Isaya 3:10 - MUMA MALER 2015

¹⁰ Ng’at makare en jahawi, kendo gik moko duto dhine maber, nikech oyudo pok kuom gik mabeyo motimo.

Motingʼo Loko Manyien

¹⁰ Kone joma kare ni gin johawi, nimar giniyud pok kuom tichgi matek.

Isaya 3:10 ပူးပေါင်းရင်းမြစ်များ

Chakruok 18:25

Adier, ok dineg jomaonge ketho kaachiel gi joma nigi ketho. Ok inyal timo kamano, nikech kapo ni itimo kamano, to jomaonge ketho diyud mana kum maromre gi joma nigi ketho. To mano ok nyalre, nikech Jang’ad Bura mar piny ngima nyaka ng’ad bura kare.”

Zaburi 58:11

Bang’e ji nowach niya, “Kara nitie pok ma joma kare yudo! Adier, nitie Nyasaye mang’ado ni piny bura!”

Wuok 1:20

Kuom mano Nyasaye noguedho jochologo, kendo jo-Israel nomedo nya, modoko oganda maratego ahinya.

Ngeche 10:6

Ng’at makare yudo gueth. Weche jaricho to pando masira.

Ngeche 12:14

Pok ma ng’ato yudo romre gi weche mowacho kendo gi gik motimo.

Ngeche 13:21

Chandruok luwo joricho kuonde duto. Joma kare to yudo gik mabeyo.

Ngeche 18:21

Weche ma ng’ato wacho nyalo kelo ngima, to bende ginyalo kelo tho. Kuom mano, rit dhogi maber mondo wecheni okonyi.

Eklesiastes 8:12

Jaricho nyalo timo richo ndalo mathoth, to eka pod odak adaka aming’a. Adier, ang’eyo ni ji wacho niya, “Ka iluoro Nyasaye to gik moko duto dhini maber,

Isaya 54:17

To koro onge gir lweny molosi ni mondo ohinyi, ma nohinyi, bende inilo buche duto modonjnie. Mano e pok ma jotich Ruoth Nyasaye yudo. Adier, mano e gueth ma asemiyogi. An Ruoth Nyasaye ema awacho kamano.”

Jeremia 15:11

A Ruoth Nyasaye, kapo ni ok asetiyoni maber, kata ka ok asekwayi mondo ikech wasika ka chandruok omako to kuong’ duto ma gikuong’ago mondo omaka.

Jeremia 21:14

To an Ruoth Nyasaye abiro kumou mana maromre gi kethou. Abiro wang’o od ruodhu gi mach ma nowang’ gik moko duto machiegni kode. An Ruoth Nyasaye ema awacho kamano.”

Jeremia 22:15

Bende gero ut sida mabeyo moloyo mag jomoko nyalo nyiso ni in ruoth adier? “Wuoru nodak maber. Pile ne en ng’at makare kendo jaadiera, omiyo gik moko duto mane otimo ne odhi maber.

Jeremia 7:23

To ne achikogi matek mondo giluora, eka abed Nyasachgi, kendo gibed joga. Bende nanyisogi ni nyaka gitim gik mane achikogi, eka mondo gidhi maber.

Ezekiel 18:20

To mana ng’at motimo richo ema notho. Wuowi ok nyal yudo kum nikech richo mag wuon mare, to wuoro bende ok nyal yudo kum nikech richo mag wuode. Ng’at makare noyud pokne kuom timne makare, to ng’at ma timne mono noyud kum kuom timne mamono.’

Ezekiel 9:4

mowachone niya, “Dhiyo, iwuothi e Jerusalem duto, iket kido e lela wang’ ng’ato ka ng’ato ma chunye lit kendo maywagore nikech gik moko duto makuero matimore e dalani.”

Mika 7:13

To piny nokethre, mi lokre thim, nikech timbe maricho mag joma odakie.

Zefania 2:3

Dwaruru Ruoth Nyasaye un jogo duto modak e piny, kobolore kendo korito chikene. Bende dwaruru tim makare, bende beduru gi chuny mamuol nimar dipo ka uyudo kar konyruok, chieng’ mirimb Ruoth Nyasaye.

Malaki 3:18

Bang’ mano unune pogruok manie kind joma richo, kendo e kind joma tiyona gi joma ok tina.”

Luka 19:19

En bende nodwoke ni, ‘Bed ruodh mier abich.’

Rapar mar Chik 12:25

Ka ok uchame, to ubiro dhi maber, kaachiel gi nyikwau nimar utimo gima long’o e nyim Ruoth Nyasaye.

Jo-Hibrania 6:10

Nyasaye en jaadiera, kendo wiye ok nyal wil gi tichu kod hera ma usenyiso ni uherego, ka ukonyo joge, kaka usebedo kutimo kendo pod utimo,