Isaya 27:8 - MUMA MALER 2015

⁸ Ooyo, ose mana riembogi gidhi e piny mabor, ka gima yamo mager moa yo wuok chieng’ ema oterogi.

Motingʼo Loko Manyien

⁸ Ei masiche kod twech isebedo machiegni kode, iseriembogi mabor, mana ka gima yamo mager moa yo wuok chiengʼ ema terogi.

Isaya 27:8 ပူးပေါင်းရင်းမြစ်များ

Ayub 23:6

Bende Nyasaye digoya gi mbi, mi uth bucha? Ooyo, ang’eyo ni dowinj wachna.

Zaburi 103:14

En ong’eyo gima ochuewago. Ong’eyo ni wan mana buru.

Zaburi 103:9

Ok osik ka odhawnwa kinde duto, kendo ok osik kokecho.

Zaburi 38:1

A Ruoth Nyasaye, kik ikwera kikecho, kendo kik ikuma gi mirima.

Zaburi 6:1

A Ruoth Nyasaye kik ikweda kikecho. Ee, kik ikuma ka in gi mirima.

Zaburi 76:10

Kata mana mirimb dhano keloni pak, kendo jogo motony e lweny nopaki e sewni ma gitimoni.

Zaburi 78:38

En to nokechogi, mong’wononigi kuom richogi, mi ok otiekogi. Kinde mathoth ne omwonyo mirimbe, nikech ne ok odwar kecho kodgi.

Isaya 1:5

Ka pod usiko upiem apiema koda kamano, to ere dendu kama pod anyalo goyo, ka adhonde opong’o wiu, kendo ringreu duto odholore kama?

Isaya 10:12

Ka Ruoth Nyasaye osetieko kumo jo-Jerusalem kaka nochano to enokum ruodh Asuria kuom timbene mag sunga kod ng’ayi,

Isaya 50:1

Ruoth Nyasaye wacho niya, “Un jo-Israel ma nyithinda, en adier ni ne ariembou nikech timbeu maricho, to bende nitie gima nyiso ni nariembou chuth, kaka ng’ato riembo chiege? Koso ng’ato nitie mane achiwoune? Ooyo, ne ang’iewou mana nikech timbeu mamono.

Isaya 54:7

Chutho, ne ajwang’i kuom kinde manok, to koro abiro dwoki dala gi hera matut.

Isaya 57:16

Ok anabed kadhaw ndalo duto, bende ok anabed kakecho nyaka chieng’, nimar ka da bed ni atimo kamano, to ji duto mane achueyo ditho.

Isaya 64:5

Ihero ng’at matimo tim makare ka mor, kendo ma paro yoreni. Kata kane ikecho kamano, to wan ne pod watimo richo atima. Wasesiko gi richowa ndalo mang’eny. Koro bende niwarwa adier?

Jeremia 10:24

Kuom mano, A Ruoth Nyasaye, riewa gi bura, to ok gi mirimbi, nono to itiekowa pep.

Jeremia 30:11

“Abiro bet kodu mondo aritu, mi atiek ogendini duto kuonde ma asekonyoue, to un ok natieku. Kata kamano ok nawe mak akumou, to ok nakumu gi gero.”

Jeremia 4:11

Ndalo biro, mibiro nyisie jo-Jerusalem ni yamo maliet moa e thim kudho koni, kochomo jo-Ruoth Nyasaye. Ok nokudh mos maber minyalo piedhgo cham,

Jeremia 4:27

Ruoth Nyasaye osewacho ni piny ngima biro dong’ nono, to ok nokethe chuth.

Jeremia 46:28

Kik uluor, nikech an kodu. Abiro tieko ogendini duto kuonde duto ma asekeyoue, to un ok natieku. To kata kamano, abiro kumou moromo gi timbeu. An Ruoth Nyasaye ema awacho kamano.”

Ywagruok 3:31

nikech Ruoth Nyasaye ok nowit ng’ato nyaka chieng’.

Ywagruok 3:32

Kata obedo ni okumo ji malit, to ong’wononigi bende gi herane mogundho mosiko,

Ezekiel 19:12

To ne odhuole oko gi lop tiende gi mirima mager, mi opodho piny. Yamb oro moa yo wuokchieng’ notwoyo olembene. Bedene bende ne otur, kendo otwo, mi owang’ e mach.

Hosea 13:15

Kata obedo ni jo-Israel dhi nyime maber ka buya malandore, to abiro kelonigi jaketh ma notiek gigi mabeyo duto mana kaka yamb oro moa e piny motimo ongoro duono sokni duto.

Hosea 4:1

Ruoth Nyasaye ni kod wach ni ji modak e pinyni. Omiyo un jo-Israel chikuru itu mondo uwinj ane gima owacho. Owacho kama: “Dimbruok kod hera onge e pinyni, kendo ji ok oyie kata mana kuom Nyasaye.

1 Jo-Korintho 10:13

Onge tem ma useyudo mopogore gi tem ma ji duto yudo. Nyasaye en jaadiera, omiyo ok noyie mondo uyud tem mohingo tekreu, to nomiu yo ma uwuokgo e tem moro amora, kendo nomiu teko mar dhil gi tem go.

1 Petro 1:6

Beduru mamor kuom wachno, kata obedo ni usebedo kuchandoru kuom tem mopogore opogore kuom kinde matin.