Isaya 28:15 - MUMA MALER 2015

¹⁵ Uwacho niya, “Wasetimo winjruok gi tho. Adier, wasetimo singruok gi Piny Joma Otho. Omiyo ka ohula miwachono biro, to ok obi ywoyowa, nikech waseloso miriambo ka kar konyruokwa, kendo wuondruok e okumba ma wageng’orego.”

Motingʼo Loko Manyien

¹⁵ Usungoru niya, “Wasetimo singruok gi tho wasedonjo e winjruok gi liete omiyo, ka masira miwachono nolandre e piny to ok nomulwa, nimar waseketo miriambo ragengʼ-wa, kendo wuondruok ka kar pondo.”

Isaya 28:15 ပူးပေါင်းရင်းမြစ်များ

Chakruok 37:20

Wanegeuru, kendo wawite e bugo moro ka, to wadhi wawachi ni ondiek onege. Mi wanane ane gima lekne timone!”

Ayub 5:23

Puotheni ok nobed gi lwendni e igi, kendo ondiegi ok nomonji.

Eklesiastes 8:8

Onge ng’ama nyalo geng’o tho mondo kik nege, kata ng’ama nyalo chwalo chieng’ thone nyime. Ka lweny owuok, to onge tony! Onge gima wanyalo timo mi wakwo.

Isaya 28:18

mi winjruok mane utimo gi tho, kethre, kendo singruok mane utimo gi Piny Joma Otho, rum. Pi mabubni noywo gik moko, mi unuchal gi piny ma ohula omwomo!

Isaya 28:2

Winjuru! Ruoth Nyasaye biro kelo ng’at maratego moseyiero mondo oketh pinyu. Obiro biro mana ka yamb koth makelo pe, maketho piny, kata mana ka pi ohula mabubni kaywoyo gik moko.

Isaya 29:15

Yaye, unune malit, un joma temo pando parogi ni Nyasaye, kendo ma, kosetimo timbegi e mudho, to wacho niya, “Ere ng’ama nenowa, koso ere ng’ama ong’eyo gima watimo?”

Isaya 3:12

Joga to nyithindo ema thiro, kendo mon e jotendgi. A yaye joga, jotendu wuondou, kendo gimiyo ubayo yo monego uluw.

Isaya 30:10

Giwacho ni jokor wach niya, ‘Kik une fweny.’ Jonabi to giwachonigi ni, ‘Kik ukor wach moro mar adiera, to kornwauru mana weche mamit mag wuondruok.

Isaya 30:12

To Ng’ama Ler mar Israel wacho kama, “Ok usewinjo wachnano, bende usando ji, kendo utimo timbe mag miganga, kuparo ni gik ma kamago nyalo konyou,

Isaya 30:28

Muche bende chalo gi aora mopong’ ma mwomo genge, kendo imo ng’ato nyaka ng’ute. Obiro piedho ogendini gi rapiedhi mar tho, mi omi giba yo ma gidwaro luwo, mana ka faras michiko gi chuma ma otue e dhoge.

Isaya 30:9

Jogo gin joma jopiem. Gin yawuowi ma jomriambo, ma odagi winjo chike ma Ruoth Nyasaye ogolo.

Isaya 44:20

Ng’at ma kamano chamo mana buch kendo! Parone mofuwo osewuonde, mowite. Omiyo oonge gi rieko monyalo parogo ni gima oting’o e lweteno ok en gima adier.

Isaya 59:3

Lwetu omienore gi remo, kendo usemulo richo. Miriambo bende wuok e dhou, kendo lew hango wach.

Isaya 59:4

Onge ng’ama donjo ni wadgi e yo makare, kata ma yalo bura gi adiera, to ji duto ogeno kuom weche manono kod miriambo. Gichano weche maricho e chunygi, ma bang’e nywolo mana chandruok.

Isaya 9:15

(Wich en joma oti kod joma ogen, to yip en jonabi mawacho miriambo.)

Jeremia 13:25

Ruoth Nyasaye osewacho ni mano e gima biro timorenu. Osechano mondo otimnu kamano nikech useweye, mi ugeno mana kuom nyiseche manono.

