Isaya 28:26 - MUMA MALER 2015

²⁶ Ong’eyo gima onego otim, nikech Nyasaye ema puonje, kendo nyise yo maber monego otimee.

Motingʼo Loko Manyien

²⁶ Nyasache nyise yo monego oluw kendo puonje yo maber.

Isaya 28:26 ပူးပေါင်းရင်းမြစ်များ

Ayub 32:8

To nyaka ung’e ni muya mar Nyasaye Manyalo Gik Moko Duto ema miyo ji rieko, kobiro kuomgi.

Ayub 35:11

Ok gidhi ir Nyasaye ma miyo wabedo gi rieko moloyo winy gi le.

Ayub 39:17

An ema ne ok amiye rieko, momiyo odoko mofuwo.

Zaburi 144:1

Pakuru Ruoth Nyasaye ma lwandana! Ojiwo bada ni lweny, kendo opuonja kedo.

Zaburi 94:10

En ema orito ogendini! Donge okumogi? Koso ng’ama puonjo dhano nyalo bedo maonge gi rieko adier?

Wuok 28:3

Nyis jotich molony ma asemiyo rieko olos ni Harun lewni morwako kokete jadolona.

Wuok 36:2

Musa noluongo Bezalel gi Oholiab kod joma olony e tijegi, mane Ruoth Nyasaye osemiyo rieko, kendo mane oyie konyo tich, mi nonyisogi mondo gichak tich.

Isaya 28:25

Donge ka osetieko buso, to ochuoyo kothe mopogore opogore, moro ka moro gi kare mowinjore kode?

Isaya 28:27

Cham duto ok diem machalre. Moko idino gi radin, to moko iteng’o gi luth.

Isaya 28:9

Giwacho niya, “Koro ere ng’ama Janabi paro ni biro puonjo? Koso ere joma biro winjo tiend gima opuonjo? Mit koparo ni wan nyithindo ma tinde eka oweyo dhoth?

Daniel 1:17

Nyasaye ne omiyo yawuowi ang’wen-go rieko mar kitabu kod rieko moro amora. To bende nomiyo Daniel rieko mar loko tiend fweny kod lek duto.

Jakobo 1:17

Mich mabeyo duto, kod chiwo malong’o duto, a e polo malo. Gia kuom Nyasaye Wuoro mane ochueyo ler mag polo. En ok olokre, bende ok owichre owewa e mudho.