Isaya 28:19 - MUMA MALER 2015

¹⁹ Pile pile ohula nobi, mi yweru. Adier, noywou okinyi kokinyi, kendo odiechieng’ gotieno. Kuwinjo wachni, to unukirni,

Motingʼo Loko Manyien

¹⁹ E kinde duto ma masira nobi enotieku; noyweu okinyi ka okinyi kendo odiechiengʼ gotieno.” Ka wachni nodonjne ji, to ginibed gi bwok maduongʼ.

Isaya 28:19 ပူးပေါင်းရင်းမြစ်များ

2 Ruodhi 17:6

mokawe e higa mar ochiko mar loch Hoshea. Nomako jo-Israel, motero Asuria, kendo noketo moko mondo odag Hela but aora Habor man Gazon, to moko noketo e miech jo-Media.

2 Ruodhi 18:13

E higa mar apar gabich mar loch Hezekia, Senakerib ruodh Asuria nomonjo miech Juda duto mochiel gi ohinga, mokawo.

2 Ruodhi 21:12

Emomiyo abiro kelo masira malich kuom Jerusalem gi Juda, ma ka ng’ato owinjo, to ite nopopni.

2 Ruodhi 24:2

Eka Ruoth Nyasaye nooro mony mag jo-Babulon gi mag jo-Aram, gi mag jo-Moab kod mag jo-Amon, mondo oked gi jo-Juda, kendo ne giketho pinygi chuth, kaka Ruoth Nyasaye nosemiyo jatichne ma janabi owacho.

Ayub 18:11

Masira bwoge koni gi koni, kendo lawe sa duto.

Ayub 24:17

Giluoro ler mar odiechieng’, to mudho ema gihero.

Ayub 41:9

Ng’ato ang’ata moneno nyang’no, bwok mi gore piny.

Ayub 6:4

Nyasaye Manyalo Gik Moko Duto osechiela gi aserni mage, kendo kwichgi landore e denda duto. Adier, masiche moa kuom Nyasaye olwora koni gi koni.

Zaburi 55:4

Luoro ohewa, kendo masiche mag tho ohinga.

Zaburi 88:15

Chakre tinna aseyudo chandruok machiegni nega. Thagruok misemiya, osetieko tekona.

Isaya 33:7

Neuru kaka thuondu ywak e wang’yore. Adier, joote museoro mondo odwar kue, ywak malit.

Isaya 36:22

Eliakim wuod Hilkia ma jaduong’ od ruoth, gi Shebna jagoro kod Joa wuod Asaf ma jachan weche mag piny ne jobiro ir Hezekia, ka joyiecho lepgi, mi ginyise gima ne Rabshake owacho.

Isaya 37:3

mondo odhi owachne niya, “Hezekia owacho ni kawuono en chieng’ dhier gi kum kod wichkuot. Wachalo gi dhako ma muoch kayo, to onge muya mocholgo nyathi.

Isaya 50:4

Ruoth Nyasaye osemiya lep mar puonj, mondo ang’e kaka anyalo hoyo ng’at ma ojony. Opiago ita mabith gokinyi pile pile, ni mondo achik ita ka ng’at mipuonjo.

Jeremia 19:3

Ruoth Nyasaye nokona mondo awach niya, “Winjuru un ruodhi mag Juda kod jo-Jerusalem. An Ruoth Nyasaye Manyalo Gik Moko Duto kendo ma Nyasach Israel, awacho kama: Abiro kelo masira malich kuom dalani, ma ng’ato ka ng’ato mowinjo, to ite nopopni.

Jeremia 4:5

“Gouru tung’, e piny duto, kendo koguru matek, kunyiso jo-Juda gi jo-Jerusalem mondo oring odhi e mier mochiel motegno.

Jeremia 4:9

Ruoth Nyasaye nowacho niya, “Chieng’no chuny ruodhi gi chuny jodongo nonyosre, kata jodolo bende nobuogi kendo jonabi nong’eng’.”

Jeremia 6:24

To un jo-Jerusalem uwacho niya, “Wasewinjo wachno, mi thudhno omako luetewa. Kibaji goyowa mana ka dhako ma muoch kayo.

Ywagruok 2:22

Ne iorona wasigu moa kuonde duto, mana ka ji machokore e nyasi moro maduong’. Onge kata ng’at achiel mane otony. Ooyo, onge ng’ato mane odong’ ka ngima, chieng’ mane inie gi mirima, A Ruoth Nyasaye. Ji duto mane anywolo maber kendo apidho, wasika osetieko pep.

Daniel 7:28

Mano e giko wechego, to an Daniel ne abwok ahinya, mi denda ojuol, to ne ok anyiso ng’ato wechego.

Daniel 8:27

Bang’ mano, an Daniel, chunya nobedo mool, mi abedo matuo kuom kinde mogwarore. To bange ne aa malo, mi adok e tich mane ruoth osemiya. Kata kamano fwenyno ne odhiera, kendo ne ok anyal ng’eyo tiende.

Habakuk 3:16

Ka awinjo gigi to kibaji goya, kendo dhoga tetni. Chokena duto nyosore, kendo tiendena kirni ka luoro ohewa. Ahora mos, karito chieng’ ma masira biro makoe joma monjowa.

1 Samuel 3:11

Mi Ruoth Nyasaye nowacho ni Samuel niya, “Abiro timo gimoro e Israel ma ng’ato ang’ata mowinjo to ite nopopni.