Isaya 3:11 - MUMA MALER 2015

¹¹ Jaricho to nigi masira, kendo gik moko duto dhine marach, nikech oyudo pok moromo gi timbene maricho.

Motingʼo Loko Manyien

¹¹ Yaye, mano kaka nobed malit ne joricho nikech masira nobed kuomgi. Enokumgi kuom gik maricho ma lwetgi osetimo.

Isaya 3:11 ပူးပေါင်းရင်းမြစ်များ

Chakruok 18:25

Adier, ok dineg jomaonge ketho kaachiel gi joma nigi ketho. Ok inyal timo kamano, nikech kapo ni itimo kamano, to jomaonge ketho diyud mana kum maromre gi joma nigi ketho. To mano ok nyalre, nikech Jang’ad Bura mar piny ngima nyaka ng’ad bura kare.”

2 Samuel 3:39

Kata obedo ni an ruoth kamano, to yawuot Zeruyagi otamo wang’a. Ruoth Nyasaye ema mondo ochul kuor ni ng’ama rach moromo gi rach mosetimo.”

1 Ruodhi 21:21

Omiyo Ruoth Nyasaye owacho niya, ‘Abiro kelo masira kuomi. Abiro yweyi oko, kendo abiro tieko jodhoodi machwo duto, ma onge kata ng’at achiel ma nodong’ e Israel.

2 Weche mag Ndalo 6:23

to yie mondo iwinj e polo, kendo ing’ad buch jotichni, kikumo ng’at moketho, kendo kidwoko richone e wiye owuon. To jal ma kare mondo iket kare, mimiye pok moromo gi timne maber.

Ayub 10:15

Ka aketho, to alewo. To kata ka atimo maber, to ok ayud pak. Yaye, chunya lit, kendo wichkuot ohewa!

Zaburi 28:4

Kumgi kuom richo ma gisetimo. Ee, kumgi kuom wechegi maricho duto, kendo timnigi mana kaka owinjore kodgi.

Zaburi 62:12

kendo ni herane osiko mochwere. A Ruoth Nyasaye in iwuon imiyo ng’ato ka ng’ato, pok maromre gi timne.

Ngeche 1:31

Kuom mano, unuyud gima owinjore kodu, kendo timbeu uwegi noromu!

Ngeche 11:31

Ka ng’at maber yudo pokne e piny ka, to ong’ere ni jaricho noyud kum mak orem.

Ngeche 12:14

Pok ma ng’ato yudo romre gi weche mowacho kendo gi gik motimo.

Ngeche 26:27

Ka ng’ato okunyo ni wadgi bur, to en ema onyumore e burno. Kata ka ong’ielo kidi mondo ohinygo wadgi, to en ema kidino ng’ielore kuome.

Eklesiastes 8:13

to joma timbegi mono ok dhi nyime maber. Ngimagi chalo mana gi tipo makadho, kendo ginitho kapod gitindo, nikech ok giluoro Nyasaye.”

Isaya 13:11

Abiro kelo masira e piny, kendo abiro kumo joma timbegi mono kaka owinjore, mondo ng’ayi mag josunga orum, kendo athir nyadhi mag joma wang’gi tek.

Isaya 48:22

Ruoth Nyasaye owacho ni, “Joricho onge gi kue.”

Isaya 65:20

kendo ok nobedie nyathi matho kapod yom, kata ng’at maduong’ matho kapok ndalone orumo. Bende ka ng’ato otho ka hike mia achiel, to nokwane ka ng’ama otho kapod tin. Joricho mokwong’ kende ema notho ka pok hikgi oromo mia achiel.

Isaya 65:6

Neuru! Wachno osendiki e nyima. Ok abi ling’, to abiro kumou kuom richou, kaachiel gi richo mag wuoneu. An Ruoth Nyasaye ema awacho kamano.

Isaya 65:7

Ne uwang’o ubani e gode duto madongo gi matindo, kukweda, omiyo abiro kwongo pimo pok monego uyudi, eka achulu kaka owinjore!”

Jeremia 21:14

To an Ruoth Nyasaye abiro kumou mana maromre gi kethou. Abiro wang’o od ruodhu gi mach ma nowang’ gik moko duto machiegni kode. An Ruoth Nyasaye ema awacho kamano.”

Jeremia 31:30

To koro ng’ama ochamo olemo manumu, dhoge norewre mana en owuon, tiende ni ng’ato ka ng’ato notho mana nikech richone owuon.”

Ezekiel 16:59

Ruoth Nyasaye nomedo wacho niya, “Abiro timoni mana kaka oromore gi timbeni, nimar ne ichayo winjruok mane wan go, mi ok irito singruok mane itimo koda.

Ezekiel 18:20

To mana ng’at motimo richo ema notho. Wuowi ok nyal yudo kum nikech richo mag wuon mare, to wuoro bende ok nyal yudo kum nikech richo mag wuode. Ng’at makare noyud pokne kuom timne makare, to ng’at ma timne mono noyud kum kuom timne mamono.’

Ezekiel 2:10

Ne oyaro kalatasno, mi aneno ka weche mag ywak gi kuyo kod masiche ondik e iye kendo e dieng’eye.

Ezekiel 24:14

An Ruoth Nyasaye ema awacho kamano, kendo gima asewacho biro timore mak orem! Ok nakech ng’ato, kendo ok nang’won ni ng’ato, bende ok nalokra. Anakumi mana maromre gi timbeni duto. An Ruoth Nyasaye ema awacho kamano.”

Ezekiel 33:8

Ka awachoni ni ng’at marach biro tho, mi ok isieme mondo owe yorene maricho, to enotho kapod en jaricho, kendo in ema nakwani ka ng’ama onege.

Mika 3:4

Kinde biro ma unuywagie ni Ruoth Nyasaye, to ok nodwoku, kata mana winjo lemou ok nowinji, nikech timbe maricho musetimo.

Mika 7:13

To piny nokethre, mi lokre thim, nikech timbe maricho mag joma odakie.

Kwan 32:23

To ng’euru ni ka ok utimo kamano, to unubed joketho e nyim Ruoth Nyasaye, kendo richou nokelnu kum.

2 Jo-Korintho 5:10

nikech waduto nyaka wachung’ e nyim kom bura mar Kristo, mondo ng’ato ka ng’ato oyud pok moromo gi gik mabeyo kata maricho mane otimo kapod en e ringruok.

Jakobo 2:13

Jang’ad bura ok nokech ng’at ma ok kech ji. Ng’at ma kecho ji to onge gima oluoro kuom jang’ad bura.

Jong’ad Bura 9:57

To bende Nyasaye nochulo kuor ni jo-Shekem kuom richogi, mana kaka Jotham wuod Jerubaal nonyisogi chieng’ mane okuong’ogi.