Isaya 28:29 - MUMA MALER 2015

²⁹ Wachno bende oa kuom Nyasaye Manyalo Gik Moko Duto, ma ng’ado rieko mabeyo, kendo ma tekone duong’!

Motingʼo Loko Manyien

²⁹ Magi duto bende oa kuom Jehova Nyasaye Maratego, ma jangʼad rieko mowinjore, kendo ma parone ber ahinya.

Isaya 28:29 ပူးပေါင်းရင်းမြစ်များ

Ayub 37:23

Teko mar Nyasaye duong’ ma ok wanyal sudo machiegni kode. En jaratiro, kendo ong’ado ni ji bura makare.

Ayub 5:9

nikech en ema otimo gik madongo, bende honni mage ng’eny mokadho akwana.

Zaburi 118:23

Mano en tich Ruoth Nyasaye, kendo en gima lichnwa miwuoro!

Zaburi 40:5

A Ruoth Nyasacha, isetimonwa gik mang’eny miwuoro. Onge ng’ama inyalo pimo kodi! Gik moko duto ma isechanonwa kelonwa gweth. Ka da anyalo hulogi duto mi awuo kuomgi, to ging’eny ma ok anyal tieko.

Zaburi 92:5

Mano kaka timbeni dongo yaye Ruoth Nyasaye, kendo mano kaka paroni tut!

Zaburi 92:6

Nitie gimoro ma ng’ama ofuwo ok nyal ng’eyo. Adier, ng’ama ming’ ok nyal winjo ni,

Ngeche 8:14

Achano gik moko, kendo atimogi. Bende an gi rieko, kendo ategno.

Isaya 28:28

Ngano en cham mayom, omiyo ok dine matek, nimar dipo ka ong’inyore matindotindo. Chutho, ok dine nyalandra. Kata ka obedo ni iywayo gari kuome mondo tiende gari odine, to ok tim kamanoo aming’a, nimar dipo ka orege mayom.

Isaya 31:2

To Ruoth Nyasaye riek, kendo onyalo kelo masira, bende ok olok parone. Obiro kumo oganda mar joricho, kaachiel gi joma konyogi.

Isaya 41:20

mondo ji duto one kendo ong’e ni, Ruoth Nyasaye, ma Ng’ama Ler mar Israel ema osetimo kamano.

Isaya 9:6

nikech nonywolnwa nyathi. Adier, ibiro miyowa wuowi, kendo loch nobed e lwete. Noluong nyinge ni, Jabura Mahono, Nyasaye Maratego,, Wuoro ma nyaka chieng’, kendo Ruodh Kue.

Jeremia 32:19

In ichano gik malich miwuoro, kendo itimo gik madongo. Bende ineno gik moko duto ma ji timo, kendo itimonigi mana moromo gi timbegi.

Jo-Rumi 11:33

Mano kaka mwandu mag Nyasaye dongo! Riekone kod ng’eyone tut manadi! Ere ng’ama nyalo ng’eyo tiend gik moparo? Koso ere ng’ama nyalo ng’eyo yorene?