Isaya 3:8 - MUMA MALER 2015

⁸ Jerusalem nokethre kendo Juda nopodhi nikech gisewuoyo marach kuom Ruoth Nyasaye, bende gisetimone timbe maricho, ka gipiem gi duong’ne mang’ongo.

Motingʼo Loko Manyien

⁸ Jerusalem yiengni, bende Juda mukore; wechegi kod timbegi opogore gi dwach Jehova Nyasaye, nimar ok omi duongʼne nenre e diergi.

Isaya 3:8 ပူးပေါင်းရင်းမြစ်များ

2 Weche mag Ndalo 28:18

Jo-Filistia bende nosemonjo miech Juda manie piny pap kod manie thim. Ne gikawo Beth-shemesh gi Aijalon gi Gederoth kod Soko gi Timna gi Gimzo kod mier mokiewo kodgi, mi gidakie.

2 Weche mag Ndalo 33:11

Emomiyo Ruoth Nyasaye nomiyo jotend jolweny mag ruodh Asuria odhi kedo kodgi. Ne gimako Manase gi olowu, kendo ne gitueye gi ratege mag mula, mi gitere Babulon.

Ngeche 26:27

Ka ng’ato okunyo ni wadgi bur, to en ema onyumore e burno. Kata ka ong’ielo kidi mondo ohinygo wadgi, to en ema kidino ng’ielore kuome.

Isaya 1:7

Pinyu odong’ gunda, kendo miechu mach osewang’o, bende jopinje moko nono mayou chambu mana e wang’u kuneno. Adier, odong’ gunda, mana kaka Sodom nodong’, kosekethi.

Isaya 49:19

Kata obedo ni okethi kendo miechi odong’ gundni kamano, to ibiro yudo ni idoko matin, ma ok nyal romo jogi dakie. Bende jogo mane okethi noriemb dhi mabor.

Isaya 57:4

En ng’a, mujaro, kumoyone wang’u kendo kumilone lewu? Donge un nyithindo monywol e richo, ma koth miriambo?

Isaya 59:3

Lwetu omienore gi remo, kendo usemulo richo. Miriambo bende wuok e dhou, kendo lew hango wach.

Isaya 6:11

Bang’e ne apenjo niya, “Yaye Ruoth Nyasaye, gima kamano biro timore nyaka karang’o?” Eka nodwoka niya, “Mano biro timore nyaka mier lokre gundni, mi udi dong’ nono, ma onge ng’ama odakie, kendo piny kethre chuth,

Isaya 9:17

Mano, emomiyo Ruoth Nyasaye ok nokech yawuotgi, bende ok nobed mamuol gi nyithi kiye kata gi mond liete, nikech giduto gin joricho, kendo gikia Nyasaye, bende ng’ato ka ng’ato kuomgi wacho mana weche mofuwo. Kata kamano, mirimb Ruoth Nyasaye ok norum, kendo pod nosik kokumogi akuma.

Jeremia 23:36

To kik gichak gimul weche ma wacho ni, ‘Wach Ruoth Nyasaye en ting’ mapek,’ nikech ka ng’ato omulogi, to anami wachna bedne mapek adier! Ji oseketho weche Nyasachgi, ma Nyasaye mangima, kendo ma Ruoth Nyasaye manyalo Gik Moko Duto.

Jeremia 26:18

“E ndalo loch Hezekia ruodh Juda, Mika janabi ma ja-Meresheth nonyiso jo-Juda duto ni Ruoth Nyasaye Manyalo Gik Moko Duto owacho kama: ‘Sayun ibiro pur oko ka puodho. Jerusalem biro lokore pidhe mag lwendni, kendo got mogerie Hekalu nolokre bungu.’

Jeremia 26:6

Ka ok uwinjogi, kendo ka pod utamoru timo gik ma awacho, to abiro ketho Hekaluni mana kaka naketho Shilo, kendo ogendini duto noluong nying dalani ka gima okuong’.”

Jeremia 4:13

Neuru, wasigu biro mogingore ka boche polo. Gechegi mag lweny chalo gi kalausi, kendo faresegi ringo matek moloyo ongo. Yaye! Warumo!

Jeremia 44:3

Ne atimo kamano nikech joma ne odak kuondego ne otimo timbe maricho ka gimiyago mirima. Ne gilamo nyiseche mamoko, ma gin kata un kata mana kwereu ne pok olamo, mi gitimonigi misengni.

Ywagruok 1:9

Chilo ma en go omienore e lepe, to ne ok odewo gima biro timore achien. Mano emomiyo podho mosepodhogo lich miwuoro, kendo onge ng’ama nyalo hoyo chunye. Oywagore niya, “A Ruoth Nyasaye, neye chandruok ma an-go, nimar wasika oselocho!”

Ezekiel 8:12

Ruoth Nyasaye nopenja niya, “Wuod dhano, bende ineno gik ma jodong Israel timo kama opondo kae? Ng’ato ka ng’ato lemo mana e od nyasache manono. Giwuondore niya, ‘Ruoth Nyasaye ok newa! Osejwango pinyni.’ ”

Ezekiel 9:9

Nyasaye nodwoka niya, “Jo-Israel kod jo-Juda josetimo richo madongo ahinya. Gisenego ji mathoth e pinyni, mi gipong’o Jerusalem gi timbe maricho. Giwacho niya, ‘Ruoth Nyasaye osejwang’o pinywani. Ok onewa!’

Hosea 5:5

Sunga ma jo-Israel nigo nyiso ni gin joricho. Richogigo miyo gichwanyore kendo gipodho, mi jo-Juda bende podho kodgi.

Hosea 7:16

Gisiko ka giweya, kendo gidok ni nyiseche maonge teko. Ok nyal gen-gi, nikech gichalo gi atung’ mobam. Ibiro nego jotendgi e lweny nikech gisungore, mi jo-Misri nonyiergi.”

Mika 3:12

Gik mutimo ma kamagogo biro miyo ipuro Sayun ka puodho, mi Jerusalem lokre gunda, kendo god Hekalu lokre bungu.

Mika 6:12

Joma jomoko manie dalani mayo joma odhier. Gin jomriambo mosiko ka hango wach ahanga.

Habakuk 1:13

In to iler ma ok inyal yie neno richo, kata yie neno timbe mamono. Koro ere gima omiyo irango aranga joma andhokegi, to ok itim gimoro? Koso ang’o momiyo iling’ aling’a ka joma richo tieko joma kare moloyogi.

1 Jo-Korintho 10:22

Wadwaro miyo Ruoth mirima koso? Koso waparo ni watek moloye?

Juda 1:15

mondo okum piny duto, kendo omi jogo ma ok oluoro Nyasaye yie timbegi maricho, kod weche malit duto, ma gin joricho ma ok oluoro Nyasaye, gisewacho kuome.”