Jeremia 14:13

An to ne adwoke ni, “A Ruoth Nyasaye, donge ing’eyo ni jonabi wacho ni ji niya, ‘Kech kata lweny biro bedo maonge, nimar nisingori ni kue kende ema nobed e pinywa’?”

Jeremia 16:19

Eka Jeremia nolemo ka wacho kama: “A Ruoth Nyasaye, in ema imiya teko, kendo irita, bende in e kara ma abwokie e kinde mag chandruok. Ogendini moa tung’ piny ka tung’ piny nobi iri, kawacho niya, ‘Kwerewa ne lamo nyiseche manono ma gin mana kido ma onge tich.

Jeremia 44:17

Wabiro timo gik moko duto ma wasesingore ni watimo. Wabiro timo misengni ni nyasaye madhako miluongo ni Ruodh Polo, kendo wabiro chiwone misengni miolo piny, mana kaka wan gi kwerewa gi ruodhwa kod jotendwa ne watimo e miech Juda kendo e yore mag Jerusalem. E ndalono ne wan gi chiemo mogundho, kendo ne wadhi nyime maber maonge chandruok moro.

Jeremia 5:12

Jo-Ruoth Nyasaye osekwede, ka giwacho niya, “Ok obi timo gimoro. Onge masira moro, kaka lweny kata kech, ma nobi kuomwa.”

Jeremia 5:31

Jonabi koro weche mag miriambo, jodolo bende chwakogi, to kendo mano e gima joga ohero! To gibiro timo ang’o, chieng’ ma gigo orumo?

Ezekiel 13:16

Gin e joma ne owuondo jo-Jerusalem ni gik moko duto dhi maber, to kara gik moko ok dhi maber ngang’. An Ruoth Nyasaye ema awacho kamano.’ ”

Ezekiel 13:22

“Unyoso chuny joma kare gi miriambo, to an ok adwar mondo unyos chunygi. Bende ujiwo chuny joma timbegi mono, mi gidagi weyo timbegi mamonogo, mondo gires ngimagi.

Ezekiel 22:28

Jonabi to umo richogo mana ka joma mwono kor ot gi buru. Gineno fweny mag miriambo, kendo gikoro weche ma ok adier. Giwacho ni wechego gin mag Ruoth Nyasaye, to an Ruoth Nyasaye pok awuoyo kodgi.

Ezekiel 8:12

Ruoth Nyasaye nopenja niya, “Wuod dhano, bende ineno gik ma jodong Israel timo kama opondo kae? Ng’ato ka ng’ato lemo mana e od nyasache manono. Giwuondore niya, ‘Ruoth Nyasaye ok newa! Osejwango pinyni.’ ”

Daniel 11:22

Ogend lweny duto nopiem kode, to enoywegi oko motiekgi pep, koda ka jadolo maduong’ mar Nyasaye.

Daniel 9:27

Jatelono nolos winjruok motegno gi ji mang’eny kuom higni abiriyo, kendo nomi ji owe timo misengni kendo owe kelo chiwo kuom higni adek gi nus. Gima kuero makelo kethruok nobed ewi osuri mar Hekalu nyaka ng’at mane okete kanyo chopi e giko mane Nyasaye oketone.”

Hosea 2:18

“Bang’ mano anatim singruok gi le mae thim gi winy mae kor polo kod gik mamol e lowo ni kik gihiny joga. Eka natur atung’ gi ligangla kod gimoro amora mar lweny, mi aywegi oko e piny mondo joga odag gi kue.

Amos 2:4

Ruoth Nyasaye owacho niya, “Jo-Juda osetimo richo mang’eny, omiyo abiro kumogi mak orem, nikech gisechayo puonjna, kendo gisedagi rito chikena. Nyiseche manono mane kweregi lamo osemiyo gibaro, mi giweya.

Amos 6:13

Umor kuom loyo dala maonge ndhathe, bende usungoru ni un gi teko moloyo kawo Karnaim.

Jona 2:8

Joma lamo nyiseche manono nyalo weyo gik ma gigeno kuomgi,

Zefania 1:12

“Chieng’no anamany Jerusalem, kamenye gi taya, mi akum joma osiko katimo atima richo, kendo wacho ni Ruoth Nyasaye ok bi timo gimoro kata matin.