ma ubiro yudo kuomgi romre gi nono. Mano ema omiyo achako Misri ni Rahab, ondiek ma budho abudha.

Isaya 47:10

Ne iparo ni onge gima ditimi nikech timbeni mamonogo, mi iwacho niya, “Onge ng’ama nena.” To rieki mathoth ne owuondi, “An kenda ema antie. Onge ng’at moro machielo marom koda.”

Isaya 5:24

Emomiyo kaka ligek mach wang’o yugi, mi tieki, kendo kaka tiang’ wang’ mi rum e mach mager, e kaka un bende unulal nono mana ka buru, nimar usechayo chik Ruoth Nyasaye Manyalo Gik Moko Duto, kendo usedagi wach Ng’ama Ler mar Israel.

Isaya 5:7

Puoth mzabibu mar Ruoth Nyasaye Manyalo Gik Moko Duto en Israel, kendo jo-Juda e yath mane orito maber. Ne ogeno ni adiera dibedie, to nek ema ne oneno, bende noparo ni tim makare diyudree, to ywak malit ema ne owinjo.

Isaya 59:13

Waseng’anyo, mi waketho e nyim Ruoth Nyasaye. Adier, wasedok chien, mi wajwang’o Nyasachwa. Bende waseparo weche mag miriambo e chunywa, kendo mago ema wawuondogo ji.

Isaya 59:4

Onge ng’ama donjo ni wadgi e yo makare, kata ma yalo bura gi adiera, to ji duto ogeno kuom weche manono kod miriambo. Gichano weche maricho e chunygi, ma bang’e nywolo mana chandruok.

Isaya 7:9

bende kata ni Samaria e dala maduong’ mar Efraim nokethi, mi ok nochak obed oganda kendo. Kuom mano, bed gi yie motegno kuom Nyasaye, nono to ok ibi chung’ mogurore.’ ”

Isaya 8:6

“Ogandani osedagi wechena mamuol machalo pi Shiloa mamol mos gi kue,

Jeremia 13:25

Ruoth Nyasaye osewacho ni mano e gima biro timorenu. Osechano mondo otimnu kamano nikech useweye, mi ugeno mana kuom nyiseche manono.

Amos 2:4

Ruoth Nyasaye owacho niya, “Jo-Juda osetimo richo mang’eny, omiyo abiro kumogi mak orem, nikech gisechayo puonjna, kendo gisedagi rito chikena. Nyiseche manono mane kweregi lamo osemiyo gibaro, mi giweya.

Luka 10:16

Eka Yesu nowacho ni jopuonjrene niya, “Ng’ama owinjou, owinjo mana an, to ng’ama odagiu, to odagi mana Jal mane oora.”

1 Jo-Thesalonika 4:8

Emomiyo ng’at modagi puonjni ok odagi winjo dhano, to odagi winjo mana Nyasaye, mamiyou Roho mare Maler.