Isaya 28:1 - MUMA MALER 2015

¹ Yaye, inine malit, in dala Samaria manie holo momew, ma jomer mag Israel sungorego ka osimbgi. Duong’ni biro rumo mana ka maua moner, in dala ma joge lwokore gi kong’o!

Motingʼo Loko Manyien

¹ Mano kaka unune malit un osimbo mar jomer man Efraim, maber mare malich biro rumo ka maua maner, mopidhi ei holo momiyo mana kaka josunga malwokore gi kongʼo!

Isaya 28:1 ပူးပေါင်းရင်းမြစ်များ

2 Ruodhi 15:29

E ndalo mag loch Peka ruodh Israel, Tiglath-pileser ruodh Asuria nobiro, mokawo Ijon gi Abel-bethmaaka gi Janoa gi Kedesh gi Hazor gi Gilead kod Galili. Kamano nokawo piny Naftali duto, motero jopinyno nyaka Asuria e tuech.

2 Weche mag Ndalo 28:6

Odiechieng’no, Peka wuod Ramalia nonego jo-Juda ma thuondi mia achiel gi piero ariyo. Ne ologi nikech ne giseweyo Ruoth Nyasaye ma Nyasach kweregi.

Ngeche 23:29

Ng’at madeko oko ka kong’o, kendo mamadho kong’o mayoreyore donjo e dhaw kendo yudo masira. Ohinyore kayiem nono; wang’e bende kwar. Bang’e to oywago ang’e.

Isaya 28:7

To koro jotend Jerusalem duto bende gin jomer. Jodolo mage kod jonabine mer kendo kwang’ nikech kong’o makech, omiyo gitimo gik mofuwo. Gitagore ataga ka gineno fweny, kata ka ging’ado bura.

Isaya 5:11

Yaye, unune malit, un joma chiew gokinyi mang’ich kadhi dwaro kong’o, kendo budho nyaka dier otieno ka mer!

Isaya 5:22

Yaye un thuondi mag madho kong’o kendo ma tekogi en mana ruwo kong’o makech,

Isaya 8:4

nimar kapok ong’eyo wacho ni ‘Baba’, kata ni ‘Mama,’ to ruodh Asuria nomonj Damaski kod Samaria, mi yak mwandugi duto.”

Isaya 9:11

Ruoth Nyasaye biro kelo wasigu mondo oked kodgi. Adier, obiro thuwo wasikgi kodgi mondo otiekgi.

Isaya 9:8

Ruoth Nyasaye oseoro wachne kosiemogo joka Jakobo. Ee, wachno otundo kuom jo-Israel.

Isaya 9:9

Jo-Efraim kod jo-Samaria duto nobolre, kata obedo ni giwuoyo gi sunga kod wang’ teko niya,

Hosea 4:11

“Kong’o osemayo joga rieko!

Hosea 5:5

Sunga ma jo-Israel nigo nyiso ni gin joricho. Richogigo miyo gichwanyore kendo gipodho, mi jo-Juda bende podho kodgi.

Hosea 5:9

Ruoth Nyasaye wacho niya, “Aseng’ado bura mak lokre ni, chieng’ mokumie jo-Israel, to ginirum pep.

Hosea 6:10

Aseneno ka gitimo gima mono e Israel. Joga osedwanyore kendgi kuom lamo nyiseche manono.

Hosea 7:5

Chieng’ mane ruoth timo sawo, ne gimiyo omadho divai gi jodonge, mi gimer kendo gilokore josunga ma jaro ji ajara.

Tim jo-Lawi 26:19

Anaketh sunga mar wich teko, ma un go. Anami polo malo rieny ka chuma, kendo piny mwalo dok matek ka mula.

Amos 2:12

To ne umiyo jo-Nazir omadho divai, bende nuchiko jonabi ni kik hul wachna.

Amos 2:8

Kuonde duto ma ji lamoe, ginindo e lewni mosingnigi kuom gope. Divai ma ukawo kuom joma ugoyo faini, umadho e Hekalu mar Nyasachu.

Amos 4:1

“Winjuru, un mond Samaria machwe ka dhok makwayo e lege momew. Uthago joma onge teko, kendo usando joma odhier, bende ng’ato ka ng’ato kuomu rungo chwore, ka wacho niya, ‘Kelna gima anyalo madho!’

Amos 6:1

“Mano biro bedo wach marach manade kuom joma odak maber Sayun, kendo kuom joma ogeno ni gode mag Samaria nyalo resogi. Un joma dongo mag oganda maduong’ moloyo, ma joma jo-Israel dhi irgi mondo oyud konyruok,

Amos 6:4

Un ma unindo e kitendni molos gi lak liech, kendo utaroru e kombe madongo, kuchamo nyirombe mugolo kuom jambu, kod nyiruedhi machue mopidh maber.

Amos 6:6

umodho divai gi ndope, kendo uwiroru gi modhi ma nengogi tek, to ok litnu ka joka Josef rumo.

Amos 6:8

Ruoth Nyasaye Manyalo Gik Moko Duto osesingore owuon niya, “Asin gi sunga mar joka Jakobo, kendo asin gi utgi madongo dongo. Abiro chiwo Samaria ma dalagi, kod gik moko duto man e iye e lwet wasigu.