Isaya 29:22 - MUMA MALER 2015

²² Kuom mano, Ruoth Nyasaye ma Nyasach joka Jakobo, kendo mane owaro Ibrahim wacho kama: “Koro Jakobo ok bi yudo wichkuot, kendo kibaji ok nogoye,

Motingʼo Loko Manyien

²² Kuom mano ma e wach ma Jehova Nyasaye, mane oreso Ibrahim wachone od Jakobo ni, Jakobo ok none wichkuot kendo; bende ok ginichak ginenre mokuyo.

Isaya 29:22 ပူးပေါင်းရင်းမြစ်များ

Chakruok 48:16

Malaika ma oseresa e masiche duto, mondo oguedhgi. Noluonggi gi nyinga kod nying Ibrahim kwara gi nying Isaka wuora. Onego gimedre kendo gibed oganda maduong’ e piny.”

Isaya 41:14

In oganda Jakobo, in kudni akuda, to kik ibed maluor. Yaye, in Israel ma onge ndhathe, kik kibaji goyi. An Ruoth Nyasaye ema awacho kamano.

Isaya 45:17

Jo-Israel to Ruoth Nyasaye noresi gi resruok mosiko. Piny ok nochak ochamgi, kata ok ginichak gigore nyang’eng’o kendo nyaka chieng’.

Isaya 45:25

Nyikwa Israel duto nolochi kendo noyud duong’, mana nikech Ruoth Nyasaye.’

Isaya 50:7

To Ruoth Nyasaye biro konya, omiyo onge ayany moro ma nyalo hinya. Kuom mano aseguro wiya matek ka lwanda, ka ang’eyo ni ok nayud wichkuot,

Isaya 51:11

Kamano joma Ruoth Nyasaye osewaro noduog dala. Ginidonj Sayun ka gikok gi mor, kendo ka mor mosiko opong’o chunygi. Chutho, giniwuothi ka gimor kendo ka giil. To kuyo gi parruok nolal nono.

Isaya 51:2

Adier, paruru Ibrahim wuonu, kod Sara mane onywolou. Kane aluongo Ibrahim, to ne en mana ng’at achiel kende. Bang’e ne aguedhe, mi amiye odoko oganda maduong’.

Isaya 54:4

Kik ibed maluor, kata kik chunyi nyosre, nikech ok niyud wich kuot. Ndalo biro chopo ma wiyi nowilie gi wich kuot mane iyudo ka pod itin, kendo ok nichak ipar chandruok mane ineno kane idong’ chi liel,

Isaya 63:16

In e wuonwa, omiyo kik idagi konyowa. Kata obedo ni Ibrahim ok ong’eyowa, kendo Israel ok oyie ni wan joge, to in Ruoth Nyasaye, in e wuonwa, kendo in e jawarwa nyaka nene.

Jeremia 30:10

“Un nyikwa Jakobo jatichna, kik ubed maluor. Ee, un jo-Israel, kik chunyu parre, nikech abiro resou mi agolu e piny mabor motueueno. Nyikwa Jakobo noduogi kendo ginidag gi kue, maonge ng’ama bwogogi. An Ruoth Nyasaye ema awacho kamano.

Ezekiel 37:24

Jatichna Daudi ema nobed ruodhgi. Kamano giduto giniriwre e bwo ruoth achiel, mi gimak chikena.

Ezekiel 37:28

Ka aketo Hekaluna kanyo mondo obed e kindgi nyaka chieng’, eka ogendini nong’e ni an, Ruoth Nyasaye, ema aseyiero jo-Israel obed joga awuon.”

Ezekiel 39:25

Ruoth Nyasaye nochako owacho niya, “Koro abiro kecho jo-Israel ma nyikwa Jakobo, mi ami gichak gidhi nyime maber, kendo ok nayie nyinga maler kethre.

Joel 2:27

Bang’e unung’e ni an e dieru, un jo-Israel, kendo ni an Ruoth Nyasaye e Nyasachu, maonge moro kendo, bende joga ok nochak ojar kendo.

Luka 1:68

“Wapakuru Ruoth ma Nyasach Israel, nikech ne obiro konyo joge, mi owarogi.

Fweny 5:9

Ne giwero wer manyien niya “In ema iwinjori kawo kitabuni, mi iketh kido modinego, nikech in ema ne onegi kendo rembi ema ne ing’iewogo ni Nyasaye ji moa e dhoudi duto kendo mawacho dhok duto, kendo moa e ogendini duto kod pinje duto.