Isaya 29:13 - MUMA MALER 2015

¹³ Bang’ mano, Ruoth Nyasaye nowacho niya, “Jogi lama mana gi dhogi kende, kendo gimiya luor mana gi dhogi ma oko, to chunygi bor koda, kendo luor ma giluorago en mana chik mar dhano, momak gi wich.

Motingʼo Loko Manyien

¹³ Ruoth Nyasaye wacho niya: Jogi sudo ira mana gi weche manie dhogi kendo gipaka mana gi dhogi kende, to chunygi bor koda. Yo ma gilamago gin mana chike mipuonjo gi dhano.

Isaya 29:13 ပူးပေါင်းရင်းမြစ်များ

Zaburi 17:1

A Ruoth Nyasaye, winj kwayona makare, kendo chik iti ni ywakna. Yie iwinj lemona, nimar aonge gi miganga.

Zaburi 50:16

To Nyasaye wacho ni jaricho niya, “Ere gima omiyo iolo chikena? Koso ang’o momiyo iwuoyo kuom singruokna,

Ngeche 30:6

Kik ihang wach ni, Nyasaye owacho gimoro ma ok owacho, nikech obiro kumi, monyisi ni in jamriambo.”

Isaya 10:6

En ema aore mondo odhi oked gi oganda moweyo Nyasaye Adier, achike mondo omonj joma miya mirimago. Mi oketh mwandu, kendo oyakgi kaka en ema odwaro, konyonogi piny, mana ka chuodho minyono e wang’ yore.

Isaya 29:1

Yaye, inine malit in Jerusalem, dala mane Daudi obworoe! Kuom higa achiel kata higni ariyo sewni mitimo higa ka higa pod timore,

Isaya 29:12

To kata ka ichiwo kitabuno ni ng’at makia somo, mi iwachone ni mondo osome, to obiro dwoki ni ok ong’eyo somo.

Isaya 30:11

Baruru uwe yo moriere tir, mondo kik wachak wawinj wach Ng’ama Ler mar Israel.’ ”

Isaya 42:25

Mano ema omiyo noolo mirimbe mager kuom jo-Israel, kokelonigi lweny maliet ka mach. Ne olworogi gi mach koni gi koni, to ne ok giwinjo tiend kumno. Adier, ne orewogi, to kata kamano ne ok gidewo.

Isaya 63:17

A Ruoth Nyasaye, ere gima omiyo iweyowa aweya, mi wabaro waweyo yoreni? Koso ang’o momiyo imiyo chunywa doko matek, mondo kik waluori? Duogi nikech wan, wan jotichni. Wan dhoudi mikwano ka mwanduni.

Jeremia 12:2

Ipidhogi, mi gigol tiendegi, kendo gidongo, mi ginyag olemo. Pile giwuoyo maber kuomi, to chutho chunygi bor kodi.

Jeremia 3:10

To kata bang’ mago duto jo-Juda ma andhoke ma owete jo-Israel nowuondore ni duogo ira, to ok ne gidwogo gi chunygi duto.”

Jeremia 42:20

mano dibed ketho maduong’! Ne uora ir Ruoth Nyasachwa kuwachona niya, ‘Lamnwa Ruoth Nyasachwa, kendo inyiswa weche duto mowacho mondo watigo.’

Jeremia 5:2

Kata ka ukuong’oru gi nying Ruoth Nyasaye, to ukuong’oru mana gi miriambo.

Ezekiel 14:1

Jodong Israel moko nobiro ira mondo openja wach Ruoth Nyasaye.

Ezekiel 33:30

Ruoth Nyasaye nowachona niya, “Wuod dhano, jou wuoyo kuomi ka gichokore e tok ohinga kendo ka gin e dhoutegi. Ng’ato ka ng’ato wacho ni wadgi niya, ‘Wadhiyo mondo wawinj wach moa kuom Nyasaye kawuono.’

Hosea 7:14

Ok giselama gi adiera, to girudhore piny ka giywak, kendo ka gilama mondo amigi cham gi divai, to ging’olo dendgi mana ka joma lamo nyiseche manono. To gisetamore mako chikna.

Jo-Kolosai 2:22

To gigi duto gin mana gik makethore kosetigo, kendo wechego duto gin mana chik kod puonj mag dhano.

1 Samuel 15:30

Eka Saulo nowacho niya, “Aseketho, to kata kamano, asayi, miya duong’ kawuono e nyim jodong joga, kendo e nyim jo-Isarel. Wichri wadog kodi, mondo alam Ruoth Nyasaye ma Nyasachi.”