Isaya 28:4 - MUMA MALER 2015

⁴ mi duong’ne biro rumo ka maua moner, kata ka olemo mokwongo chiek, ma ng’ato ang’ata moneno, to pono chamo ka rikni.

Motingʼo Loko Manyien

⁴ Berne malich norum mana ka maua maner, mopidhi ei holo momiyo, mi nochal ka olemb ngʼowu mokwongo chiek, ngʼato angʼata monene pone, kendo chame ka rikni morum chuth.

Isaya 28:4 ပူးပေါင်းရင်းမြစ်များ

Isaya 28:1

Yaye, inine malit, in dala Samaria manie holo momew, ma jomer mag Israel sungorego ka osimbgi. Duong’ni biro rumo mana ka maua moner, in dala ma joge lwokore gi kong’o!

Isaya 8:4

nimar kapok ong’eyo wacho ni ‘Baba’, kata ni ‘Mama,’ to ruodh Asuria nomonj Damaski kod Samaria, mi yak mwandugi duto.”

Hosea 13:1

Chon kane jo-Efraim wuoyo, to ji mamoko tetni. Dhoodgi ne duong’ moloyo dhout Israel mamoko. To ji noketho kuom lamo Baal, kendo gibiro tho nikech wachno.

Hosea 13:15

Kata obedo ni jo-Israel dhi nyime maber ka buya malandore, to abiro kelonigi jaketh ma notiek gigi mabeyo duto mana kaka yamb oro moa e piny motimo ongoro duono sokni duto.

Hosea 6:4

To Ruoth Nyasaye wacho niya, “Un jo-Israel gi jo-Juda, ang’o ma anyalo timonu? Hera ma uherago lal piyo mana ka ong’weng’o mar okinyi, kata ka tho maduono ka nyango tegno.

Hosea 9:16

Jo-Israel chalo gi yath ma tiendene osetwo kendo ok nyag olemo. Ok gininywol nyithindo, to kata kapo ni ginywolo, to ananeg nyithindgi ma gihero ahinyago.”

Mika 7:1

A yaye! Koro achalo ng’ama kech kayo, mobiro pono olemo, to oyudo ka yath odong’ nono, ma onge olemo minyalo cham kata mana ng’owo mamitna manyak atamalo.

Nahum 3:12

Kuondeni duto mochiel motegno mag siro lweny nopodhi. Notiekgi mana ka ng’owo mokwongo chiek, ma lwar e dho joma yiengo yath.

Fweny 6:13

Sulue mae polo nolwar piny mana kaka ng’owo mapok ochiek lwar ka yamo makudho matek ouko.