Isaya 28:27 - MUMA MALER 2015

²⁷ Cham duto ok diem machalre. Moko idino gi radin, to moko iteng’o gi luth.

Motingʼo Loko Manyien

²⁷ Cham moko ok din gi twor to bende kal ok wuothie wiye gi gari; moko to idino gi luth kendo kal itengʼo gi kede.

Isaya 28:27 ပူးပေါင်းရင်းမြစ်များ

2 Ruodhi 13:7

Ruoth Nyasaye noweyo ni Jehoahaz mana jolweny alufu apar, gi joidh farese piero abich, kod geche lweny apar, nikech ruodh Aram nosetiekogi mi gichalo mana mihudhi.

Ngeche 20:26

Ruoth mariek fwenyo joketho, kendo okumogi ma ok okechogi.

Isaya 28:26

Ong’eyo gima onego otim, nikech Nyasaye ema puonje, kendo nyise yo maber monego otimee.

Isaya 28:28

Ngano en cham mayom, omiyo ok dine matek, nimar dipo ka ong’inyore matindotindo. Chutho, ok dine nyalandra. Kata ka obedo ni iywayo gari kuome mondo tiende gari odine, to ok tim kamanoo aming’a, nimar dipo ka orege mayom.

Isaya 41:15

Neuru! Abiro miyo uchalo gi gir diemo ngano manyien ma lekene bitho. Unumuk gode madongo gi matindo, kutoyogi matindotindo, mi gilokre mihudhi.

Jeremia 10:24

Kuom mano, A Ruoth Nyasaye, riewa gi bura, to ok gi mirimbi, nono to itiekowa pep.

Jeremia 46:28

Kik uluor, nikech an kodu. Abiro tieko ogendini duto kuonde duto ma asekeyoue, to un ok natieku. To kata kamano, abiro kumou moromo gi timbeu. An Ruoth Nyasaye ema awacho kamano.”

Amos 1:3

Ruoth Nyasaye nowacho niya, “Jo-Damaski osetimo richo mang’eny, omiyo abiro kumogi mak orem, nikech gisesando jo-Gilead gi sand malit, ka giywayo kuomgi bepe mogurie musmande mabitho midinogo cham.

Mathayo 23:23

Yesu nomedo wacho niya, “Mano kaka unune malit, un jopuonj Chik gi jo-Farisai, mawuondore ni ohero Nyasaye! Uketo chunyu mana kuom chiwo ni Nyasaye mich mar achiel kuom apar mag alode maonge tich kaka apoth, gi onyulo, kod ododo, to uweyo gik madongo ma Chik dwaro, kaka ng’ado bura kare, gi bedo mang’won kod bedo jaadiera. Gik madongogo ema onego bed ni utimo, to mamokogo bende ok onego uwe mak utimo.