Isaya 3:26 - MUMA MALER 2015

²⁶ Ywak kod dengo nopong’ dhorangeye mag Sayun, kendo dalano nodong’ nono kokethore.

Motingʼo Loko Manyien

²⁶ Nduru gi ywak mag dengo nopongʼ dhorongeye mag Sayun, kendo dalano nodongʼ nono kokethore.

Isaya 3:26 ပူးပေါင်းရင်းမြစ်များ

Ayub 2:13

Bang’e ne gibet e lowo kanyo kode kuom ndalo abiriyo odiechieng’ gotieno, ka ok giwuo nikech ne gineno kaka othagore malit.

Ayub 2:8

Ayub nodhi mobet e buch kendo, mi okawo mbalatago mondo ogwonyrego.

Isaya 14:31

Un miech Filistia, ywaguru! Un jo-Filistia duto, laluru nono, nimar oganda lweny maduong’ biro, koa yo nyandwat, kochanore maber, kendo ma onge kata ng’at achiel ma digni.

Isaya 29:2

to bang’e anakelni masira, mi ywagruok gi nduru nobedie, kendo inichal gi kendo-mar-misango ma remo ochuerie!

Isaya 32:14

Ji noring owe udi mabeyo madongodongo duto, mi dala ma yande ji thothie nodong’ nono. Nobed lek maber ni le mae thim, kendo jamni bende nokwae. Kuonde moting’ore mochiel motegno mag siro lweny, kod kuonde maboyo mag rito, nolokre thim kuom ndalo mang’eny,

Isaya 33:9

Piny ywak, kendo dok chien. Lebanon two, kendo kethore. Sharon bende olokore thim, kendo Bashan gi Karmel oyaki modong’ nono.

Isaya 47:1

In Babulon, dala ma pok olo, bed piny e lowo. Ee, in dala maduong’ mar jo-Kaldai, we komlochni, ibed piny e buru. Ji ok nochak odendi ka gima in nyako ma dende yom, kendo mosedak e ngima maber!

Isaya 6:11

Bang’e ne apenjo niya, “Yaye Ruoth Nyasaye, gima kamano biro timore nyaka karang’o?” Eka nodwoka niya, “Mano biro timore nyaka mier lokre gundni, mi udi dong’ nono, ma onge ng’ama odakie, kendo piny kethre chuth,

Jeremia 14:2

“Jo-Juda ywak kendo miechgi kethore. Jogi oriere piny kokuyo, kendo jo-Jerusalem ywak mondo okonygi.

Jeremia 15:8

Ne anego chwo mang’eny, mi ubedo gi mond liete mathoth ka kuoyo mae dhonam ne anego yawuotu godiechieng’, mi akelo ne minegi kuyo.

Ywagruok 1:1

Mano kaka dala Sayun mane ji ng’enyie tinde odong’ nono! Chon ogendini ne kwane ka dala maduong’, to koro osedong’ mana ka chi liel. Adier, chon ne en ruodh mier duto, to tinde ochalo mana ng’ama tiyo tich misumba.

Ywagruok 1:4

Yore madhi Sayun ywagore, nimar onge ng’ama luwogi, kadhi timo sawo kuno, kendo dhorangeye odong’ nono maonge ji. Jodolo mage omo chunygi malit, kendo nyige isando marach. Mano kaka en gi thagruok malich!

Ywagruok 2:10

Jodonge obet piny, mi oling’ thi. Gisebuko wigi buru, kendo girwakore gi piende gugru. Nyi Jerusalem bende okulo wigi piny.

Ywagruok 2:8

Ruoth Nyasaye osechano mondo omuk ohinga mar Sayun. Ne opime maber, kokethe mak oweyo, nyaka chop otieke pep. Omiyo ohingane oruombore piny, mi kuyo ema odong’.

Ezekiel 12:20

Mier ma tinde ji opong’o nokethi, mi pinyno lokre thim. Eka gining’e ni an e Ruoth Nyasaye.”

Ezekiel 26:16

Ruodhi duto mag pinje manie dhonam nowe kombegi mag dongo kendo nolony lepgi mag loch kod mago mogor malich, mi gibed e lowo ka gikirni. Ka gineno masira mosemaki, to kihondko nomakgi marach, mi ginisik ka gikirni akira.

Mika 1:9

nimar adhonde Samaria ok nyal chango. Kata mana Juda bende osebedo gi adhondego, nikech masira osechopo e dhoranga Jerusalem hie koma jowa odakie.”

Mathayo 11:17

‘Nende wagoyonu thum, to ne utamoru miel. Bende ka nende wagoyonu nduru, to ne udagi ywak.’

Luka 19:44

Ginitieki kaachiel gi jogi duto, kendo ok giniwe kata kidi achiel kochung’ ewi wadgi, nikech ne ok ing’eyo kinde mane Nyasaye obiroe iri mondo olimi!”