Isaya 29:19 - MUMA MALER 2015

¹⁹ Joma muol nochak obed mamor kuom Ruoth Nyasaye. Adier, joma odhierie moloyo nobed mamor kuom Ng’ama Ler mar Israel.

Motingʼo Loko Manyien

¹⁹ Joma obolore nochak obed gi mor kuom Jehova Nyasaye; kendo joma ochando, bende nobed gi mor kuom Jal Maler mar Israel.

Isaya 29:19 ပူးပေါင်းရင်းမြစ်များ

Zaburi 12:5

To Ruoth Nyasaye wacho niya, “Koro abiro biro nikech ithiro jochan, kendo joma isando chur malit nikech rem. Abiro miyogi kue ma gigombo.”

Zaburi 149:4

nimar Ruoth Nyasaye ohero joge. Oting’o joma obolore malo, komiyo gilocho.

Zaburi 22:27

Ogendini duto nopar Ruoth Nyasaye. Ginidhi ire ka gia e tung’ piny gi tung’ piny. Adier, ogendini duto nolame.

Zaburi 25:9

Bende otelo ni joma muol mondo otim gik makare, kopuonjogi timo gik ma odwaro.

Zaburi 37:11

To joma muol ema nobed weg piny, kendo giniyud mor maduong’ ka gidak gi kue.

Zaburi 9:18

Nyasaye ok nojwang’ jochan, kendo ok notiek geno mar joma ithiro.

Isaya 11:4

To nong’ad bura gi adiera ni joma odhier, kendo nochwak joma muol kaka owinjore. Dhoge ema nobed luth mogoyogo joma timbegi mono. Ee, wachne ema noneggo joricho.

Isaya 14:30

Joma odhier to nokwa jambgi e legena, kendo jochan noyue gi kue. To un jo Filistia, nami kech neg nyithindu, kendo jou manok modong’ bende nanegi.

Isaya 14:32

Koro ere dwoko ma onego mi joote mag ogandano? Dwokgiuru niya, “Ruoth Nyasaye osemiyo Sayun ogurore motegno, kendo kanyo ema joge ma jochan biro tonyie.”

Isaya 25:4

nikech isebedo kar konyruok ni ng’at modhier machandore. Ee, in e kar bwogo koth, kendo e tipo ma geng’o chieng’ e ndalo ma joma ger monjowa ka koth machwe maduong’ e ndalo chiri,

Isaya 26:6

mondo joma ithiro kendo ma jochan onyone gi tiendgi.”

Isaya 3:14

Ee, oyalo jodong joge gi jotendgi, kowacho niya, “Useketho puotha mar mzabibu, kendo gik moko ma useyako kuom joma odhier opong’o uteu.

Isaya 3:15

Ere kaka unyalo hedhoru nyono joga kendo thiro joma odhier?” Mano en wach mar adier, ma Ruoth Nyasaye Manyalo Gik Moko Duto ema owacho.

Isaya 57:15

Ng’ama Duong’ Moloyo, ma nyinge Ng’ama Ler, kendo mosiko nyaka chieng’ wacho kama: “Adak kama ler kendo man malo, gi joma chunygi obolore kendo muol, mondo aduog chuny joma muol, kendo ajiw teko mar joma obolore.

Isaya 61:1

Roho mar Ruoth Nyasaye ni kuoma, nikech Ruoth Nyasaye oseyiera, mowira mondo aland wach maber ni joma odhier. Oseora mondo akue chuny jogo ma neno masira, bende mondo ahul ni joma omaki ni koro gin thuolo, kendo ahul ni joma otue ni koro ogonygi.

Isaya 61:10

Wabeduru mamor kuom Ruoth Nyasaye gi tekowa duto. Adier wabed moil kuom Nyasachwa, nimar oserwakowa gi warruok mana ka ng’ama orwako nanga, bende oboyowa gi tim makare ma ka ng’ama obo gi law, kendo mana ka wuon kisera magawo maua e ng’ute, kata ka miaha morwako thiwni mabeyo.

Isaya 66:2

Gigi duto an ema achueyo, kendo an e wuon-gi. An Ruoth Nyasaye ema awacho kamano. Ng’at ma abiro konyo en ng’at mamuol, ma chunye otur, kendo ma tetni kowinjo wachna.

Daniel 12:4

“To in Daniel, koro um kitabu, kendo idine gi odok nyaka kinde mar giko chopi. To kindegi ji mang’eny biro ringo koni gi koni mondo onge tiend gik matimore.”

Habakuk 3:18

to pod anamor amora kuom Ruoth Nyasaye, kendo anabed moil kuom Nyasaye jawarna.

Zefania 2:3

Dwaruru Ruoth Nyasaye un jogo duto modak e piny, kobolore kendo korito chikene. Bende dwaruru tim makare, bende beduru gi chuny mamuol nimar dipo ka uyudo kar konyruok, chieng’ mirimb Ruoth Nyasaye.

Mathayo 11:29

Rwakuru lodi ma amiyou e ng’utu, kendo puonjreuru kuoma, nikech chunya muol kendo dembore.

Mathayo 11:5

Nyiseuru ni muofni neno, pudhe wuotho, jodhoho ichango, joma itgi odino winjo wach, joma otho ichiero, kendo joma odhier ilandonigi Wach Maber.

Mathayo 5:3

“Joma ong’eyo ni ok long’o e nyim Nyasaye gin johawi, nikech gueth mar Loch Polo en margi.

Mathayo 5:5

“Joma muol gin johawi, nikech piny nobed margi.

Jo-Efeso 4:2

Pile kik ubed joma sungore, to beduru mamuol, kendo horeuru mos, bende nyisuru hera ma uherorugo kuom weyo ni joweteu kethogi.

Jo-Filipi 4:4

Beduru mamor pile kuom Ruoth kendo amedo wacho ni, beduru mamor.

Jakobo 1:21

Emomiyo wituru gik mochido, gi timbe maricho mogundho. Bolreuru e nyim Nyasaye, kendo yieuru wach mane opidhi e chunyu, nikech en gi teko mar warou.

Jakobo 1:9

Ka Nyasaye oting’o owadwa moro modhier malo, to mondo obed mamor.

Jakobo 2:5

Owetena mahero, winjuru gima awacho. Donge Nyasaye noyiero joma piny kwano ka jochan mondo obed jomwandu korka yie, kendo obed joma yudo gueth mar Loch Nyasaye, mane osingore ni nomi joma ohero?