Isaya 29:21 - MUMA MALER 2015

²¹ Gin jogo ma ketho nying ji, kendo ma buto mondo ohiny jong’ad bura, bende gimiyo buch ng’at makare iketho kayiem nono.

Motingʼo Loko Manyien

²¹ gin jogo machiwo neno mar miriambo mondo omi ngʼato onere ni jaketho, kendo mawuondo jangʼad bura mi omi ngʼat maonge ketho tamie adierane.

Isaya 29:21 ပူးပေါင်းရင်းမြစ်များ

Zaburi 127:5

Ng’at man gi aserni mang’eny ma kamago en jahawi. Ok noloye ka oromo gi wasike e dhoranga dala.

Ngeche 28:21

Dok ni ng’ato kayiem ok ber. Jong’ad bura moko nyalo dok ni ng’ato mana ni mondo ocham asoya moro maonge ndhathe!

Isaya 10:1

Yaye, unune malit, un joma loso chike ma ok ni kare, kendo ma keto chike maricho mathiro ji.

Isaya 32:7

Ng’at ma achach yorene richo. Ochano gik maricho e chunye, mondo ohiny joma odhier gi weche mag miriambo, kendo otamo jochan e adiera monego giyudi.

Isaya 5:20

Yaye, unune malit, un joma kwano richo ka gima ber, kendo ma kwano gima ber ka gima rach. Uluongo mudho ni ler, kendo ler uluongo ni mudho, bende ukwano gik makech ka gik mamit, to gik mamit ukwano ka gik makech.

Isaya 5:23

ubiro yudo kum, nimar uweyo joketho nikech asoya, to joma onge ketho ema utamo e adiera monego giyudi!

Isaya 59:15

Kuom mano, adiera olal nono, kendo ka ng’ato obet motang’ ni richo, to ikwane mana ka janeko! Ruoth Nyasaye noneno ni adiera onge, omiyo iye nowang’.

Jeremia 18:18

Bang’ mano ji nowacho niya “Wang’aduru rieko mondo wanyal Jeremia. Pod nobedie abeda jodolo manyalo telonwa, gi joma riek manyalo ng’adonwa rieko, kod jonabi manyalo nyisowa wach Nyasaye. Biuru wahangne wach, kendo wawe dewo gima owacho.”

Jeremia 36:29

Bende Ruoth Nyasaye ne owachone mondo onyis ruoth Jehoyakim niya, “Isewang’o kitabu, kendo isepenjo Jeremia gima omiyo ne ondiko ni ruodh Babulon biro biro ketho pinyni, kendo nego ji modakie koda ka jamni.

Ezekiel 13:19

Useketho nyinga kuom joga mana ni mondo uyud cham moko sanja, kod makati matin. Unego joma ok owinjore negi. Mano e kaka uwuondo joga moyie gi wecheu mag miriambogo.

Malaki 3:5

Ruoth Nyasaye Manyalo Gik Moko Duto owacho niya, “Abiro ng’adonu bura, kendo bedo janeno kuomu piyo piyo, ka ayalo ajuoke gi joma terore gi joma kuong’ore kayiem gi joma wuondo jotichgi e yor misara, kod joma ok oluora, ma timo marach ni mond liete gi nyithi kiye kod jopinje mamoko modak kuomu.”

Mathayo 22:15

Bang’e jo-Farisai nodhi, mi jopimo wach kaka digindhog Yesu gi weche mowacho.

Mathayo 26:15

mopenjogi niya, “Ang’o ma dumiya, ka aketo Yesu e luetu?” Kuom mano ne gimiye siling’ piero adek.

Tich Joote 3:14

Ne ukwedo Jal Maler kendo Makare, to ukwayo mondo ogonynu mana janek!

Jakobo 5:6

Useng’ado bura ni joma onge ketho, mi unego, to ok gitamou.

Jong’ad Bura 12:6

Bang’ loyogi kamano, jo-Gilead nomako kuonde miyorogo aora Jordan, mondo jo-Efraim kik ng’adi. Noyudo ka nitie wach moro miluongo ni Shiboleth, ma jo-Efraim ok nyal hulo adimba. Omiyo kane ja-Efraim moro pondo, mi okwayo thuolo ka dokadhi, to jo-Gilead nopenje ka en ja-Efraim. Kane okwer, to ne gikone mondo owachi ni “Shiboleth.” To kane owacho ni, “Siboleth,” to gimake kendo ginege mana kanyono. E kindeno jo-Efraim alufu piero ang’wen gariyo notho.