Isaya 30:11 - MUMA MALER 2015

¹¹ Baruru uwe yo moriere tir, mondo kik wachak wawinj wach Ng’ama Ler mar Israel.’ ”

Motingʼo Loko Manyien

¹¹ Weuru yorni, wuoguru e ndarani kendo we bwogowa gi Jal Maler mar Israel.

Isaya 30:11 ပူးပေါင်းရင်းမြစ်များ

2 Ruodhi 19:22

To koro in, en ng’ano ma isejaro kendo iyanyo? Koso en ng’a, ma isekokne, kijowo wang’i! Nyaka ing’e ni en Ng’ama Ler mar Israel!

Ayub 21:14

Joricho okwero Nyasaye niya, ‘Wewa! Ok wadwar ng’eyo yoreni.

Isaya 29:13

Bang’ mano, Ruoth Nyasaye nowacho niya, “Jogi lama mana gi dhogi kende, kendo gimiya luor mana gi dhogi ma oko, to chunygi bor koda, kendo luor ma giluorago en mana chik mar dhano, momak gi wich.

Isaya 29:21

Gin jogo ma ketho nying ji, kendo ma buto mondo ohiny jong’ad bura, bende gimiyo buch ng’at makare iketho kayiem nono.

Amos 7:13

To kik ichak ikor wach Bethel ka, nikech ma en Hekalu mar pinywa, kama ruoth lemoe.”

Mika 2:11

Aneno ni janabi ma ji ohero en mana ng’at ma lworore e kor gweng’, gi weche mag miriambo, kokoro ni ji ni gibiro yudo divai gi kong’o mang’eny.

Tich Joote 13:8

To ajuoga miluongo ni Elumano notamogi, kotemo geng’o ruoth mondo kik yie kuom Yesu.

Jo-Rumi 1:28

Ne gidagi yie Nyasaye, omiyo Nyasaye nojwang’ogi, mi parogi olal, kendo gitimo gik ma ok onego gitim.

Jo-Rumi 1:30

gi johang wach, bende gin joma Nyasaye oweyo, kendo ma ochayo Nyasaye. Gin jokwinyo, gi joma wigi tek kod joma wuorore. Pile gifwenyo yore manyien mag timo richo, kendo gin joma ok winj jonywol.

Jo-Rumi 8:7

Ng’at ma paro mana weche mag dhano mon gi Nyasaye, nikech ok orito Chik Nyasaye. Adier, ok onyal rite.

Jo-Efeso 4:18

Chunygi nie mudho, kendo gionge gi ngima ma Nyasaye chiwo, nikech gin joma kia, kendo tokgi tek ta.